Gálatas 4:28 - Chayahuita (Shahui)

²⁸ Apraan huiꞌnin chachin Isaco itopisoꞌ. Yosë nohuanton, yaꞌhuëtërin. “Noꞌtëquën Yosë nontërinco,” topachina, ina nohuanton, Isaco nasitërin. Canpoantaꞌ Quisocristo imapatëhuaꞌ, Yosë nohuanton, huëntonënquë yaꞌconarihuaꞌ. Huiꞌninpita pochin niꞌninpoaꞌ.

Gálatas 4:28 ပူးပေါင်းရင်းမြစ်များ

Génesis 15:4

Siniororiso nipirinhuëꞌ, itapon: —Co ina yaꞌhuërëtaponquënhuëꞌ. Huiꞌnan chachin yaꞌhuërëtaponquën, itërin.

Hechos 3:25

Yosë nohuanton, ninshitërinënquëmaꞌ, nitotëramaꞌ. Yosë chachin naporinsoꞌ natanamaꞌ. Shimashonënpita nontohuachina, yonquirinquëmaꞌ canpitantaꞌ. Iráca Apraan itërin: ‘Caora nohuanto, catahuaranquën. Quëma shiparinpita quëran yaꞌipi piyapiꞌsaꞌ noya cancantapi,’ itërin Yosëri.

Romanos 9:7

Apraan catoꞌ huiꞌninpita yaꞌhuëtopirinhuëꞌ, aꞌnaíchin Yosëri acorin Apraan yaꞌhuërëtacaso marëꞌ. “Isaco huayonahuë. Shinpitantaꞌ piyapinëhuëpita pochin niꞌsarahuë,” tënin Yosë.

Gálatas 3:29

Quisocristo imapatëhuaꞌ, Apraan shinpitanpoaꞌ ninëhuaꞌ canpoantaꞌ. Apraan shaꞌhuitërinso pochachin naꞌcon catahuarinpoaꞌ.

Gálatas 4:23

Cosonanënsoꞌ aꞌnapita sanapiꞌsaꞌ pochin huaꞌhuanin. Saꞌin chachinso nipirinhuëꞌ Yosë nohuanton, huaꞌhuanin. Coꞌhuara huaꞌhuayantëraponhuëꞌ, Yosëri itërin: “Ca nohuantonëhuëquë huaꞌhuanaran,” itërin. Yosëri catahuarin niꞌton, huaꞌhuanin.

Gálatas 6:18

Yaꞌipinquëmaꞌ, iyaroꞌsaꞌ, yonquiáranquëmaꞌ. Inaora nohuanton, Sinioro Quisocristo catahuainquëmaꞌ. Amen. Nani huachi. Paono