Gálatas 4:14 - Chayahuita (Shahui)

¹⁴ Chiníquën caniopirahuëꞌ, co nocanamacohuëꞌ. Noya natanamaco. “Anquëni pochin Yosë nanamën aꞌchintërancoi,” itëramaco. Quisocristo noninso pochachin natanamaco.

Gálatas 4:14 ပူးပေါင်းရင်းမြစ်များ

2 Samuel 19:27

Naporahuaton, quëmaquë nonpinapirinco: “Iporacha tëhuënchinsoꞌ tata mashoco Saono pochin israiroꞌsa copirnonëna nicaꞌhuaso marëꞌ acoaponaco, tënin” taꞌton nonpinapirinco. Nonpinapipirincohuëꞌ, co tëꞌhuatërahuëꞌ. Quëmasoꞌ Yosë anquëninën pochinquën niꞌton, nitotaran insosona noꞌtëquën noninsoꞌ. Ina nitotaton maꞌsona onpotaancoisoꞌ, yonquiaran.

Salmos 119:141

Caso, co máquëncohuë niꞌton, nocaninaco. Napoaporahuëꞌ, quëma nanamënso co naniantarahuëꞌ.

Malaquías 2:7

Ina pochin mini corto huaꞌanoꞌsasoꞌ, piyapiꞌsa aꞌchintacaiso yaꞌhuërin. Aꞌchintohuachinaꞌ, nohuitarinaco huachi. Yaꞌipi piyapiꞌsa inapitari aꞌchintacaiso marëꞌ paapacaiso yaꞌhuërin. Ca Sinioroco yaꞌipi nanitaparahuësoꞌ, inapita quëran anitotaranquëmaꞌ.

Mateo 10:40

Ina quëran pënëantarin: “Insosona noya natanpachinquëmaꞌ, noya natanarinaco cantaꞌ. Yosë aꞌpaimarinco niꞌton, Yosë nanamën chachin imasapi huachi.

Mateo 18:5

Imaramaco niꞌton, yaꞌipiya nicatahuacasoꞌ yaꞌhuërin. Huaꞌhuaroꞌsantaꞌ nosorohuatamaꞌ, cantaꞌ nosoroaramaco. Yaꞌipi huaꞌhuaroꞌsa pochin cancantopisopitantaꞌ, noya niꞌcoꞌ.

Mateo 25:40

‘Coꞌta, imarinacosopita parisitohuachinara, catahuaramaꞌ. Topinan piyapiꞌsaꞌ, saꞌahuaroꞌsaꞌ, inapita maꞌsha pahuantohuachinara, quëtëramaꞌ. Imatomaco, aꞌnapita catahuaramaꞌ niꞌton, cantaꞌ catahuaramacoso pochin niꞌnahuë,’ itarahuë.

Lucas 10:16

Ina quëran yaaꞌparinsopita itaantarin: “Iporasoꞌ pënëntacamaso marëꞌ aꞌpararanquëmaꞌ. Ca yaꞌhuërënamëhuë pënëntaramaꞌ. Noya natanpachinquëmaꞌ, natanarinaco cantaꞌ. Coꞌsoꞌ nohuantohuachinënquëmahuëꞌ, co cantaꞌ nohuantarinacohuëꞌ. Co nohuantohuachinacohuëꞌ, co Yosëntaꞌ nohuantapihuëꞌ,” itërin Quisosori. Itohuachina, paꞌpi huachi. Nisha nisha ninanoquë pënëntëraꞌpiapi.

Juan 13:20

Noꞌtëquën shaꞌhuitëranquëmaꞌ. Carinquëmaꞌ aꞌparanquëmaꞌ piyapiꞌsaꞌ aꞌchintacamaso marëꞌ. Natëhuachinënquëmaꞌ, natëarinaco cantaꞌ. Aꞌparanquëmaꞌ niꞌton, natëinënquëmaꞌ. Insosona natëhuachinco, Yosëntaꞌ natëarin. Ina aꞌpaimarinco,” itërincoi.

1 Corintios 1:28

Iporasoꞌ aꞌnaquën nocaninënpoaꞌ. “Canpitasoꞌ topinan piyapiꞌsanquëmaꞌ. Co mantaꞌ nitotëramahuëꞌ. Napoonamaꞌ,” itopirinënpoahuëꞌ, Yosësoꞌ nohuantërinpoaꞌ. Inapitasoꞌ chiníquën nanantaponaraihuëꞌ, co imapihuëꞌ niꞌton, yaꞌipi Yosëri ayatarin.

1 Corintios 4:10

Quisocristo natëtoi, nanamën aꞌchinarai. Ina marëꞌ quiyasoꞌ tëhuarinacoi. Canpitaso nipirinhuëꞌ noya nitotonaꞌpiroꞌsa pochin nicatënënquëmaꞌ, co tëhuarinënquëmahuëꞌ. Quiyasoꞌ co chiníquën nanantëraihuëꞌ. Canpitaso nipirinhuëꞌ chiníquën nanantëramaꞌ. Piyapiꞌsaꞌ noya niꞌpirinënquëmahuëꞌ, quiyasoꞌ co noyahuëꞌ niꞌninacoi.

2 Corintios 5:20

Quisocristo chachin acorincoi aꞌnapita anitotaꞌhuaiso marëꞌ. Ina yaꞌhuërënamën pochin shaꞌhuitarainquëmaꞌ. “Yosë nontocoꞌ nanan anoyachinquëmaꞌ,” itárainquëmaꞌ.

Gálatas 3:26

Iporasoꞌ Quisocristo imapatëhuaꞌ, huiꞌninpita pochin Yosë niꞌninpoaꞌ.

Gálatas 3:28

Yosësoꞌ co nisha nisha yonquirinpoahuëꞌ. Aꞌnaquënpoaꞌ cotio piyapinpoaꞌ, aꞌnaquëontaꞌ nisha piyapiꞌsaꞌ. Aꞌnaquëontaꞌ patronoꞌsaꞌ, aꞌnaquënsoꞌ piyapinënpita. Aꞌnaquën sanapiꞌsaꞌ, aꞌnaquënpoaꞌ quëmapinpoaꞌ nipirëhuahuëꞌ, yaꞌipinpoaꞌ Quisocristo imapatëhuaꞌ, aꞌna huëntoínchin pochin ninëhuaꞌ.

Gálatas 4:13

Yaꞌnan aꞌchintapënquëmaꞌ, caniorahuë. Canioto, huaꞌquiꞌ yacapatënquëmaꞌ, aꞌchintëranquëmaꞌ. Ina nitotëramaꞌ.

Gálatas 4:15

Aꞌchintohuatënquëmara, paꞌyatëramaꞌ. Naꞌcon nosororamaco. Nanitëramaꞌ naporini, yaꞌpirama chachin quëchitomacohuëꞌ. ¿Onpoatomataꞌ iporaso nisha yonquiramaꞌ?

1 Tesalonicenses 2:13

Yosë nanamën aꞌchintohuatëinquëmara, noya natanamaꞌ. “Co piyapi yonquirinsoꞌ aꞌchintërinpoahuëꞌ. Yosë nanamën chachin aꞌchintërinpoaꞌ,” tënamaꞌ. Tëhuënchachin Yosë nanamën niꞌton, ina natëhuatamaꞌ, nanamën quëran anoyacancantarinquëmaꞌ. Ina marëꞌ nani tahuëri “Yosparinquën,” itërai Yosë.

1 Tesalonicenses 4:8

Co quiyaora yonquinëhuëi quëran pënënainquëmahuëꞌ. Co natëhuatamahuëꞌ, Yosë chachin co natëaramahuëꞌ. Ina nohuanton, Ispirito Santo yaꞌcoancantërinpoaꞌ noya nicacaso marëꞌ. Inasoꞌ noyasáchin ninin.

Hebreos 13:2

Co nohuitapomarahuëꞌ, nosorocoꞌ. Huëꞌpachina, noya nontatomaꞌ, oꞌshitocoꞌ, aꞌcacoꞌ. Iráca aꞌnaquën napopisoꞌ yonquicoꞌ. Niꞌtoroꞌsaꞌ huëꞌpachinara, “Huëcoꞌ niꞌquicoi,” itërin. Piyapitaꞌmaꞌ topirinhuëꞌ, Yosë anquëninën chachin aꞌcarin. Inapochachin canpoantaꞌ niꞌtoroꞌsaꞌ noya nontahuaꞌ.