Gálatas 4:29 - Chayahuita (Shahui)

²⁹ Apraan huiꞌninpitasoꞌ co noyahuëꞌ niniꞌtonaꞌ, yaꞌhuëpi. Ispirito Santo nohuanton, Isaco nasitërin. Cosonaꞌ huaꞌhuinso nipirinhuëꞌ, apiraton Isaco aparisitërin. Inapochachin ipora huantaꞌ iráca pënëntërinsoꞌ nanan imapisopita aparisitërinënpoaꞌ.

Gálatas 4:29 ပူးပေါင်းရင်းမြစ်များ

Génesis 21:9

Capa cancantapirinahuëꞌ, Sarasoꞌ co noyahuëꞌ cancantërin. Cosona huaꞌhuini Isaco monaton yaꞌnipitarin niꞌnin.

Juan 15:9

Tata Yosë nosororincoso pochachin nosororanquëmaꞌ. Casáchin yonquico naꞌcon nosoroꞌinquëmaꞌ.

Juan 3:5

Napotohuachina, Quisosori itaantapon: —Noꞌtëquën shaꞌhuitaranquën. Iꞌquë amarëso pochin cancanëmaꞌ anoyatacasoꞌ yaꞌhuërin. Yaꞌipi co noyahuëꞌ yonquiramasopita naniantocoꞌ. Ina naniantohuatamaꞌ, Ispirito Santo anoyacancantohuachinquëmaꞌ, nasitaantarëso pochin nisaramaꞌ. Naporo huarëꞌ Yosë huaꞌanëntërinquë yaꞌconaramaꞌ.

Romanos 8:1

Napoaton iporasoꞌ Quisocristo imapatëhuaꞌ, co huachi anaꞌintinpoasoꞌ yaꞌhuërinhuëꞌ.

Romanos 8:13

Co noyahuëꞌ ninëhuasopita co aꞌpoasëhuahuëꞌ, chiminpatëhuaꞌ parisitomiatacasoꞌ yaꞌhuërin. Nipirinhuëꞌ, co noyahuëꞌ ninëhuasopita tëpatë pochin nitohuatëhuaꞌ, nanpimiatarihuaꞌ. Ispirito Santo catahuarinpoaꞌ co noyahuëꞌ ninëhuasopita tëpatë pochin nitacaso marëꞌ.

Gálatas 4:23

Cosonanënsoꞌ aꞌnapita sanapiꞌsaꞌ pochin huaꞌhuanin. Saꞌin chachinso nipirinhuëꞌ Yosë nohuanton, huaꞌhuanin. Coꞌhuara huaꞌhuayantëraponhuëꞌ, Yosëri itërin: “Ca nohuantonëhuëquë huaꞌhuanaran,” itërin. Yosëri catahuarin niꞌton, huaꞌhuanin.

Gálatas 5:11

Aꞌnaquën nonpinapirinaco. —Paonontaꞌ quiya pochin aꞌchinin. “Marca niacotocoꞌ. Co iráca pënëntërinsoꞌ natëhuatamahuëꞌ, co Yosë noya niꞌsarinquëmahuëꞌ,” tënin Paonontaꞌ, toconpi. Co napopirahuëꞌ, nonpinapirinaco. Ina pochin aꞌchinahuë naporini, co cotioroꞌsaꞌ noꞌhuiitonacohuëꞌ. “Quisocristo corosëquë chiminin. Inasáchin imapatëhuaꞌ, anoyacancantarinpoaꞌ,” itërahuëso marëꞌ ipora huantaꞌ aparisitarinaco.