Gálatas 5:9 - Chayahuita (Shahui)

⁹ Niꞌcoꞌ iyaroꞌsaꞌ. Pan nipatëra, piꞌpian ahuëpocatërinsoꞌ acotohuachinara, yaꞌipi sëꞌcotërin. Inapochachin piꞌpian tërantaꞌ nonpin nanan yonquihuatamaꞌ, co huaꞌquiya quëranhuëꞌ yaꞌipinquëmaꞌ nitapicancanaramaꞌ.

Gálatas 5:9 ပူးပေါင်းရင်းမြစ်များ

Mateo 13:33

“Naquëranchin iyaroꞌsaꞌ Yosë huaꞌanëntërinsoꞌ aꞌchintaantaꞌinquëmaꞌ. Pan ahuëpocatërinso pochin ninin antaꞌ. Aꞌna sanapi pan nipachina, cara shonca quiro pochin trico noꞌmoꞌ manin. Masahuaton, piꞌpian tërantaꞌ pan ahuëpocatërinsoꞌ ayontohuachina, yaꞌipiya sëꞌcotaton, ahuëpocatërin huachi,” itërin Quisosori.

Mateo 23:33

¡Yaꞌhuan pochin cancantatomaꞌ, paꞌpi co noyahuëꞌ nisaramaꞌ! ¿Onporahuatomacha pën quëran chaꞌërëꞌponquëmaya? Co chaꞌësaramahuëꞌ.

Marcos 8:15

Quisosoriso nipirinhuëꞌ pënënarin: —Niꞌcona iyaroꞌsaꞌ. Pan ahuëpocatërinso pochin parisioroꞌsaꞌ yaꞌhuëtopi. Irotisë imapisopitantaꞌ yaꞌhuëtopi. Ama iyaroꞌsaꞌ ina nohuantocosohuëꞌ, itërin.

Lucas 12:1

Huaꞌhuayatërahuëꞌ piyapiꞌsaꞌ niyontonpi Quisoso natanacaiso marëꞌ. Naꞌa huaranca yamorapi niꞌton, niyaꞌquëtapi. Caꞌtanoꞌsanënpita aꞌchintaton, itapon: “Tëhuënchachin iyaroꞌsaꞌ, parisioroꞌsaꞌ yanonpinpi. Napoaton aꞌchinpisoꞌ, pan ahuëpocatërinso pochin niconaton aꞌnaroáchin piyapiꞌsaꞌ yanonpintopi. Niꞌcona nonpintochinënquëmaꞌ.

Lucas 13:21

Pan ahuëpocatërinso pochin ninin antaꞌ. Aꞌna sanapi pan nipachina, cato shonca quiro pochin trico noꞌmoꞌ manin. Masahuaton, piꞌpian tërantaꞌ pan ahuëpocatërinsoꞌ ayontohuachina, yaꞌipiya sëꞌcotërin, pan huëpocatërin huachi,” tënin Quisoso.

1 Corintios 15:33

Ama ina pochin yonquicosohuëꞌ. Niꞌcona aꞌnapita anishacancantochinënquëmaꞌ. “Co noyahuëꞌ nipisopitarëꞌquëmaꞌ nipayahuatamaꞌ, canpitantaꞌ nitapicancanaramaꞌ. Inapita nonanpatamaꞌ, co huachi noyápiachin cancantaramahuëꞌ,” topi iráca. Noꞌtëquën napopi.

2 Timoteo 2:17

Niꞌquëꞌ. Panca yonitohuatëra, nohuarotërëꞌ. Inapochachin nonpin nananoꞌsasoꞌ, yatapicancaninpoaꞌ. Iminio, Huirito inapitasoꞌ, nonpin nanan aꞌchinapi.