Gálatas 6:18 - Chayahuita (Shahui)

¹⁸ Yaꞌipinquëmaꞌ, iyaroꞌsaꞌ, yonquiáranquëmaꞌ. Inaora nohuanton, Sinioro Quisocristo catahuainquëmaꞌ. Amen. Nani huachi. Paono

Gálatas 6:18 ပူးပေါင်းရင်းမြစ်များ

Hechos 1:15

Ina quëran naꞌa Quisoso imapisopita niyontonpi. Pasa cato shonca piyapiꞌsa pochin yaꞌhuëpi. Pitrori huancánachin huanirahuaton, itërin:

Romanos 1:13

Tëhuënchachin iyaroꞌsaꞌ, iráca quëran huarëꞌ nicapënquëmaꞌ yapaꞌpirahuëꞌ. Ipora huantaꞌ co nanitërahuëꞌ pacaꞌhuasoꞌ. Nisha nisha parti aꞌchinpatëra, piyapiꞌsaꞌ natëtonaꞌ, Quisocristo imasapi. Canpitantaꞌ yaaꞌchintëranquëmaꞌ noya noya imacamaso marëꞌ.

Romanos 16:20

Yosëíchin catahuarinpoaꞌ sano cancantacasoꞌ. Sopai yanonpintopirinquëmahuëꞌ, Yosë catahuarinquëmaꞌ niꞌton, aꞌnaroáchin sopai minsëaramaꞌ. Canpita marëꞌ Yosë nontarahuë. Inaora nohuanton, Sinioro Quisocristo noya catahuainquëmaꞌ, tënahuë.

Romanos 16:23

Acayontaꞌ yonquiatënquëmaꞌ, saludos aꞌpatarinquëmaꞌ. Ina pëinënquë yacapatërahuë. Inaquë chachin imaraisopita niyontonai Yosë chinotaꞌhuaiso marëꞌ. Irasitontaꞌ saludos aꞌpatarinquëmaꞌ. Iso ninanoquë coriqui tapanaꞌpi inasoꞌ. Iya Coartontaꞌ saludos aꞌpatarinquëmaꞌ. [

2 Corintios 13:14

Inaora nohuanton, Sinioro Quisocristo catahuainquëmaꞌ. Tata Yosë nosoroꞌinquëmaꞌ. Ispirito Santo chachin nani tahuëri noya ayonquiinquëmaꞌ. Nani huachi. Paono

Gálatas 3:15

Niꞌcochi iyaroꞌsaꞌ. Iso pochin shaꞌhuichinquëmaꞌ yonquicamaso marëꞌ. Maꞌsha mapatëra, quirica quëtërinënpoꞌ. Quëtohuachinënpora, huaꞌani nininën acorahuaton, huiꞌsharin. Ina quëran co insontaꞌ nanitërinhuëꞌ canpiacasoꞌ. Co aquëtëꞌ ninshitacasoꞌ yaꞌhuërinhuëꞌ. Naporahuaton, co tapicasoꞌ yaꞌhuërinhuëꞌ. Yaꞌnan ninshitërinsoráchin yaꞌhuëmiatarin.

Gálatas 4:12

Cantaꞌ iráca yaꞌipi pënëntërinsoꞌ natëpirahuëꞌ, Quisocristo imacaꞌhuaso marëꞌ co huachi ina yonquirahuëꞌ. Ca pochin cancantatomaꞌ, canpitantaꞌ, iyaroꞌsaꞌ, “Co iráca pënëntërinsoꞌ nichaꞌësarinpoahuëꞌ,” taꞌtomaꞌ, Quisocristoíchin imaco huachi. Iráca nicapënquëmaꞌ paꞌpatëra, co noꞌhuiramacohuëꞌ, noya nontëramaco.

Gálatas 4:28

Apraan huiꞌnin chachin Isaco itopisoꞌ. Yosë nohuanton, yaꞌhuëtërin. “Noꞌtëquën Yosë nontërinco,” topachina, ina nohuanton, Isaco nasitërin. Canpoantaꞌ Quisocristo imapatëhuaꞌ, Yosë nohuanton, huëntonënquë yaꞌconarihuaꞌ. Huiꞌninpita pochin niꞌninpoaꞌ.

Gálatas 6:1

Ispirito Santo natëtomaꞌ noya cancantohuatamaꞌ, aꞌnapitantaꞌ catahuacoꞌ ina pochin cancanchinaꞌ. Aꞌnasoꞌ co noyahuëꞌ nipachin, ama noꞌhuicosohuëꞌ. Sanoanan quëran pënënatomaꞌ, catahuacoꞌ co noyahuëꞌ yonquirinsopita nanianchin. Niꞌcona canpitantaꞌ sopai minsëchinquëmaꞌ.

2 Timoteo 4:22

Sinioro Quisocristo achinicancainquën. Yaꞌipinquëmaꞌ imaramasopita inaora nohuanton, noya catahuainquëmaꞌ. Nani huachi. Paono

Filemón 1:25

Inaora nohuanton, Sinioro Quisocristo noya catahuainquëmaꞌ. Nani huachi. Paono

Apocalipsis 22:21

Sinioro Quisoso noya catahuainquëmaꞌ. Yaꞌipi imaramasopita nosoroatënquëmaꞌ, catahuainquëmaꞌ. Nani ninshitëranquëma huachi. Coansha