Gálatas 6:2 - Chayahuita (Shahui)

² Yaꞌipinpoaꞌ aꞌna tahuëri maꞌsha onporëhuaꞌ. Aꞌna tahuërintaꞌ sopai yanonpintërinpoaꞌ co noyahuëꞌ nicacaso marëꞌ. Napoaton nicatahuahuaꞌ noya yonquicaso marëꞌ. Panca pëꞌpëto nicatahuarëso pochin catahuahuaꞌ. Inapohuatëhuaꞌ, Quisocristo natëarihuaꞌ. “Ninosorocoꞌ,” itërinpoaꞌ.

Gálatas 6:2 ပူးပေါင်းရင်းမြစ်များ

Isaías 58:6

Ama ina pochin yonquicosohuëꞌ. Co ina pochin ayono nicacaso yaꞌhuërinhuëꞌ. Noya nicaꞌhuanquëmaso marëꞌ ayonahuatamaꞌ, isopocoꞌ: Noꞌtëquënáchin yonquirapitomaꞌ, aꞌnapitanta noya niꞌcoꞌ. Co manta onpopirinahuëꞌ catinaquëtohuachinaꞌ, parisitopi. Inapita pochin nitopisopita, iꞌshiritatë pochin nitocoꞌ. Toro asacatohuachinara, onquinënquë nara oyontopi. Ina tonpotopisoꞌ iꞌshiritatë pochin, piyapiꞌsa inapo aparisitapisoꞌ, nichaꞌëcoꞌ. Ama huachi noꞌhuitatoma piyapiꞌsa inapo aparisitocosohuëꞌ.

Mateo 8:17

Iráca Isaiasë ninoton, ninshitërin. “Caniopirëhuahuëꞌ, anoyatarinpoaꞌ. Canio inquitarinpoaꞌ,” tënin. Caniaꞌpiroꞌsaꞌ anoyatohuachina, ninorinsoꞌ nanirin huachi.

Lucas 11:46

Napotohuachina, cotio maistroꞌsantaꞌ pënënaton, itapon: —¡Maꞌhuantacha canpitantaꞌ nisarama paya! Naꞌcon piyapiꞌsaꞌ pënënpiramahuëꞌ, nani maꞌsha natëcaisoꞌ shaꞌhuitëramaꞌ niꞌton, panca pëꞌpëtërëso pochin ninatanpi. Aꞌchintopiramahuëꞌ, co piꞌpisha tërantaꞌ catahuaramahuëꞌ natëcaisoꞌ.

Juan 13:34

Iporasoꞌ nasha pochin pënënaranquëmaꞌ noya ninosorocamaso marëꞌ. Carinquëma nosororanquëmaso pochachin, imaramacosopita capinintaꞌ ninosorocoꞌ.

Juan 15:12

Nani pënënanquëmaꞌ noya ninosorocamaso marëꞌ. Carinquëmaꞌ nosororanquëmaso pochachin canpitantaꞌ ninosorocoꞌ. Ina paꞌpi nohuantërahuë nicacamasoꞌ.

Romanos 15:1

Canpoasoꞌ yaꞌipi cancanënpoa quëran imarëhuaꞌ. “Quisocristoíchin nichaꞌërinpoaꞌ,” taꞌtëhuaꞌ, co nisha nisha yonquirëhuahuëꞌ. Aꞌnaquënso nipirinhuëꞌ co yaꞌipi cancanëna quëran natëyátërapihuëꞌ. Inapitantaꞌ oshaquëran pënënatëhuaꞌ, catahuahuaꞌ noya imainaꞌ. Ama canpoara nohuantërëhuasoráchin yonquiaꞌhuasohuëꞌ.

Romanos 8:2

Oshanënpoa natëhuatëhuaꞌ, co noyahuë ninëhuaꞌ. Inapohuatëhuaꞌ, chiminpatëhuaꞌ, anaꞌintarinpoaꞌ. Nipirinhuëꞌ, Quisocristo imapatëhuaꞌ, Ispirito Santo catahuarinpoaꞌ nanpimiatacaso marëꞌ. Naporahuaton, co huachi oshanënpoa natëcasoꞌ yaꞌhuërinhuëꞌ.

1 Corintios 9:21

Nisha piyapiꞌsasoꞌ co Moisësë pënëntërinsoꞌ natëpihuëꞌ. Napoaton inapita aꞌchintohuatëra, co yaꞌipi Moisësë pënëntërinsoꞌ natërahuëꞌ. Co ina natëpirahuëꞌ, Quisocristo natëto, noya ninahuë. Nisha piyapiꞌsarintaꞌ imacaiso marëꞌ Quisocristo nanamënáchin aꞌchintërahuë.

Gálatas 6:5

Aꞌnaya aꞌnayanpoaꞌ Yosë acorinpoaꞌ maꞌsona nicacasoꞌ. Canpoara pëꞌpëtonënpoaꞌ quëparëso pochin niahuaꞌ. Aꞌna tahuëri sacaiꞌ nipirinhuëꞌ ahuantatëhuaꞌ, imamiatahuaꞌ.

1 Tesalonicenses 5:14

Canpita capini iyaroꞌsaꞌ nipënëncoꞌ. Aꞌnaquën co yasacatopihuëꞌ. Inapita pënëncoꞌ ama chiroinasohuëꞌ. Aꞌnaquën maꞌsha onpohuachinara, Yosë yananiantopi. Inapitantaꞌ noya nontocoꞌ chiníquën cancanchinaꞌ. Aꞌnaquëontaꞌ cancanëna quëran co chinipihuëꞌ. Catahuacoꞌ ama Yosë nanianchinasohuëꞌ. Inapohuatamaꞌ, ama insontaꞌ noꞌhuicosohuëꞌ. Sanoanan quëran pënëncoꞌ.

Santiago 1:25

Nipirinhuëꞌ, natëhuatamaꞌ, noya nisaramaꞌ. Nasha nanansoꞌ nóya. Canpitaora nohuanton, ina natëhuatamaꞌ, co sopai camaiarinquëmahuëꞌ. Nani tahuëri Yosë nanamën yonquicoꞌ. Natanpatamaꞌ, ama naniantocosohuëꞌ. Noya natëhuatamaꞌ, Yosë catahuarinquëmaꞌ noya nicacamaso marëꞌ.

Santiago 2:12

Quisocristo imapatëhuaꞌ, nasha nanan shaꞌhuitërinpoaꞌ. Nichaꞌërinpoaꞌ niꞌton, nanitërëhuaꞌ nóya nicacasoꞌ. Ina nanan chachin yonquiaton, aꞌna tahuëri Yosë coisë pochin nontarinpoaꞌ. Niꞌton, piyapi nosoroatomaꞌ, noya nicoꞌ, noya nontocoꞌ.

Santiago 2:8

Yosë quiricanën quëran noya noya pënëninpoaꞌ. “Quëmaora ninosororanso pochachin aꞌnapitantaꞌ nosorocoꞌ,” itërinpoaꞌ. Yaꞌipi piyapiꞌsaꞌ nosorohuatamaꞌ, noya nisaramaꞌ.

1 Pedro 2:24

Quisocristo isoroꞌpaquë oꞌmaton, piyapi chachin nasitimarin. Oshanënpoa marëꞌ corosëquë chiminin. Inaora yaꞌhuërëtërinpoaꞌ. Yaꞌipi co noyahuëꞌ yonquirëhuasopita naniantatëhuaꞌ noya nicacaso marëꞌ chiminin. Corosëquë parisitaton, anoyacancantërinpoaꞌ.

2 Pedro 2:21

Noꞌtën nanan nitotaponaraihuëꞌ, co imamiatopihuëꞌ. Nóya nicacasoꞌ aꞌchintopirinahuëꞌ, ina naniantopi. Co onporontaꞌ natanpihuëꞌ naporini, noya noya niitonahuëꞌ. Nani Yosë aꞌpopi.

2 Pedro 3:2

Iráca noya pënëntonaꞌpiroꞌsaꞌ yaꞌhuëpi. Ninotonaꞌ, Yosë quiricanënquë ninshitopi, nani nontëramaꞌ. Naporahuaton, quiyantaꞌ Quisocristo pënënincoisoꞌ aꞌchintërainquëmaꞌ. Inasoꞌ nichaꞌësarinpoaꞌ. Caꞌtanoꞌsanënpitacoi chachin aꞌparincoi. Ama naniantacamaso marëhuëꞌ ninshitaranquëmaꞌ.

1 Juan 4:21

Quisocristo pënëninpoaꞌ. “Nosorohuatamaco, piyapintaꞌ nosorocoꞌ,” itërinpoaꞌ.