Gálatas 2:15 - Chayahuita (Shahui)

¹⁵ Canpoasoꞌ huaꞌhuatërëhua quëran huarëꞌ cotioroꞌsanpoaꞌ ninëhuaꞌ. Co nisha piyapinpoahuëꞌ. ‘Co oshahuanoꞌsanpoahuëꞌ,’ nitërëhuaꞌ.

Gálatas 2:15 ပူးပေါင်းရင်းမြစ်များ

Mateo 9:11

Parisioroꞌsasoꞌ ina niꞌsahuatonaꞌ, Quisoso caꞌtanoꞌsanënpita itonpi: —¿Onpoatontaꞌ maistronëmaꞌ oshahuanoꞌsapitarëꞌ coshatarin? Copirno marëꞌ coriqui maꞌpatonaꞌpiroꞌsantaꞌ co noyahuëꞌ nipirinahuëꞌ, inapitarëꞌ coshatarin, itopi.

Lucas 24:7

“Yosë quëran quëmapico niporahuëꞌ, ina nohuanton, oshahuanoꞌsaꞌ masarinaco. Corosëquë patanantarinaco. Tëpapirinacohuëꞌ, cara tahuëri quëran nanpiantarahuë,” itërinquëmaꞌ, itopi.

Hechos 22:21

‘Ina nipirinhuëꞌ, paquëꞌ. Aquë yaaꞌparanquën nisha piyapiꞌsaꞌ aꞌchintamaso marëꞌ,’ itërinco. Napoaton nisha piyapiꞌsaꞌ aꞌchintarahuë,” tënin Paono.

Romanos 3:9

¿Onpopintaꞌ iporasoꞌ yonquiarihuaꞌ? Cotioroꞌsanpoa noya noya ninëhuaꞌ, ¿tëcarihua ti? ¡Co naporinhuëꞌ! Nani shaꞌhuitëranquëmaꞌ. Cotioroꞌsanpoaꞌ, nisha piyapiꞌsaꞌ, yaꞌipinpoaꞌ oshahuanëhuaꞌ.

Romanos 4:16

Napoaton Apraaniso natëton: “Yosë noꞌtëquën nontërinco,” topachina, Yosëri itërin: “Oshahuanpiranhuëꞌ, caora nohuanto, nosoroatënquën catahuaranquën. Huiꞌnanpitantaꞌ catahuarahuë,” itërin Yosëri. Co cotioroꞌsaráchin nosororinhuëꞌ. Yaꞌipi Apraan pochin cancantopisopitantaꞌ nosororin. Ina huiꞌninpita pochin ninëhuaꞌ.

Gálatas 2:17

‘Quisocristo nichaꞌësarinpoaꞌ,’ taꞌtëhuaꞌ, imarihuarahuëꞌ, iráca pënëntërinsoꞌ imaantahuatëhuaꞌ, ¿Quisocristo napoahuarëꞌ aoshahuaninpoaꞌ ti? Co onporontaꞌ ina pochin yonquicasoꞌ yaꞌhuërinhuëꞌ.

Efesios 2:3

Iráca yaꞌipinpoaꞌ co Yosë natërëhuahuëꞌ. Co noyahuëꞌ yonquiatëhuaꞌ, co noyahuëꞌ ninëhuaꞌ. Canpoara nohuantërëhuasoráchin ninëhuaꞌ. Yanoꞌhuitohuatëhuara, noꞌhuitërëhuaꞌ. Yanoꞌpihuatëhuara, noꞌpirëhuaꞌ. Yaahuëtohuatëhuara, ahuëtërëhuaꞌ. Ina marëꞌ yaꞌipinpoaꞌ anaꞌintinpoasoꞌ yaꞌhuërin.

Filipenses 3:4

“Moisësë pënëntërinsoꞌ noꞌtëquën natërahuë niꞌton, Yosë noya niꞌsarinco,” topi aꞌnaquën. Caso nipirinhuëꞌ naꞌcon naꞌcon natërahuë. Ina marëꞌ Yosë nichaꞌërinpoaꞌ naporini, ca noya noya chaꞌëitohuëꞌ.

Tito 3:3

Iráca canpoantaꞌ co noyahuëꞌ cancantërëhuaꞌ. Coꞌhuara Yosë nanamën nitochatërarihuahuëꞌ, co yonquirëhuahuëꞌ. Co yanatërëhuahuëꞌ. Sopai nonpintërinpoaꞌ niꞌton, nisha nisha nicacasoꞌ nohuantërëhuaꞌ. Maꞌpitasona paꞌyatacasoáchin yonquirëhuaꞌ. Aꞌna piyapi maꞌshanënpita noyapatërëhuaꞌ. Ninoꞌhuitëhuaꞌ, co niquëꞌyarëhuahuëꞌ. Noꞌhuípiroꞌ ninëhuaꞌ. Inapoatëhuaꞌ, topinan quëran yaꞌhuërëhuaꞌ.

1 Samuel 15:18

Amaricoroꞌsasoꞌ, co Yosë chinotatonaraihuëꞌ oshahuanpi. Inapita ataꞌhuantacaso marëꞌ Sinioro chachin camairinquën.