Gálatas 3:18 - Chayahuita (Shahui)

¹⁸ Iráca Yosëri shaꞌhuitërin. “Caora nohuanto, piyapiꞌsaꞌ nichaꞌësarahuë,” itërin. Iráca pënëntërinsoꞌ natëtëꞌ chaꞌëcasoꞌ yaꞌhuërin naporini, co inaora nohuanton Yosë nichaꞌëitonpoahuëꞌ.

Gálatas 3:18 ပူးပေါင်းရင်းမြစ်များ

Salmos 105:42

Piyapinën Apraan itopisoꞌ shaꞌhuitërinso yonquiaton, naporin.

Romanos 8:17

Huiꞌninpoaꞌ niꞌton, naꞌcon naꞌcon catahuarinpoaꞌ. Aꞌna tahuëri yaꞌhuërinꞌpaꞌ noya acoarinpoaꞌ. Quisocristo noya acorinso pochin acoarinpoaꞌ canpoantaꞌ. Ina imarëhuaso marëꞌ aparisitopirinënpoahuëꞌ, inapochachin inarëꞌquënpoaꞌ noya noya yaꞌhuëcontarihuaꞌ.

Gálatas 2:21

Inaora nohuanton, Yosë nosoroatonpoaꞌ, huiꞌnin aꞌpaimarin chiminacaso marëꞌ. Co ina naniantërahuëꞌ. Inasáchin imarahuë niꞌton, Yosë noya niꞌsarinco huachi. Iráca pënëntërinsoꞌ natërëhuaso marëꞌ noya niꞌninpoaꞌ naporini, topinan quëran Quisocristo chimiintonhuëꞌ,” itërahuë.

Gálatas 3:10

Moisësë iráca pënëntërinsoꞌ yaimapatamaꞌ, anaꞌintinquëmasoꞌ yaꞌhuërin. Co yaꞌipi natëramahuëꞌ niꞌton, Yosë anaꞌintarinquëmaꞌ. Iráca quiricanën quëran naporin: “Co yaꞌipimiáchin natëhuatamacohuëꞌ, chiníquën anaꞌintaranquëmaꞌ. Parisitopiquë aꞌparanquëmaꞌ,” tënin.

Gálatas 3:12

Catoꞌ nanan yaꞌhuërin. Co cato chachin imacasoꞌ yaꞌhuërinhuëꞌ. Iráca pënëntërinsoꞌ natëhuachinaꞌ, inasáchin natëcasoꞌ yaꞌhuërin. Moisësë shaꞌhuitërinpoaꞌ: “Noꞌtëquën natëcasoꞌ yaꞌhuërin. Noꞌtëquën natëhuatëhuaꞌ, noya nanpimiatarihuaꞌ,” tënin. Ina nanan imapatamaꞌ, co Quisocristo nanamën imaramahuëꞌ.

Gálatas 3:16

Inapochachin iráca Yosëri nontaton, Apraan shaꞌhuitërin: “Caora nohuanto, nóya catahuaranquën. Quëma shipariontaꞌ catahuarahuë yaꞌipi piyapiꞌsaꞌ anoyacancantacaso marëꞌ,” itërin. Aꞌnaíchin shiin yonquiaton, naporin. Quisocristo ninoton, napotërin.

Gálatas 3:26

Iporasoꞌ Quisocristo imapatëhuaꞌ, huiꞌninpita pochin Yosë niꞌninpoaꞌ.

Gálatas 3:29

Quisocristo imapatëhuaꞌ, Apraan shinpitanpoaꞌ ninëhuaꞌ canpoantaꞌ. Apraan shaꞌhuitërinso pochachin naꞌcon catahuarinpoaꞌ.