Gálatas 3:19 - Chayahuita (Shahui)

¹⁹ ¿Maꞌmarëtaꞌ nipachin pënëntërinso nanan yaꞌhuërin? Co topinan quëran cotioroꞌsaꞌ pënëninhuëꞌ. Oshahuanëhuasoꞌ anitotinpoaso marëꞌ pënënin. Quisocristo nasitaquë huarëꞌ pënëntërinsoachin yaꞌhuërin imacaisoꞌ. Quisocristo nasitohuachina, iráca Apraan shaꞌhuitërinso chachin oꞌmarin. Yosë pënëntohuachina, anquëniroꞌsaꞌ aꞌpaimarin Moisësë shaꞌhuitacaso marëꞌ. Ina quëran Moisësëri piyapiꞌsaꞌ shaꞌhuitërin.

Gálatas 3:19 ပူးပေါင်းရင်းမြစ်များ

Lucas 16:31

‘Co Yosë quiricanën natëhuachinahuëꞌ, chimininsontaꞌ nanpiantapirinhuëꞌ, co onporontaꞌ natëapihuëꞌ,’ itërin Apraani,” tënin Quisoso.

Juan 1:17

Iráca Yosë nohuanton, Moisësë pënëntërin nani maꞌsha natëcasoꞌ. Pënëntopirinhuëꞌ, co yaꞌipiya anitotërinpoahuëꞌ. Quisocristoso nipirinhuëꞌ nosororinpoaꞌ. Noꞌtëquën nonaton, yaꞌipi nanamën anitotërinpoaꞌ.

Juan 15:22

Co oꞌmato, aꞌchintërahuëꞌ naporini, co aꞌporinacoso marëꞌ oshahuaintonahuëꞌ. Nani aꞌchintopirahuëꞌ. Co natëtonacohuëꞌ, oshahuanpi niꞌton, Yosëri anaꞌintarin.

Hechos 7:38

Iráca inotëro parti shimashonënpoaꞌ niyontonpachinara, Moisësëri Yosë nanamën anitotërin. Sinai motopiquë paꞌpachina, anquëniri nontërin. Yosë nanamën shaꞌhuitërin noya nanpicaiso marëꞌ. Canpoa marëntaꞌ shaꞌhuitërin.

Hechos 7:53

Yosë iráca pënëntërinsoꞌ anquëniri chachin shaꞌhuitopirinquëmahuëꞌ, canpitasoꞌ co natëramahuëꞌ, itërin Istipani.

Romanos 2:13

Cotioroꞌsasoꞌ Moisësë pënëntërinsoꞌ natanaponaraihuëꞌ, co natëtopihuëꞌ. Napoaton co Yosëri noya niꞌninhuëꞌ. Noꞌtëquën natëpi naporini, Yosëri noya niꞌitonhuëꞌ.

Romanos 4:15

Moisësë pënëntërinsoꞌ co natëhuachinarahuëꞌ, anaꞌintacasoꞌ yaꞌhuërin. Co pënëntërinsoꞌ yaꞌhuërinhuëꞌ naporini, co natëcasoꞌ yaꞌhuëꞌitonhuëꞌ. Co ina marëꞌ oshahuaintërihuahuëꞌ.

Gálatas 3:16

Inapochachin iráca Yosëri nontaton, Apraan shaꞌhuitërin: “Caora nohuanto, nóya catahuaranquën. Quëma shipariontaꞌ catahuarahuë yaꞌipi piyapiꞌsaꞌ anoyacancantacaso marëꞌ,” itërin. Aꞌnaíchin shiin yonquiaton, naporin. Quisocristo ninoton, napotërin.

Hebreos 2:2

Iráca Yosëri anquëniroꞌsaꞌ aꞌpaimarin nanan shaꞌhuitacaiso marëꞌ. Natëcasoꞌ yaꞌhuërin niꞌton, co piyapiꞌsari natëhuachinahuëꞌ, Yosëri noꞌtëquën anaꞌintërin.

Hebreos 2:5

Iráca quëran huarëꞌ Yosë yonquihuachinpoara, co nohuantërinhuëꞌ anquëniroꞌsaꞌ huaꞌanëntinpoasoꞌ. Aꞌna tahuëri nasharoꞌpaꞌ nipachin, co inapita huaꞌanëntarinënpoahuëꞌ. Ina shaꞌhuitaranquëmaꞌ.