Gálatas 3:7 - Chayahuita (Shahui)

⁷ Iporasoꞌ canpoantaꞌ: “Yosë noꞌtëquën nontërinpoaꞌ niꞌton, imasarahuë,” topatëhuaꞌ, Apraan pochin cancantarihuaꞌ. Ina pochin cancantohuatëhuaꞌ, Yosë noya niꞌsarinpoaꞌ. Inantaꞌ iyaroꞌsaꞌ nitotocoꞌ.

Gálatas 3:7 ပူးပေါင်းရင်းမြစ်များ

Salmos 100:3

Yosëíchin chini chiníquën nanantërin. Ina nitotoco canpitantaꞌ. Inaso nininpoa niꞌton, huaꞌanëntërinpoaꞌ. Ina piyapinënpoa canpoasoꞌ. Ohuicaroꞌsa huaꞌanëni aꞌpairinso pochin noya aꞌpairinpoaꞌ.

Lucas 19:9

Itohuachina, Quisosori itërin: —Ipora tahuëri Yosë nichaꞌërinquën. Saꞌan, huiꞌnanpita, inapitantaꞌ nichaꞌërin. Apraan shinquën niꞌton, nichaꞌërinquën.

Lucas 21:31

Inapochachin nani maꞌsha onporahuachinaꞌ, nitotaramaꞌ. ‘Oꞌmantacasoꞌ tahuëri naniriarin. Yosë huaꞌanëntarinpoaꞌ,’ tosaramaꞌ.

Juan 8:39

—Apraan mini quiyaso tatanëhuëi, itopi. —Apraan pochin cancantëramaꞌ naporini, ina pochin noya niitomahuëꞌ.

Romanos 4:24

Ina pochin cancantohuatëhuaꞌ, Yosë noya niꞌsarinpoaꞌ. Quisocristo chiminpirinhuëꞌ, Yosëri ananpitaantarin. Ina huaꞌanëntërinpoaꞌ, tënëhuaꞌ. Ina marëꞌ Yosë noya niꞌsarinpoaꞌ canpoantaꞌ.

Gálatas 3:9

Apraan Yosëri shaꞌhuitërinsoꞌ topinan natëcharinso marëꞌ Yosëri naꞌcon catahuarin. Inapochachin canpoantaꞌ Quisocristo nanamën topinan natëcharëhuaso marëꞌ catahuarinpoaꞌ.

Gálatas 6:16

Nani noꞌtëquën aꞌchintëranquëmaꞌ. Ina imapatamaꞌ, Yosë piyapinën chachin nisaramaꞌ. Yosë nosoroatënquëmaꞌ, noya catahuainquëmaꞌ. Asanocancainquëmaꞌ, tënahuë.

Hebreos 13:23

Co huaꞌquiya quëranhuëꞌ nicaponquëmaꞌ paꞌsarahuë. Iya Timotio nani tashinan pëi quëran ocoipi. Manóton huëꞌpachin, inaroꞌco paꞌsarai.