Gálatas 1:10 - Chayahuita (Shahui)

¹⁰ Co piyapiꞌsaꞌ noya nicainacoso marëꞌ aꞌchinahuëꞌ. Yosë noya nicaincoso marëꞌ aꞌchinahuë. Piyapiꞌsaꞌ paꞌyatinacoso marëꞌ naꞌcon naꞌcon yonquirahuë naporini, co Quisocristo natëitohuëꞌ.

Gálatas 1:10 ပူးပေါင်းရင်းမြစ်များ

Mateo 22:16

Napoaton aꞌnaquën aꞌpapi Quisoso natanacaiso marëꞌ. Irotisë paꞌyatopisopitantaꞌ caraya paꞌpi. Canconahuatonaꞌ, noyásha nontonpi nonpintacaiso marëꞌ. —Quëmasoꞌ Maistro, noyanquën. Co onporontaꞌ nonpinanhuëꞌ. Yosë pënëninpoasoꞌ noꞌtëquën aꞌchintërancoi. Piyapiꞌsaꞌ noꞌhuipirinënquëontaꞌ, co ina yonquiranhuëꞌ. Co huaꞌan tërantaꞌ tëꞌhuatëranhuëꞌ.

Mateo 28:14

Huaꞌanëmaꞌ natantaton ina marëꞌ noꞌhuihuachinquëmaꞌ, quiyari anoyatarai ama anaꞌintinquëmaso marëhuëꞌ, itopi.

Mateo 6:24

Ina quëran itaantarin: “Aꞌna piyapi catoꞌ patron yaꞌhuëtohuachina, nisha nisha camaitopi niꞌton, co nanitërinhuëꞌ cato chachin natëcasoꞌ. Aꞌnasoꞌ nohuantaton, noya natëarin. Aꞌnaso nipirinhuëꞌ co onpopinchin nohuantatonhuëꞌ, co natëarinhuëꞌ. Inapochachin canpitantaꞌ coriquiráchin cancantohuatamaꞌ, co nanitaramahuëꞌ Yosë natëcamasoꞌ,” tënin.

Hechos 12:20

Irotisi huaꞌan yaꞌhuërinquë nisha nisha piyapiꞌsaꞌ huëcatonaꞌ, cosharoꞌ paꞌanquipi. Aꞌnaquënsoꞌ cosharoꞌ yapaꞌanpirinahuëꞌ, chiníquën noꞌhuiton, co nohuantërinhuëꞌ quëtacasoꞌ. Tiroquë yaꞌhuëpisopita, Sitonquë yaꞌhuëpisopita, inapita noꞌhuirárin. Napoaton niyontonahuatonaꞌ, inaquë huëꞌpi. Poꞌoana quëran inpriatonën Pirasito itopisoꞌ nontiipi. —Quëmari huaꞌan nontëquëꞌ ama huachi noꞌhuiincoisohuëꞌ. Ina marëꞌ coriqui quëchinquën, itopi. —Noyahuaꞌ, tosahuaton, paꞌnin huaꞌanën nontacaso marëꞌ.

Hechos 5:29

—Pënënpiramacoihuëꞌ, Yosë naꞌcon naꞌcon natëcasoꞌ yaꞌhuërin. Napoaton co nanitëraihuëꞌ natëcaꞌhuainquëmasoꞌ.

Romanos 1:1

Ca Paonoco ninshitaranquëmaꞌ, niꞌcoꞌ. ¿Noyanquëmaꞌ canpitantaꞌ? Noya cantaꞌ yaꞌhuarahuë. Quisocristoíchin natërahuë. Ina acorinco paato nanamën aꞌchinaꞌhuaso marëꞌ. Yosë nohuanton, noya nanan aꞌchinárahuë.

Romanos 2:29

Yaꞌipi cancanënpoa quëran Yosë imapatëhuaꞌ, tëhuënchachin piyapinënpita pochin niꞌsarinpoaꞌ. Marcanën cancanënpoaquë acotërinpoaꞌ. Co nonënpoaquë acotërinpoahuëꞌ. Ispirito Santo anoyacancantërinpoaꞌ. Ina quëran noya niꞌninpoaꞌ. Co piyapiꞌsaꞌ paꞌyatopirinënpoahuëꞌ, Yosësoꞌ noya niꞌsarinpoaꞌ.

Romanos 2:8

Nipirinhuëꞌ, canpoara nohuantërëhuasoráchin nipatëhuaꞌ, noꞌhuiarinpoaꞌ. Noꞌtëquën anitotopirinpoahuëꞌ co natëhuatëhuahuëꞌ, anaꞌintarinpoaꞌ. Co noyahuëꞌ nipatëhuaꞌ, chiníquën anaꞌintarinpoaꞌ.

1 Corintios 10:33

Casoꞌ yaꞌipi piyapiꞌsaꞌ yonquirahuë. Catahuarahuë noya Yosë imacaiso marëꞌ. Co caora costarahuësoꞌ yonquirahuëꞌ. Aꞌnapitantaꞌ yacatahuarahuë inahuantaꞌ Quisocristori anoyacancantacaso marëꞌ.

2 Corintios 12:19

Co noya nicamacoiso marëꞌ ninshitarainquëmahuëꞌ. Aꞌnaquëmaꞌ nimara ina pochin yonquipiramahuëꞌ, co quiyaso naporaihuëꞌ. Nosororainquëmaꞌ iyaroꞌsaꞌ. Noya noya imacamaso marëꞌ ninshitarainquëmaꞌ. Quisocristo imarai niꞌton, Yosëíchin yonquirai. Ina niꞌsárincoi niꞌton, noꞌtëquën ninshitarainquëmaꞌ.

Efesios 6:6

Aꞌnaquënsoꞌ patroni niꞌpachinaꞌ, chiníquën sacatërin. Co niꞌpachinahuëꞌ, chiroton co sacatërinhuëꞌ. Canpitaso nipirinhuëꞌ patron co niꞌpirinquëmaontaꞌ, noya sacatocoꞌ Quisocristo noya niꞌinquëmaꞌ. Yosë natëtomaꞌ, yaꞌipi cancanëma quëran noya nicoꞌ.

Filipenses 1:1

Ca Paonoco ninshitaranquëmaꞌ, niꞌcoꞌ. ¿Noyanquëmaꞌ canpitantaꞌ? Noya cantaꞌ yaꞌhuarahuë. Iya Timotioroꞌco nanan aꞌpatarainquëmaꞌ. Quisocristo huaꞌanëntërincoi. Inasáchin natërai. Yaꞌipi Quisocristo imaramasopita Piriposëquë yaꞌhuëramasoꞌ, ninshitaranquëmaꞌ. Ansianoꞌsanquëmaꞌ naꞌcon yonquiranquëmaꞌ. Tiaconoꞌsanquëmantaꞌ yonquiranquëmaꞌ.

Colosenses 3:22

Patron marëꞌ sacatohuatamaꞌ, noya natëcoꞌ. Ama nonpintocosohuëꞌ. Co niꞌpirinquëmaontaꞌ, noya sacatocoꞌ. Co patronachin yonquicasoꞌ yaꞌhuërinhuëꞌ. Siniorontaꞌ niꞌsarinquëmaꞌ. Ina yonquiatomaꞌ, yaꞌipi cancanëma quëran natëcoꞌ.

1 Tesalonicenses 2:4

Yosë chachin acorincoi nanamën aꞌchinaꞌhuaiso marëꞌ. “Noꞌtëquën aꞌchinaponaꞌ,” taꞌton, aꞌparincoi. Napoaton co piyapiꞌsaꞌ noya nicainacoiso marëꞌ aꞌchinaihuëꞌ. Yosë noya nicaincoiso marëꞌ aꞌchinárai. Yaꞌipi yonquirëhuasopita nitotërin. Maꞌmarësona sacatërëhuasontaꞌ nitotërin.

Santiago 4:4

Canpitasoꞌ co huachi Yosëíchin yonquiramahuëꞌ. Yosë yonquipiramahuëꞌ, nani maꞌsha naꞌcon naꞌcon nohuantatomaꞌ, yamonshihuaninso pochin cancantëramaꞌ. Capa cancantacasoáchin paꞌyatëramaꞌ. Maꞌsharáchin yonquiatomaꞌ, Yosë inimiconën pochin cancantëramaꞌ.

1 Juan 3:9

Huëntonënquë chachin Yosë ayaꞌconinpoaꞌ niꞌton, co iporasoꞌ paꞌyatarëhuahuëꞌ oshahuanacasoꞌ. Huiꞌnin pochachin cancantatonpoaꞌ, yonquinën chachin quëtërinpoaꞌ. Nasitantarëhuaso pochin ninëhuaꞌ. Napoaton co huachi nohuantarihuahuëꞌ oshahuanacasoꞌ.

1 Samuel 21:7

(-)