Gálatas 6:6 - Chayahuita (Shahui)

⁶ Aꞌnaquën paatonaꞌ, nani tahuëri Yosë nanamën aꞌchinápi. Aꞌchintohuachinquëmaꞌ, maꞌsha quëtocoꞌ ama pahuanchinasohuëꞌ.

Gálatas 6:6 ပူးပေါင်းရင်းမြစ်များ

Mateo 10:10

Ama pëꞌpëto, pitana, sapatëꞌ, inapita quëpacosohuëꞌ. Ama aꞌmoramaso tërantaꞌ catoꞌ quëpacosohuëꞌ. ‘Asacatohuatëra, aꞌcacasoꞌ yaꞌhuërin,’ topi. Napoaton aꞌchintohuatamaꞌ, aꞌcaarinënquëmaꞌ, catahuaarinënquëmaꞌ ama maꞌsha pahuantinquëmaso marëhuëꞌ.

Lucas 1:4

Naꞌa piyapiꞌsaꞌ nani shaꞌhuitopirinënquënhuëꞌ, iporasoꞌ cariontaꞌ ninshitaranquën noꞌtëquën nitotamaso marëꞌ.

Romanos 15:27

Inahuantaꞌ Quisocristo imapi niꞌton, catahuatacaisoꞌ paꞌyatopi. “Cotioroꞌsaꞌ imapisopita Yosë nanamën nitotatonaꞌ, aꞌchintërinënpoaꞌ niꞌquëhuarëꞌ, canpoarintaꞌ maꞌsha quëtacasoꞌ yaꞌhuërin. Nisha piyapinpoaꞌ nipirëhuahuëꞌ, Yosë nohuitacaso marëꞌ catahuarinënpoaꞌ niꞌton, canpoarintaꞌ catahuahuaꞌ ama maꞌsha pahuanchinasohuëꞌ,” nitopi.

Deuteronomio 12:19

Sinioro noꞌpaꞌ quëtarinquëmaquë yaꞌhuapoma pochin ama nihuiroꞌsa naniantocosohuëꞌ. Catahuaco ama pahuanchinasohuëꞌ.

2 Timoteo 4:2

Nanamën aꞌchináquëꞌ. Piyapiꞌsaꞌ yanatanpachinaꞌ, aꞌchintëquëꞌ. Sacaiꞌ aꞌchinacaso nipirinhuëꞌ, onpopiontaꞌ aꞌchináquëꞌ. Aꞌnaquënsoꞌ co yaimapachinahuëꞌ, noꞌtëquën shaꞌhuitëquëꞌ natëinaꞌ. Co noyahuëꞌ nipachinaꞌ, pënënquëꞌ. Noya nontëquëꞌ chiníquën cancantatonaꞌ, imainaꞌ. Yaꞌipi piyapiꞌsaꞌ aꞌchintëquëꞌ noya nicacaiso marëꞌ. Nipirinhuëꞌ, ama noꞌhuiquësohuëꞌ. Sanoanan quëran pënënquëꞌ.