Gálatas 5:26 - Chayahuita (Shahui)

²⁶ Ama noya ninëhuaso marëꞌ aꞌnapita nocahuansohuëꞌ. Ninocanpatëhuaꞌ, aꞌnaroáchin ninoꞌhuiarihuaꞌ. Itohuara capini ninoyapatëhuaꞌ, ninoꞌhuiarihuaꞌ. Ama ina pochin cancantahuasohuëꞌ.

Gálatas 5:26 ပူးပေါင်းရင်းမြစ်များ

Lucas 14:10

Napoaton amatohuachinquën, coꞌinquë huënsëquëꞌ. Huaꞌan huëꞌpachin, noya nontarinquën. “Huëquëꞌ iyasha, isëquë noya huënsëiquëꞌ,” itohuachinquën, yaꞌipi piyapiꞌsaꞌ noya niꞌsarinquën.

1 Corintios 3:7

Napoaton co ca imamacosoꞌ yaꞌhuërinhuëꞌ. Aporosëntaꞌ co imacaisoꞌ yaꞌhuërinhuëꞌ. Yosë anoyacancantërinquëmaꞌ niꞌton, inasáchin yonquicamasoꞌ yaꞌhuërin.

Gálatas 5:15

Ninoꞌhuihuatamaꞌ, paꞌpi co noyahuëꞌ nisaramaꞌ. Tanan niꞌniroꞌsaꞌ niquëtëpiso pochin cancantaramaꞌ. Nipinocasontaꞌ co noyahuëꞌ. Ina pochin nipatamaꞌ, niꞌcona yaꞌipinquëmaꞌ nitapicancantamaꞌ.

Filipenses 4:15

Iráca Masitonia parti pacapo, Yosë nanamën aꞌchintëranquëmaꞌ. Ina marëꞌ aꞌna parti yapaꞌpatëra, canpita catahuaramaco. “Ma noya quëmasoꞌ catahuarancoi Quisocristo imaꞌhuaisoꞌ,” itatomaco, coriqui aꞌpatëramaco. Canpitasáchin inapotëramaco.

Santiago 4:16

“Quiyaora nohuanton, nani maꞌsha nisarai,” toconamaꞌ. Co Yosë yonquihuatamahuëꞌ, co noyahuëꞌ cancantaramaꞌ.

1 Pedro 5:5

Huiꞌnapiꞌsanquëmantaꞌ ansianoꞌsaꞌ natëcoꞌ. Yaꞌipinquëmaꞌ noya yonquiatomaꞌ, nicatahuacoꞌ. Quiricanën quëran itërinpoaꞌ: “Caora noya nisarahuë, taꞌtomaꞌ, nocantohuatamaꞌ, Yosë co noya niꞌsarinquëmahuëꞌ. Nipirinhuëꞌ, ‘Caora co nanitërahuëꞌ noya nicaꞌhuasoꞌ. Catahuaco,’ topatamaꞌ, inaora nohuanton, Yosë nóya catahuarinquëmaꞌ,” tënin.