Gálatas 6:10 - Chayahuita (Shahui)

¹⁰ Napoaton yaꞌipi piyapiꞌsaꞌ nosoroaꞌhuaꞌ. Nanitohuatëhuaꞌ, catahuahuaꞌ. Quisocristo imarëhuasopita capini naꞌcon naꞌcon nicatahuahuaꞌ.

Gálatas 6:10 ပူးပေါင်းရင်းမြစ်များ

Salmos 37:27

Co noyahuëꞌ ninansopita aꞌporahuaton noyasáchin niquëꞌ. Ina pochin nipatan yaꞌhuëmiataran.

Salmos 37:3

Canpitaso noya nicatoma Sinioro natëcoꞌ. Inasáchin cancantatoma isoroꞌpaquë yaꞌhuëcoꞌ.

Proverbios 3:27

Saꞌahuaroꞌsa nosorocaso yaꞌhuërin. “Catahuaco topirahuë,” itohuachinquën, catahuaquëꞌ. Maꞌsona pahuantërinsoꞌ yaꞌhuëtohuachinquën, quëtëquëꞌ.

Eclesiastés 3:12

Napoaton nanpisëhuasoꞌ, noya ancatatëhua yaꞌhuëcaso yaꞌhuërin. Sinioro nani quëtërinpoaꞌ, capacasoꞌ, oꞌocasoꞌ, sacatatë canacasoꞌ, inapita acotërinpoa niꞌton, noya ancantahuaꞌ.

Eclesiastés 9:10

Maꞌsona tëranta nicacasoꞌ yonquihuatan, yaꞌipi cancanën quëran niquëꞌ. Aꞌna tahuëri chiminpatan, co huachi manta nisaranhuëꞌ. Co manta yonquiaranhuëꞌ. Co inaquëso maꞌsha nitotërëhuëꞌ. Co inaquësoꞌ yonquínahuan ninëhuëꞌ.

Mateo 10:25

Napoaton noꞌhuihuachinënquëmaꞌ, co ina marëꞌ sëtacasoꞌ yaꞌhuërinhuëꞌ. Nani noꞌhuirinaco cantaꞌ. ‘Sopainquën,’ itërinaco niꞌton, canpitanta ina pochachin nontarinënquëmaꞌ,” itërin Quisosori.

Mateo 12:50

Yosë natëpisopita iyahuëpita pochin niꞌnahuë. Sanapiꞌsantaꞌ Yosë nanamën natëhuachinaꞌ, oshihuëpita pochin niꞌnahuë. Payaroꞌsantaꞌ Yosë imapachinaꞌ, mamahuë pochin niꞌnahuë, itërin.

Mateo 25:40

‘Coꞌta, imarinacosopita parisitohuachinara, catahuaramaꞌ. Topinan piyapiꞌsaꞌ, saꞌahuaroꞌsaꞌ, inapita maꞌsha pahuantohuachinara, quëtëramaꞌ. Imatomaco, aꞌnapita catahuaramaꞌ niꞌton, cantaꞌ catahuaramacoso pochin niꞌnahuë,’ itarahuë.

Mateo 5:43

Ina quëran aꞌchintaantarin: “Isontaꞌ iráca pënëntopisoꞌ. ‘Canpita capini ninosorocoꞌ. Inimiconëmapitaso nipirinhuëꞌ, co nosorocasoꞌ yaꞌhuërinhuëꞌ,’ topi.

Marcos 3:4

Inaquë nipachina, piyapiꞌsaꞌ itapon: —Chinoto tahuëri noya nicacasoꞌ yaꞌhuërin. Co ahuëtacasoꞌ, co tëpatacasoꞌ, co inapita nicacasoꞌ yaꞌhuërinhuëꞌ. Caniaꞌpi tananpitohuatosoꞌ, co nosoroarahuëꞌ. Nipirinhuëꞌ, nosoroato anoyataꞌhuasoꞌ yaꞌhuërin, tënahuë casoꞌ. ¿Maꞌtaꞌ tënama canpitasoꞌ? itërin. Natanaponaraihuëꞌ, co mantaꞌ topihuëꞌ.

Lucas 6:35

Canpitaso nipirinhuëꞌ inimiconëmantaꞌ nosorocoꞌ. Inapitantaꞌ catahuacoꞌ. Piyapiꞌsaꞌ pahuantohuachinaꞌ, coriqui aꞌnancoꞌ. ‘Co iꞌhuërëtaponcohuëꞌ nimara,’ tapomarahuëntaꞌ, aꞌnancoꞌ. Ina pochin nipatamaꞌ, Yosëꞌpaꞌ naꞌcon canaaramaꞌ. Yosë pochachin cancantaramaꞌ. Inasoꞌ yaꞌipi piyapiꞌsaꞌ nosoroaton, catahuarin. Oshahuanoꞌsantaꞌ nosororin. Co ‘Yosparinquën,’ itopirinahuëꞌ, catahuarin.

Juan 12:35

—Iporáchin tahuëri pochin aꞌpintaranquëmaꞌ. Co huachi huaꞌquiꞌ yaꞌhuapohuëꞌ. Aꞌpininso pochin noꞌtëquën anitotëranquëmaꞌ. Anitotohuatënquëmaꞌ, noya nicoꞌ. Niꞌcona tashinan pochin cancantotamaꞌ. Tashinanquë iratohuatëra, chihuërëꞌ.

Juan 9:4

Ipora chachin catahuarahuë. Yosë natëto, ina marëꞌ sacatarahuë. Co huaꞌquiꞌ isoroꞌpaquë yaꞌhuarëhuahuëꞌ. Aꞌna tahuëriáchin pochin yaꞌhuërëhuaꞌ. Shiarahuaton tashihuachin, co huachi nanitarihuahuëꞌ maꞌsha nicacasoꞌ.

Hechos 6:7

Ina quëran caꞌtanoꞌsaꞌ nani tahuëri pënëntapi. Yosë nanamën aꞌchinapi. Aquë aquëtëꞌ nahuinin. Quirosarinquë naꞌcon naꞌcon piyapiꞌsaꞌ imasapi. Naꞌa corto huaꞌanoꞌsantaꞌ Quisoso nanamën natëpi.

2 Corintios 2:8

Niyontonahuatomaꞌ, noya nontocoꞌ. “Nosoroatënquën iyasha nanan anoyatarainquën,” itocoꞌ. Ina quëran tëhuënchachin nosoroatomaꞌ, noya nontaantacoꞌ.

Gálatas 1:23

Topinan natantërinaco. “Iráca Paono aparisitërinpoaꞌ. Yatëpapirinpoahuëꞌ, iporasoꞌ inantaꞌ imarin. Quisocristo nanamën aꞌchinarin huachi,” topi, natantopi.

Efesios 2:19

Napoaton iporasoꞌ iyaroꞌsaꞌ, Yosë nohuitëramaꞌ. Co Yosëꞌpaꞌ paꞌshatërapomarahuëꞌ, nani huëntonënquë ayaꞌconinquëmaꞌ. Yaꞌhuëhuanoꞌsa pochin nisaramaꞌ. Co huachi nisharoꞌsa pochin niꞌninquëmahuëꞌ. Yaꞌipinpoaꞌ Quisocristo imarëhuasopita huiꞌninpita pochachin nóya niꞌninpoaꞌ.

Efesios 3:15

Inasoꞌ yaꞌipinpoaꞌ huaꞌanëntërinpoaꞌ. Aꞌnaquën inápaquë yaꞌhuërapi. Aꞌnaquënpoantaꞌ isoroꞌpaquë chachin yaꞌhuëarëhuaꞌ.

Efesios 4:28

Aꞌnaquëmaꞌ iráca ihuatëramaꞌ. Ama huachi ihuatocosohuëꞌ. Ama chirotomarahuëꞌ, noya sacatocoꞌ. Ina quëran nanitëramaꞌ pahuantërinsopita quëtacamasoꞌ.

Efesios 5:16

Ama tahuëri chiniacosohuëꞌ. Iporasoꞌ naꞌa piyapiꞌsaꞌ co noyahuëꞌ cancantopi. Napoaton apira apira aꞌnapita catahuacoꞌ Yosë yonquicaiso marëꞌ. Onpopiontaꞌ nanamën anitotocoꞌ.

Filipenses 4:10

Canpitasoꞌ yonquiramaco niꞌton, noya cancantërahuë. Iꞌhuamiáchin maꞌsha aꞌpatiramaco ama pahuantincoso marëhuëꞌ. Ina marëꞌ “Yosparinquën,” itërahuë Yosë. Iráca maꞌsha aꞌpatëramaco. Ina quëran yacatahuantapiramacohuëꞌ, co insontaꞌ huëꞌninhuëꞌ niꞌton, co nanitëramahuëꞌ. Iporaso nipirinhuëꞌ catahuantaramaco.

Colosenses 4:5

Co imarinsopitasohuëꞌ huëꞌpachinaꞌ, noya nontocoꞌ. Ama tapanatomahuëꞌ, noya aꞌchintocoꞌ. Onpopiontaꞌ noya nanan shaꞌhuitocoꞌ.

1 Tesalonicenses 5:15

Aꞌnapita maꞌsha onpotohuachinënquëmaꞌ, ama yaiꞌhuërëtocosohuëꞌ. Nani tahuëri noya nontocoꞌ. Noꞌhuipirinënquëmaontaꞌ, nosoroatomaꞌ, catahuacoꞌ. Canpita capini ninosoroatomaꞌ, aꞌnapita piyapiꞌsantaꞌ catahuacoꞌ.

1 Tesalonicenses 5:21

Napoaponahuëꞌ, niꞌcona nonpintochinënquëmaꞌ. Aꞌnaquën “Noꞌtëquën aꞌchintaranquëmaꞌ,” itohuachinënquëmaꞌ, ama aꞌnaroáchin natëtocosohuëꞌ. Yaꞌipi napopisoꞌ Yosë quiricanën quëran tantiacoꞌ. “Inaora yonquinën quëran aꞌchinamara,” taꞌtomaꞌ, tantiacoꞌ. Yosë nanamënsáchin natëcasoꞌ yaꞌhuërin.

Tito 2:14

Iráca canpoa marëꞌ chiminin oshanënpoaꞌ inquitinpoaso marëꞌ. Anoyacancantërinpoaꞌ piyapinënpita nicacaso marëꞌ. Huëntonënquë chachin yaꞌconpatëhuaꞌ, noya nicacasoráchin nohuantarihuaꞌ.

Tito 3:8

Noꞌtëquën shaꞌhuitëranquën. Quëmantaꞌ inachachin aꞌchintëquëꞌ, tënahuë. Pënënáquëꞌ yaꞌipi imapisopita noya nicacaiso marëꞌ. Aꞌchintëranquënsosoꞌ nóya imacasoꞌ. Natëhuatëhuaꞌ, noya noya yaꞌhuarihuaꞌ.

Hebreos 13:16

Noyasáchin niahuaꞌ. Nicatahuacasoꞌ ama naniantahuasohuëꞌ. Aꞌnapita maꞌsha pahuantohuachinaꞌ, ama apiratocosohuëꞌ. Inapohuatëhuaꞌ, Yosë noya chinotarëhuaꞌ niꞌton, noya niꞌsarinpoaꞌ.

Hebreos 3:6

Quisocristoso nipirinhuëꞌ co inpriatohuëꞌ. Yosë huiꞌnin chachin niꞌton, chini chiníquën nanantërin. Paꞌpin natëton, nóya huaꞌanëntarinpoa huachi. Napoaton chiníquën cancantatëhuaꞌ, chiminaquë huarëꞌ Quisocristo natëahuaꞌ. “Co naniantarinpoahuëꞌ,” taꞌtëhuaꞌ, noya cancantahuaꞌ. Imamiatohuatëhuaꞌ, piyapinënpita chachin nisarihuaꞌ.

Hebreos 6:10

Yosë co topinan anaꞌintarinquëmahuëꞌ. Iráca noya ninamaꞌ. Imapisopita nosoroatomaꞌ, catahuaramaꞌ noya imacaso marëꞌ. Ipora huantaꞌ noya ninosoroaramaꞌ niꞌton, co Yosë naniantarinquëmahuëꞌ.

1 Pedro 2:5

Imaramaꞌ niꞌton, canpitantaꞌ noya naꞌpiroꞌsa pochin nisaramaꞌ. Nanpimiataramaꞌ. Yaꞌipi imarëhuasopita Yosë acorinpoaꞌ pëinën pochin nicacaso marëꞌ. Cancanënpoa quëran huarëꞌ ina naꞌcon chinotërëhuaꞌ niꞌton, corto huaꞌanoꞌsa pochin nisarëhuaꞌ. Nani tahuëri ina chinotatëhuaꞌ, “Yosparinquën Sinioro,” itahuaꞌ. Nicatahuacasontaꞌ ama naniantahuasohuëꞌ. Quisocristo catahuarinpoaꞌ ina pochin nicacasoꞌ. Ina marëꞌ Yosë noya niꞌsarinpoaꞌ.

1 Pedro 4:17

Nani anaꞌintinpoasoꞌ naniriarin. Ipora chachin imarëhuasopita piꞌpian piꞌpian anaꞌintarinpoaꞌ. Co noyahuëꞌ nipatëhuaꞌ, tatanpoa pochin piꞌpian anaꞌintarinpoaꞌ noya noya yonquicaso marëꞌ. ¡Ayaroꞌ tahuëriso nipirinhuëꞌ co nanamën natëpisopitahuëꞌ chiníquën anaꞌintarin! Parisitopiquë aꞌpararin niꞌton, parisitomiatapi.

1 Juan 5:1

Yaꞌipi Quisocristo imarëhuasopita aꞌna huënton pochin ninëhuaꞌ. “Quisocristo Yosë huiꞌnin chachin,” tënëhuaꞌ niꞌton, huëntonënquë yaꞌconëhuaꞌ. Huiꞌninpita pochin niꞌninpoaꞌ. Niꞌcoꞌ. “Quëmapi tëhuënchachin nosorohuatëra, huiꞌninpitantaꞌ nosororëꞌ,” topi.

3 Juan 1:10

Napoaton yaꞌhuëramaquë paꞌpato, co noyahuëꞌ nininsopita aꞌninquëchin shaꞌhuitarahuë. Inasoꞌ naꞌcon pinorincoi, nonpinapirincoi. Naporahuaton, iyaroꞌsaꞌ aꞌchinacaiso marëꞌ canconpachinara, co noya nontërinhuëꞌ. Co pëinënquë ayaꞌconinhuëꞌ. Aꞌnapitari aꞌchinaꞌpiroꞌsaꞌ yacatahuapirinahuëꞌ, co ina tërantaꞌ nohuantërinhuëꞌ. “Ama pëinëmaquë ayaꞌconcosohuëꞌ,” itopirinhuëꞌ. Ayaꞌconpachinara, noꞌhuiton, inapitantaꞌ niyontonpi quëran yaocoirin. “Ama huachi canpita tërantaꞌ niyontonpiso pëiquë yaꞌconcosohuëꞌ,” toconin. Paꞌpi co noyahuëꞌ yonquirin inasoꞌ.

3 Juan 1:11

Ama iya co noyahuëꞌ nipisopita nonanquësohuëꞌ. Noya nipisopita nonanquëꞌ. Noya nipatëhuaꞌ, tëhuënchachin Yosë imarihuaꞌ. Co noyahuëꞌ nipatëhuaꞌ, co Yosë nohuitarihuahuëꞌ.

3 Juan 1:3

Iꞌhuamiáchin aꞌnapita iyaroꞌsaꞌ canquirahuatonaꞌ, shaꞌhuitiirinaco: “Iya Acayo nóya cancantaton, noꞌtëquën imarin,” itiirinaco. Ina natanato, nóya cancantërahuë.