Gálatas 6:17 - Chayahuita (Shahui)

¹⁷ Quisocristo noꞌtëquën natërahuë niꞌton, ahuërinaco. Ipora huanta pëꞌsharinaco niꞌton, cariroꞌsaꞌ yaꞌhuëarin. Napoaton ama insontaꞌ aquëtë huarëꞌ asëchincosohuëꞌ tënahuë.

Gálatas 6:17 ပူးပေါင်းရင်းမြစ်များ

Isaías 44:5

Napohuachina aꞌnasoꞌ: ‘Caso Sinioro huaꞌanëntërinco,’ tapon. Aꞌnantaꞌ: ‘Caso Cacopo shiinco,’ tapon. Aꞌnantaꞌ, imirinquë ninshitaton: ‘Yosë caso huaꞌanëntërinco,’ tapon. Aꞌnaquënsoꞌ, nininën ninshitahuaton, ina pirayan Israiro nininën ninshitaantarin,” tënin.

Hechos 15:24

Iꞌhua aꞌnaquën isëquëran paꞌpachinara, nisha aꞌchintërinënquëmaꞌ. ‘Co Moisësë pënëntërinsoꞌ natëhuatamahuëꞌ, co Yosë huëntonënquë yaꞌconaramahuëꞌ,’ itërinënquëmaꞌ. Co quiyari aꞌpapiraihuëꞌ, paꞌpi. Natanahuatomaꞌ, nisha nisha yonquiramaꞌ. Pirnapi Paonorë chachin huëcaton, nani shaꞌhuitirincoi. Ipora huarëꞌ nitotatoi, ninshitarainquëmaꞌ.

2 Corintios 1:5

Quisocristo imarëhuaso marëꞌ aꞌnapita aparisitërinënpoaꞌ. Aparisitohuachinënpoara, Quisocristo chachin achinicancaninpoaꞌ. Naꞌcon naꞌcon aparisitohuachinënpoaꞌ, naꞌcon naꞌcon catahuarinpoaꞌ noya cancantacaso marëꞌ.

2 Corintios 4:10

Iráca Quisocristo chiníquën aparisitahuatonaꞌ, tëpapi. Quiyantaꞌ Quisocristo marëꞌ parisitarai. Aꞌnaquën yatëparinacoi. Napoaponahuëꞌ Quisocristo nanpiantarin niꞌton, catahuarincoi ina pochin nicaꞌhuaiso marëꞌ.

Gálatas 1:7

Co aꞌna nanan, iyaroꞌsaꞌ, yaꞌhuërinhuëꞌ chaꞌëcaso marëꞌ. Quisocristoíchin anoyacancantërinpoaꞌ. Ina imapatëhuaꞌ, oshanënpoaꞌ inquitarinpoaꞌ. Inasáchin yonquipiramahuëꞌ, aꞌnapita huëcatonaꞌ, nisha nanan aꞌchintarinënquëmaꞌ. Napoaton nisha nisha yonquiaramaꞌ. Yanonpintërinënquëmaꞌ. “Co Quisocristoráchin yonquicasoꞌ yaꞌhuërinhuëꞌ,” itërinënquëmaꞌ.

Filipenses 3:10

Aquë aquëtëꞌ Quisocristo yanohuitërahuë. Iráca nanpiantarahuaton, chini chiníquën nanantërin. Yaꞌipi nanitaparin niꞌton, catahuaincosoꞌ nohuantërahuë. Noya noya nicaꞌhuaso marëꞌ catahuainco, tënahuë. Iráca Yosë natëton, parisitërin. Canpoa marëꞌ chiminin. Iporasoꞌ cantaꞌ aparisitopirinacohuëꞌ, Quisocristo pochin Yosë natëi. Chimininso pochin yaꞌipi co noyahuëꞌ yonquirahuësoꞌ naniantato, noyápiachin cancanchi, tënahuë.

Colosenses 1:24

Imarëhuasopita marëꞌ Quisocristo chiníquën parisitërin. Parisitaton, huëntonënquë ayaꞌconinpoaꞌ. Ina quëran imarëhuasopitantaꞌ parisitacasoꞌ yaꞌhuërin aꞌnapitantaꞌ imacaiso marëꞌ. Napoaton ipora cantaꞌ parisitarahuë canpitantaꞌ imacamaso marëꞌ. Parisitaporahuëꞌ, noya cancantërahuë.

Hebreos 12:15

Yosë inaora nohuanton nosoroatonpoaꞌ, yacatahuarinpoaꞌ. Aꞌnaquëniso nipirinhuëꞌ, co yatahuërëtopihuëꞌ. Inahuara yonquipisoáchin imatonaꞌ, co Yosë yonquicaisoꞌ nohuantopihuëꞌ. Ama inapita pochin cancantocosohuëꞌ. Co Yosëíchin yonquihuatamahuëꞌ, oshaquëran nitapicancanaramaꞌ. Ina quëran pënanin aꞌnaroáchin sëꞌcotëtërinso pochachin aꞌnapitantaꞌ atapicancanaramaꞌ.

Apocalipsis 13:16

Ina quëran camaiantarin. “Marca niacotacasoꞌ yaꞌhuërin. Tëꞌyamaquëhuë nipon, inchinan imiramaquëhuë nipon niacotocoꞌ. Huaꞌanoꞌsaꞌ, topinan piyapiꞌsaꞌ, maꞌhuanoꞌsaꞌ, saꞌahuaroꞌsaꞌ, patronoꞌsaꞌ piyapinënpitarë chachin, yaꞌipiya niacotacasoꞌ yaꞌhuërin. Co aꞌnaya tërantaꞌ pahuantacasoꞌ yaꞌhuërinhuëꞌ,” tosarin.

Apocalipsis 13:17

Co marca niacotohuachinahuëꞌ, co huachi nanitapihuëꞌ maꞌsha paꞌanatonaꞌ canacaisoꞌ. Co paꞌanacaiso tërantaꞌ nanitapihuëꞌ. Maꞌsha marë quëran pipirinsoꞌ marcanën niacotëraꞌpiaponaꞌ. Aꞌnaquën nininën chachin niacotapi. Aꞌnaquënso nipirinhuëꞌ nomironën niacotapi.