Filipenses 4:5 - Chayahuita (Shahui)

⁵ Yaꞌipi piyapiꞌsaꞌ nosoroatomaꞌ, noyasha nontocoꞌ. Quisocristo niꞌsárinpoaꞌ. Co huaꞌquiya quëranhuëꞌ oꞌmantararin. Ina yonquiatomaꞌ, yaꞌipi piyapiꞌsaꞌ noya nontocoꞌ.

Filipenses 4:5 ပူးပေါင်းရင်းမြစ်များ

Mateo 6:25

Ina quëran itaantarin: “Aꞌnaquënsoꞌ maꞌsharáchin yonquipi. Capacaisoꞌ, oꞌocaisoꞌ, aꞌmocaisoꞌ, inasáchin yonquipi. ‘Nani maꞌsha yaꞌhuëtohuachinco, nóya yaꞌhuarahuë huachi,’ topirinahuëꞌ. Ama iyaroꞌsaꞌ ina pochin cancantocosohuëꞌ. Co capacaso marëáchin isoroꞌpaquë acorinpoahuëꞌ. Aꞌmocasontaꞌ, co onpopinchin yonquicaso yaꞌhuërinhuëꞌ. Yosë naꞌcon naꞌcon yonquihuatëhuaꞌ, catahuarinpoa noya yaꞌhuëcasoꞌ.

Mateo 6:34

Napoaton ama tashiraya maꞌsha onpoamasoꞌ yonquiatomaꞌ, paꞌyancosohuëꞌ. Tashirayantaꞌ maꞌsha onpohuatamaꞌ, paꞌyanacaso yaꞌhuapon niꞌton, co ipora quëranchin ina yonquiatoma co napion ancantápamaso yaꞌhuërinhuëꞌ,” tënin Quisoso.

Lucas 21:34

Niꞌcona naniantotamaco. Ama pita paꞌyatacasoachin cancantocosohuëꞌ. Ama noꞌpicosohuëꞌ. Ama maꞌsharáchin yonquicosohuëꞌ. Ina pochin cancantohuatamaꞌ, co aquëtëꞌ yonquiaramacohuëꞌ. Co noya ninahuatamacohuëꞌ,

1 Corintios 16:22

Insosona co Sinioro Quisocristo nosorohuachinhuëꞌ, Yosëri anaꞌinchin. ¡Aꞌnaroáchin Sinioro oꞌmantaquëꞌ! tënahuë.

1 Corintios 6:7

Nishaꞌhuirapihuatamara, co imapisopitahuë pochin niconamaꞌ. Maꞌsha onpotohuachinënquëmaꞌ, ¿onpoatontaꞌ co ahuantëramahuëꞌ? Maꞌshanëmaꞌ matohuachinënquëmaꞌ, tananpitëramaꞌ naporini, noya noya niitomahuëꞌ.

1 Corintios 8:13

Yaꞌipi cosharoꞌ noya capacaso nipirinhuëꞌ, aꞌna tahuëri nosha capasoco iyahuë nicatonco nishacancantohuachin, co huachi ina nosha caꞌsarahuëꞌ. Iyahuë nosoroato, co piꞌpian tërantaꞌ nohuantërahuëꞌ anishacancantaꞌhuasoꞌ.

1 Corintios 9:25

Quëmapiꞌsaꞌ yanicanahuachinara, nani tahuëri taꞌarápi noya noya noꞌquicaiso marëꞌ. Taꞌacaisoráchin yonquipi. Canatohuachinara, yancotëꞌ huëron quëran nipisoꞌ quëtopirinahuëꞌ, inasoꞌ aꞌnaroáchin ahuirin. Canpoaso nipirinhuëꞌ noya nipatëhuaꞌ, Yosëꞌpaꞌ acanarinpoaꞌ. Inatohuaꞌ co mantaꞌ mocasarinhuëꞌ.

2 Corintios 10:1

Ca Paonoco sanoanan quëran pënënanquëmaꞌ. Aꞌnaquën napopi: “Paono aquë quëran ninshitohuachinpoara, chiníquën nanan aꞌpatirinpoaꞌ. Isëquë chachin yaꞌhuapon, tëꞌhuatatonpoaꞌ, co chiníquën pënëninpoahuëꞌ,” topi natantërahuë. Quisocristosoꞌ chiníquën nanantaponahuëꞌ, co noꞌhuirinpoahuëꞌ. Sanoanan quëran pënëninpoaꞌ. Ina pochin cancantato, cantaꞌ sanoanan quëran pënënanquëmaꞌ.

2 Tesalonicenses 2:2

Aꞌnaquënso nipirinhuëꞌ co noꞌtëquën nitotopihuëꞌ. “Oꞌmantacasoꞌ tahuëri nani nanirin,” itohuachinquëmaꞌ, ama paꞌyancosohuëꞌ. Ama nisha nisha yonquicosohuëꞌ. Aꞌnaquën tapon: “Cari ninorahuë. Oꞌmantacasoꞌ tahuëri nani nanirin,” itohuachinquëmaꞌ, ama natëcosohuëꞌ. Aꞌnantaꞌ tapon: “Nanirin mini. Paono chachin naponinshitërincoi,” itopirinënquëmahuëꞌ, ama ina natëcosohuëꞌ.

Tito 3:2

Ama pinochinasohuëꞌ. Ama ninoꞌhuiinasohuëꞌ. Noya ninicatonaꞌ yaꞌhuëꞌinaꞌ. Yaꞌipi piyapiꞌsaꞌ noya nicatonaꞌ, sanoanan quëran nonchinaꞌ.

Hebreos 10:25

Aꞌnaquën co huachi niyontonpihuëꞌ Yosë chinotacaiso marëꞌ. Ama inapita pochin cancantahuasohuëꞌ. Sinioro oꞌmacasoꞌ tahuëri naniriarin niꞌton, niyontonatëhuaꞌ, naꞌcon naꞌcon nicatahuahuaꞌ chiníquën cancantacaso marëꞌ.

Hebreos 10:37

Quiricanënquë naporin: “Tëhuënchachin oꞌmacasoꞌ nininsoꞌ oꞌmapon. Co huaꞌquiarinhuëꞌ.

1 Pedro 1:11

Ispirito Santo nohuanton, iráca Cristo ninopi. “Parisitapon. Ina quëran nanpiantarahuaton, noya noya yaꞌhuapon,” topi ninotonaꞌ. Napoatonaꞌ, yonquiapi. “¿Ma quëmapitaꞌ oꞌmaton, parisitapon? ¿Onporotaꞌ parisitaponsoꞌ?” topi.

1 Pedro 4:7

Ayaroꞌ tahuëri nani yaꞌcariarinpoaꞌ. Napoaton ama nisha nisha yonquicosohuëꞌ. Noya yonquiatomaꞌ, Yosë nontácoꞌ.

Apocalipsis 22:20

Quisoso chachin anitotërincosoꞌ yaꞌipi ninshitëranquëmaꞌ. “Tëhuënchachin co huaꞌquiya quëranhuëꞌ oꞌmantararahuë,” tënin. ¡Inapoquëꞌ Sinioro! Aꞌnaroáchin oꞌmantaquëꞌ, itërahuë.

Apocalipsis 22:7

Quisoso chachintaꞌ naporin: “¡Tëhuënchachin co huaꞌquiya quëranhuëꞌ oꞌmantararahuë! Nani maꞌsha anitotëranquën ninshitacamaso marëꞌ. Insoquëma tërantaꞌ natëhuatamaꞌ, noya cancantaramaꞌ,” itërinco.