Gálatas 1:2 - Chayahuita (Shahui)

² Yaꞌipicoi isëquë imaraisopitaroꞌcoi chachin nanan aꞌpatarainquëmaꞌ. Canpitantaꞌ Carasia parti yaꞌhuëramasopita imaramaꞌ niꞌton, ninshitaranquëmaꞌ.

Gálatas 1:2 ပူးပေါင်းရင်းမြစ်များ

Hechos 15:41

Yaꞌipi Siria parti paꞌtatonaꞌ, nisha nisha ninanoquë paꞌpi. Quisoso imapisopita pënënaꞌpiapi chiníquën cancantacaiso marëꞌ. Sirisia partintaꞌ paantatonaꞌ, inachachin pënëantapi. Quisoso nanamën shaꞌhuitatonaꞌ, imapisopita achinicancanpi.

Hechos 18:23

Huaꞌquimiáchin inaquë yaꞌhuërin. Ina quëran naquëranchin yonquirin paaton nasha imapisopita nicacaso marëꞌ. Carasia parti paꞌsahuaton, pënënaꞌpiarin. Naporahuaton, Piriquia partintaꞌ paꞌsahuaton, pënënaꞌpiarin. Aꞌnaya aꞌnaya ninanoroꞌsaquë Quisoso imapisopita achinicancanaꞌpiarin. Achinicancanpachina, noya noya imasapi.

Hechos 9:31

Ina quëran Quisoso imapisopita noya yaꞌhuapi. Co huachi insoari tërantaꞌ aparisitërinhuëꞌ. Cotia parti, Cariria parti, Samaria parti, inaquëpita sano yaꞌhuatonaꞌ, noya noya imasapi. “Sinioro chiníquën nanantërin,” taꞌtonaꞌ, nóya natëpi. Ispirito Santori catahuarin niꞌton, aꞌnapitanta imasapi.

1 Corintios 16:1

Aꞌnantaꞌ shaꞌhuichinquëmaꞌ, yonquicoꞌ. Aꞌnaquën imapisopita maꞌsha pahuantarin niꞌton, parisitapi. Inapita catahuacaso marëꞌ coriqui yaaꞌparamaꞌ. Carasiaquë imapisopitantaꞌ coriqui aꞌparapi. Inapita nani shaꞌhuitërahuë coriqui yontonacaiso marëꞌ. Inapochachin canpitantaꞌ shaꞌhuitaranquëmaꞌ.

Gálatas 3:1

Co noꞌtëquën iyaroꞌsaꞌ yonquiramahuëꞌ. ¿Intaꞌ ahuaꞌyantatënquëmaꞌ, anishacancantërinquëmaꞌ? tënahuë yonquiato. “Quisocristo corosëquë patanantopi. Canpoa marëꞌ chiminin,” itërainquëmaꞌ. Aꞌninquëchin quënanëso pochachin shaꞌhuitohuatënquëmara, natanamaꞌ. “Ina pochin chiminaton, oshanënpoaꞌ inquitërinpoaꞌ,” taꞌtomaꞌ, Quisocristo imaramaꞌ.

Filipenses 2:22

Timotioso nipirinhuëꞌ nohuitëramaꞌ. “Inasoꞌ noya quëmapi,” topi yaꞌipi piyapiꞌsaꞌ. Huiꞌnahuë pochin niꞌton, catahuarinco Yosë nanamën aꞌchinaꞌhuaso marëꞌ. Inantaꞌ nitotëramaꞌ.

Filipenses 4:21

Yaꞌipi Quisocristo imaramasopita noya yonquiatënquëmaꞌ, saludos aꞌpataranquëmaꞌ. Caꞌtaninacosopitantaꞌ yonquiatënënquëmaꞌ, saludos aꞌpatarinënquëmaꞌ.