Gálatas 2:21 - Chayahuita (Shahui)

²¹ Inaora nohuanton, Yosë nosoroatonpoaꞌ, huiꞌnin aꞌpaimarin chiminacaso marëꞌ. Co ina naniantërahuëꞌ. Inasáchin imarahuë niꞌton, Yosë noya niꞌsarinco huachi. Iráca pënëntërinsoꞌ natërëhuaso marëꞌ noya niꞌninpoaꞌ naporini, topinan quëran Quisocristo chimiintonhuëꞌ,” itërahuë.

Gálatas 2:21 ပူးပေါင်းရင်းမြစ်များ

Salmos 33:10

Nisha nisha piyapiroꞌsa maꞌpitaso nicacaisoꞌ yonquipi. Siniorori yaꞌcopihuachina, co yonquipiso nicaponahuëꞌ.

Isaías 49:4

Caso nipirinhuë napopirahuëꞌ: ‘Topinan quëran caso chiníquën sacatato canotomarahuë,’ topirahuë. Napopirahuë Siniorosoꞌ, onpopinsona sacatërahuëso nitotërin. Tëhuënchachin Siniorosoꞌ, chiníquën nanantërin. Chiníquën nanantaton, noꞌtëquën acanararinco.

Marcos 7:9

Naquëranchin itantarin: —Tehuënchachin Yosë pënëntërinsoꞌ aꞌporamaꞌ shimashonëmaꞌ napopisoꞌ natëcamaso marëꞌ.

Romanos 10:3

Yosëíchin anoyacancantërinpoaꞌ. Nipirinhuëꞌ, co nohuantopihuëꞌ ina nanan imacaisoꞌ. “Pënëntërinsoꞌ natëhuatëhuaꞌ, Yosë noya niꞌsarinpoaꞌ,” toconpi. “Quëma Sinioro anoyacancantocoi,” co itopihuëꞌ.

Romanos 11:6

Inaora nohuanton, catahuarin. Co noya nipiso marëꞌ catahuarinhuëꞌ. Noya nipiso marëꞌ huayonin naporini, co huachi inaora nohuanton, catahuacasoꞌ yaꞌhuëꞌitonhuëꞌ.

Romanos 4:25

Yosë nohuanton, oshanënpoa marëꞌ chiminin. Inari chachin ananpitaantarin oshanënpoaꞌ inquitatonpoaꞌ, noya nicainpoaso marëꞌ.

Romanos 8:31

Ina pochin Yosë yonquirinpoaꞌ niꞌquëhuarëꞌ, co insonta nanitërinhuë minsëinpoasoꞌ.

1 Corintios 15:14

Co nanpiantarinhuëꞌ naporini, topinan quëran aꞌchinchitënquëmahuëꞌ. Canpitantaꞌ topinan quëran natëitomahuëꞌ.

1 Corintios 15:17

Co nanpiantarinhuëꞌ naporini, topinan quëran imaitërihuahuëꞌ, co oshanënpoaꞌ inquichitonpoahuëꞌ.

1 Corintios 15:2

Ina natëmiatohuatamaꞌ, Yosë nichaꞌësarinquëmaꞌ. Aꞌnaquënso nipirinhuëꞌ: “Imarahuë,” taponaraihuëꞌ, topinan quëran napopi. Co cancanëna quëran natëpihuëꞌ. Inapitasoꞌ co nichaꞌësarinhuëꞌ.

Gálatas 2:16

Napopirëhuahuëꞌ, Moisësë pënëntërinsoꞌ natëhuatëhuaꞌ, co ina marëꞌ Yosë noya niꞌsarinpoahuëꞌ. Quisocristoíchin imapatëhuaꞌ, noya niꞌsarinpoaꞌ. Napoaton canpoantaꞌ Quisocristo natërëhuaꞌ oshanënpoaꞌ inquitinpoaso marëꞌ. Co inso tërantaꞌ pënëntërinsoꞌ natërinso marëꞌ Yosëꞌpaꞌ paꞌsarinhuëꞌ. Quisocristoráchin nichaꞌërinpoaꞌ.

Gálatas 2:18

Iráca pënëntërinsoꞌ nani naniantërëhuaꞌ. Naquëranchin ina yonquiantahuatëhuaꞌ, co Yosë natëarihuahuëꞌ. Quisocristoíchin yonquicasoꞌ yaꞌhuërin.

Gálatas 3:21

Ina pochin niꞌquëhuarëꞌ Moisësë pënëntërin niꞌton, ¿Yosëri Apraan shaꞌhuitërinsoꞌ tapirin ti? Co naporinhuëꞌ. Pënëntërinsoꞌ noya noya nicaton, anoyacancantërinpoaꞌ naporini, ina natërëhuaso marëꞌ Yosë noya niꞌitonpoahuëꞌ.

Hebreos 7:11

Iráca Aaronꞌton corto huaꞌan yaꞌconin. Ina quëran aꞌnaya aꞌnaya Nihuiroꞌsaꞌ huënton quëran niyaꞌhuërëtëraꞌpiapi. Naporoꞌ Yosëri, pënëntërinsoꞌ nanan shaꞌhuitërin yaꞌipi israiroꞌsaꞌ imacaiso marëꞌ. Nihui corto huaꞌanoꞌsaꞌ nanan anoyatërinënpoaꞌ naporini, ¿maꞌmarëtaꞌ aꞌna corto huaꞌan Miriquiso pochin nininsoꞌ huëcacasoꞌ yaꞌhuëitonhuëꞌ?