Gálatas 5:18 - Chayahuita (Shahui)

¹⁸ Cancanënpoaquë Ispirito Santo nontërinpoaꞌ maꞌsona noya nicacasoꞌ. Ina natëhuatëhuaꞌ, co huachi iráca pënëntërinsoꞌ camairinpoahuëꞌ. Ispirito Santo nohuantërinso chachin yonquiarihuaꞌ.

Gálatas 5:18 ပူးပေါင်းရင်းမြစ်များ

Proverbios 8:20

Ca nohuanto piyapiꞌsa noꞌtën ira paꞌtopi. Ca nohuanto chachin noya nipi.

Ezequiel 36:27

Ispiritonëhuë chachin ayaꞌcoancantaranquëma niꞌton, pënëntërahuësopita natëaramaꞌ. Nanamëhuënta natëaramaꞌ.

Juan 16:13

Nipirinhuëꞌ, Ispirito Santo oꞌmahuachin, yaꞌipi nanamëhuë aꞌchintarinquëmaꞌ. Noꞌtëquën anitotarinquëmaꞌ. Co inaora yonquirinsoꞌ aꞌchintarinquëmahuëꞌ. Yosë yonquirinso chachin aꞌchintarinquëmaꞌ. Aꞌna tahuëri maꞌsha onpocaisontaꞌ anitotarinquëmaꞌ.

Romanos 7:4

Inapochachin iyaroꞌsaꞌ, canpoantaꞌ Quisocristorëꞌquënpoaꞌ chiminëhuaso pochin ninëhuaꞌ niꞌton, co huachi iráca pënëntërinsoꞌ huaꞌanëntiinpoasoꞌ yaꞌhuërinhuëꞌ. Quisocristo chinpitacasoꞌ yaꞌhuërin. Inaso chiminaponahuëꞌ, nani nanpiantarin. Ina imamiatohuatëhuaꞌ, noya nicarihuaꞌ aꞌnapitantaꞌ Yosë noya yonquicaiso marëꞌ.

Romanos 8:12

Napoaton iyaroꞌsaꞌ, Ispirito Santo natëcasoꞌ yaꞌhuërin. Co noyahuëꞌ yonquirëhuasopitasoꞌ naniantahuaꞌ.

Romanos 8:14

Ispirito Santo nohuantërinsoꞌ natëhuatëhuaꞌ, Yosë huiꞌninpoa chachin nisarëhuaꞌ.

Gálatas 5:16

Ispirito Santo natëcoꞌ catahuainquëmaꞌ, tënahuë. Ina catahuahuachinquëmaꞌ, co noyahuëꞌ yonquiramasoꞌ naniantaramaꞌ. Inapita naniantatomaꞌ, nóya nisaramaꞌ.

Gálatas 5:23

Ispirito Santo natëhuatëhuaꞌ: “Casoꞌ noya noyaco,” co tëcarihuahuëꞌ. Sano piyapi nicarihuaꞌ. Co noyahuëꞌ nicacasoꞌ yonquipirëhuahuëꞌ, ina catahuarinpoaꞌ naniantacasoꞌ. Inapohuatëhuaꞌ, Yosë noya niꞌsarinpoaꞌ. Co pënëinënpoasoꞌ yaꞌhuaponhuëꞌ.

Gálatas 5:25

Ispirito Santo yaꞌcoancantatonpoaꞌ, catahuarinpoaꞌ noya nicacasoꞌ niꞌquëhuarëꞌ, maꞌsona tërantaꞌ shaꞌhuitohuachinpoaꞌ, noya natëahuaꞌ.

1 Timoteo 1:9

Noya nipisopita co pënënacasoꞌ yaꞌhuërinhuëꞌ. Aꞌnapitaso nipirinhuëꞌ pënënacasoꞌ yaꞌhuërin. Co Yosë natëtonahuëꞌ, co insontaꞌ yanatëpihuëꞌ. Co natantonhuëꞌ niconpi. Paꞌpi co noyahuëꞌ nipi, oshahuanpi. Yosëntaꞌ tëhuapi. Co ina chinotopihuëꞌ. Aꞌnaquënsoꞌ paꞌpinaꞌ, aꞌshinaꞌ inapita co quëꞌyatonahuëꞌ, yatëpapi. Aꞌnaquëontaꞌ tëpatopi.

2 Timoteo 1:7

Yosë co nohuantërinhuëꞌ tëꞌhuacasoꞌ. Ispirito Santo chachin achinicancaninpoaꞌ sopai minsëcaso marëꞌ. Inasáchin ananitërinpoaꞌ piyapiꞌsaꞌ nosorocasoꞌ. Catahuarinpoaꞌ cancanënpoa quëran noꞌtëquën yonquicasoꞌ.