Gálatas 4:22 - Chayahuita (Shahui)

²² Apraan catoꞌ huiꞌnin yaꞌhuëtërin. Aꞌnasoꞌ cosonanën huaꞌhuin. Aꞌnaso nipirinhuëꞌ saꞌin chachin huaꞌhuin, tënin.

Gálatas 4:22 ပူးပေါင်းရင်းမြစ်များ

Génesis 16:15

Acarasoꞌ anquëni natërahuaton, patronanënquë chachin paantarin. Tahuëri nanihuachina huairin. Apran posa shonca saota piꞌipitasoꞌ, huiꞌnin nasitarin. Nasitohuachina, Ismairo itërin.

Génesis 21:10

Napoaton Apraan shaꞌhuitërin: “¡Cosonasoꞌ, huaꞌhuinë chachin, aꞌpaquë paꞌin! Isacoso huaꞌhuahuë chachin niꞌton, co nohuantërahuëꞌ quëma maꞌshanënpita cosona huaꞌhuionta quëtacasoꞌ,” itërin.

Gálatas 4:23

Cosonanënsoꞌ aꞌnapita sanapiꞌsaꞌ pochin huaꞌhuanin. Saꞌin chachinso nipirinhuëꞌ Yosë nohuanton, huaꞌhuanin. Coꞌhuara huaꞌhuayantëraponhuëꞌ, Yosëri itërin: “Ca nohuantonëhuëquë huaꞌhuanaran,” itërin. Yosëri catahuarin niꞌton, huaꞌhuanin.

Gálatas 4:30

Cosonaꞌ huaꞌhuinso nipirinhuëꞌ, co yaꞌhuëmiatërinhuëꞌ. Inaꞌton nasitaponahuëꞌ, Yosë co nohuantërinhuëꞌ paꞌpin maꞌshanënpita huaꞌanëntacasoꞌ. Apraan nontaton, itapon: “Isaco yaꞌipi huaꞌanëntapon. Napoaton cosonasoꞌ, huaꞌhuinë chachin aꞌpaquëꞌ paꞌinaꞌ,” tënin.

Gálatas 4:31

Napoaton iyaroꞌsaꞌ Quisocristo nanamën imapatëhuaꞌ, co pënëntërinsoꞌ nanan imacasoꞌ yaꞌhuërinhuëꞌ. Yosësoꞌ co patron pochin piyapitërinpoahuëꞌ. Huëntonënquë chachin ayaꞌconinpoaꞌ niꞌton, huiꞌnin pochachin niꞌninpoaꞌ.