Gálatas 5:12 - Chayahuita (Shahui)

¹² Marca niacotacaisoꞌ naꞌcon naꞌcon yonquipi niꞌquëhuarëꞌ, yaꞌipi niyashitëtochinapi naporini, noya noya niitonahuëꞌ.

Gálatas 5:12 ပူးပေါင်းရင်းမြစ်များ

Génesis 17:14

Nipirinhuëꞌ, insosona co marcanën niacotohuachinhuëꞌ, yaꞌhuërama quëran ocoimiatocoꞌ. Canpitarëꞌco anoyatërahuësoꞌ, co natërinhuë niꞌton, inapotocoꞌ, itërin.

Génesis 30:34

—Noyapaꞌ. Inapoaꞌa nipachin, tënin Napano.

Juan 9:34

—Quëmasoꞌ huaꞌhuatapon quëran huarëꞌ oshahuanaponahuëꞌ, ¿yaaꞌchintërancoi ti? itopi. Ina quëran ocoirahuatonaꞌ, aꞌpapi huachi.

Hechos 15:24

Iꞌhua aꞌnaquën isëquëran paꞌpachinara, nisha aꞌchintërinënquëmaꞌ. ‘Co Moisësë pënëntërinsoꞌ natëhuatamahuëꞌ, co Yosë huëntonënquë yaꞌconaramahuëꞌ,’ itërinënquëmaꞌ. Co quiyari aꞌpapiraihuëꞌ, paꞌpi. Natanahuatomaꞌ, nisha nisha yonquiramaꞌ. Pirnapi Paonorë chachin huëcaton, nani shaꞌhuitirincoi. Ipora huarëꞌ nitotatoi, ninshitarainquëmaꞌ.

Hechos 5:5

Ananiasë natanahuaton, aꞌnaroáchin noꞌpaquë anotaton, chiminin. Piyapiꞌsari niꞌpachinara, paꞌyanpi. Aꞌnapitantaꞌ natantahuatonaꞌ, paꞌpi tëꞌhuatopi.

Hechos 5:9

—¿Onpoatontaꞌ imoya canpita capini ninontatomaꞌ, Ispirito Santo yanonpintopiramahuëꞌ? “Co ina anaꞌintarinpohuëꞌ,” taꞌtomaꞌ, napopiramahuëꞌ. Niꞌquëꞌ. Quëmapiꞌsaꞌ soꞌyan paꞌpitopisopita nani huënantarapi. Quëmaꞌ yaꞌhuërë quëpantarinënquën paꞌpitinënquënso marëꞌ, itërin Pitrori.

Gálatas 2:4

Aꞌnaquën cotioroꞌsaso nipirinhuëꞌ, “Quiyantaꞌ imarai,” taponaraihuëꞌ, co Quisocristoráchin imapihuëꞌ. Iráca pënëntërinsontaꞌ imapi. Yashaꞌhuirapitonacoi, niyontonpiso pëiquë yaꞌconpi Quisocristo imatoi naporaisopita nicacaiso marëꞌ. “Iráca pënëntërinsontaꞌ natëcasoꞌ yaꞌhuërin,” taꞌtonaꞌ, yaanishacancantërinacoi nisha nisha natëcaꞌhuaiso marëꞌ.

Gálatas 5:10

Caso nipirinhuëꞌ natëranquëmaꞌ. Noꞌtëquën yonquiaramaꞌ, tënahuë. Sinioro catahuarinquëmaꞌ ama nisha nisha yonquicamaso marëhuëꞌ. Nipirinhuëꞌ, inso tërantaꞌ nisha aꞌchintohuachinquëmaꞌ, Yosëri anaꞌintarin. Chiníquën nanantopiriontaꞌ, nonpintohuachinquëmaꞌ, Yosëri anaꞌintarin.

Tito 3:10

Aꞌna piyapi nisha nanan aꞌchinpachin, imapisopita nisha nisha ayonquirin. Inasoꞌ pënënquëꞌ noꞌtëquën aꞌchinchin. Co yanatëhuachinquënhuëꞌ, naquëranchin pënëantaquëꞌ. Ina quëran co yanatëantahuachinquënhuëꞌ, shaꞌhuitëquëꞌ taꞌchin. Ama insoari tërantaꞌ ina natëinasohuëꞌ. Ama huachi imarinso pochin niꞌcosohuëꞌ.