Filipenses 4:19 - Chayahuita (Shahui)

¹⁹ Canpitantaꞌ maꞌsona pahuantohuachinquëmaꞌ, Yosë chachin quëtarinquëmaꞌ. Yaꞌipi huaꞌanëntaton, nanitaparin. Quisocristo imaramaꞌ niꞌton, catahuarinquëmaꞌ. Co huachi pahuantarinquëmahuëꞌ.

Filipenses 4:19 ပူးပေါင်းရင်းမြစ်များ

Génesis 48:15

Inaporahuaton Cosi noya yaꞌhuëcaso marëꞌ iso pochin shaꞌhuitërin: “Shimashonëhuëpita Apraan, Isaco, inapita Yosë natëpi. Canta huaꞌhuatërahuë quëran huarëꞌ ina chachin noya aꞌpairinco. Ina Anquëninën chachin yaꞌipi maꞌsha onporahuë quëran, nichaꞌërinco. Inari chachin isopita huiꞌnapiꞌsa catahuain. Notohuaroꞌ huiꞌninpita yaꞌhuëchinaꞌ. Huaꞌhuayátërahuë, isoroꞌpaquë naꞌainaꞌ. Inapita nicatona piyapiꞌsaꞌ, yonquiꞌinaco. Tata Isaco, tata masho Apraan, inapitanta yonquiꞌinaꞌ,” itërin.

2 Samuel 22:7

Napoaton co napion ancantato Sinioro përaranquën. ‘¡Catahuaco!’ taꞌto nontëranquën. Napotohuatënquëra, yaꞌhuëran quëran natananco. Chiníquën nontohuatënquëra, natananco huachi.

Nehemías 9:15

Tanahuachinarantaꞌ, inápaquë cosharo yaꞌhuërinso quëtëran. Yamorohuachinarantaꞌ, natëtë quëran iꞌsha ocoitëran. Noꞌpaꞌ quëtamaso quihuitëranquë yaꞌcaritohuachinara: ‘Yaꞌconatoma huaꞌanëntoco huachi,’ itëran.

Salmos 104:24

¡Maꞌpitacha Sinioro quëmasoꞌ ninan paya! Noya yonquiaton nani maꞌsha acoran. Nani maꞌsha ninansopita isoroꞌpaꞌ mëntatërin.

Salmos 130:7

Yaꞌipi israiroꞌsanpoa Sinioro ninahuaꞌ. Inasoꞌ nosororinpoa niꞌton, noyá nichaꞌësarinpoaꞌ.

Salmos 84:11

Siniorosoꞌ Yosë niꞌton, paꞌpoyarinpoaꞌ. Aꞌpintatë pochin catahuarinpoa noꞌtëquën yonquicasoꞌ. Noyasáchin nipatëhuaꞌ, nosororinpoaꞌ. Noya nicatonpoaꞌ, noya nininsoꞌ co apiratërinpoahuëꞌ.

Malaquías 3:10

Nani maꞌsha yaꞌhuëtërinquëma quëran diesmo ocoirahuatomaꞌ, chinotëramacoso pëiquë quëcoꞌ. Inaquë maꞌsha tapatërinacosopita yaꞌhuërin niꞌton, quëcoꞌ. Inapohuatamaꞌ, corto huaꞌanoꞌsaꞌ, Nihuiroꞌsaꞌ, inapita cosharo yaꞌhuëtapi. Inta inapoatoma tënirico. Napohuatamaꞌ, noya noya catahuararanquëmaꞌ. Piꞌiroꞌtë huintananënpita iꞌsoatahuato, notohuaroꞌ maꞌsha noya nininsopita aꞌpatimatë pochin nitaranquëmaꞌ.

Mateo 6:32

Co Yosë imapisopitahuëꞌ ina pochin yonquipi. Maꞌsharáchin yonquipi. Canpitaso nipirinhuëꞌ tatanëmaꞌ inápaquë yaꞌhuërinsoꞌ yonquirinquëmaꞌ. Yaꞌipi pahuantërinquëmasopita nani nitotërin.

Juan 20:17

—Aꞌpoco imoya. Co tatahuë yaꞌhuërinꞌpaꞌ pantayátërarahuëꞌ. Apira paaton, iyahuëpita pochin niꞌnahuësopita shaꞌhuitonquëꞌ: “Yosë yaꞌhuërinꞌpaꞌ panantarahuë. Inasoꞌ: ‘Tata,’ itato chinotërahuë. Canpitantaꞌ imaramaco niꞌton, ‘Tata,’ itatomaꞌ chinotëramaꞌ, tënin Quisoso, itonquëꞌ,” itërin.

Juan 20:27

Ina quëran anquirahuaton, Tomasë itërin: —Imirahuë iyasha nicaton, sëꞌhuaquëꞌ. Nininpitëhuëntaꞌ sëꞌhuatoco. Ama huachi nisha nisha yonquiquësohuëꞌ. Natëco huachi, itërin.

Romanos 1:8

Canpitasoꞌ noya Yosë natëramaꞌ, natantërahuë. Yaꞌipi piyapi napopi. Ina natantato, “Yosparinquën Sinioro,” itërahuë Yosë. Inaꞌton napotërahuë. Quisocristo catahuarinco ina pochin Yosë nontaꞌhuaso marëꞌ.

Romanos 11:33

¡Ma noyacha Yosësoꞌ catahuarinpoa paya! ¡Ma noyacha yonquirin paya! Yaꞌipiya nitotërin. Yonquirinsopita co nitotochináchinhuëꞌ ninin. Naporahuaton, ina pochin cancantacasoꞌ co onporontaꞌ nanitarihuahuëꞌ.

Romanos 2:4

Yosë nosororinpoasoꞌ co noꞌtëquën yonquiramahuëꞌ. “Co aꞌnaroáchin noꞌhuirinpoahuëꞌ,” taꞌtomaꞌ, co noyahuëꞌ ninamaꞌ. Tëhuënchachin co aꞌnaroáchin anaꞌintërinquëmahuëꞌ. “Oshaquëran co noyahuëꞌ yonquipisopita naniantaponaꞌ nimara,” taꞌton, ninarárin.

Romanos 8:18

Isoroꞌpaquë piꞌpian parisitarihuarahuëꞌ, ama ina yonquiaꞌahuasohuëꞌ. Ama ina marëꞌ sëtahuasohuëꞌ. Aꞌna tahuëri Yosëꞌpaꞌ noya noya yaꞌhuëcontarihuaꞌ. Ina yonquiatëhuaꞌ, nóya cancantahuaꞌ tënahuë.

Romanos 9:23

Aꞌnaquënpoaso nipirinhuëꞌ, nosoroatonpoaꞌ nichaꞌësarinpoaꞌ. Inaora nohuanton, nosororinpoaꞌ. Iráca chachin yonquirinpoaꞌ nichaꞌëinpoaso marëꞌ. Anoyacancantohuachinpoaꞌ, piyapiꞌsaꞌ naꞌcon Yosë yonquiapi. “Ma noyacha catahuarin paya,” tosapi.

2 Corintios 12:21

Iráca aꞌnaquëmaꞌ co noyahuëꞌ yonquiramaꞌ. Monshihuanamaꞌ, sanapirachin yonquiramaꞌ. Ipora huantaꞌ aꞌnaquëmaꞌ inapoaramaꞌ nimara. Co ina naniantohuatamahuëꞌ, canconpato, paꞌpi sëtarahuë. Carinquëmaꞌ aꞌchintëranquëmasoꞌ niꞌton, Yosë atapanarinco. Co oshanëmaꞌ aꞌpohuatamahuëꞌ, chiníquën asëtaramaco.

2 Corintios 4:17

Tëhuënchachin iporasoꞌ piꞌpian parisitapirëhuahuëꞌ, co huaꞌquiꞌ isoroꞌpaquë yaꞌhuarihuahuëꞌ. Yosëꞌpaꞌ paꞌpatëhuaꞌ, co onporontaꞌ pipiarëhuahuëꞌ. Imarëhuaso marëꞌ parisitapirëhuahuëꞌ, inapaquësoꞌ noya noya cancantarihuaꞌ. Yosë pochachin cancantarihuaꞌ.

Efesios 1:18

Yaꞌipi nanamën Sinioro noyá anitotëquëꞌ. Quëma huëntonënquë chachin ayaꞌconancoi noya cancantaꞌhuaiso marëꞌ. Catahuaquëꞌ ina yonquiatonaꞌ, noya cancanchinaꞌ. Aꞌna tahuëri yaꞌhuëranquë chachin noya noya yaꞌhuëcontarai. Ina naꞌcon yonquiꞌinaꞌ.

Efesios 1:7

Quisocristo corosëquë chiminaton, nichaꞌërinpoaꞌ. Huënainën paꞌnin niꞌton, oshanënpoaꞌ inquitërinpoaꞌ. Inaora nohuanton, Yosë naꞌcon nosororinpoaꞌ.

Efesios 2:7

Yosë inaora nohuanton, naꞌcon nosororinpoaꞌ. Quisocristo imapatëhuaꞌ, noya catahuarinpoaꞌ. Aꞌna tahuëri aꞌnapitantaꞌ nicatënënpoaꞌ, Yosë chinotapi: “Ma noyacha Yosëri nosororin paya,” tosapi.

Efesios 3:16

Napoaton canpita yonquiatënquëmaꞌ, Yosë nontërahuë. “Quëmasoꞌ Sinioro chini chiníquën nanantëran. Noya noyanquën niꞌton, imarinënsopita nosoroaton, catahuaquëꞌ chiníquën cancanchinaꞌ. Ispirito Santori achinicancain noya noya imainënquën.

Efesios 3:8

Casoꞌ aꞌnapita imapisopita quëran naꞌcon naꞌcon co noyahuëꞌ nipirahuëꞌ, anoyacancantërinco. Ina quëran nosoroatonco, acorinco nisha piyapiꞌsaꞌ shaꞌhuitaꞌhuaso marëꞌ. Quisocristo nanamënsoꞌ noyápiachin. Ma inacha niꞌton, nosoromiatërinpoa paya, tënahuë yonquiato.

Filipenses 4:7

Apira apira Yosë nontohuatamaꞌ, asanocancanarinquëmaꞌ. Co imapisopitasohuëꞌ nipirinhuëꞌ co sano cancantopihuëꞌ. Maꞌsha onpohuachinara, aꞌnaroáchin paꞌyanpi. Canpoaso nipirinhuëꞌ Quisocristo imarëhuaꞌ niꞌton, ina yonquiatëhuaꞌ, sano cancantarihuaꞌ.

Colosenses 1:27

“Quisocristo chachin ayaꞌcoancantaranquëmaꞌ,” itërinpoaꞌ. Canpitantaꞌ nisha piyapinquëmaꞌ nipiramahuëꞌ, yaꞌcoancantërinquëmaꞌ. Yaꞌipinpoaꞌ yaꞌcoancantërinpoaꞌ niꞌton, aꞌna tahuëri Yosëꞌpaꞌ noya noya yaꞌhuëcontarihuaꞌ. Iráca co mantaꞌ ina nitotopirinahuëꞌ, nani anitotërinpoa huachi. Quisocristo nohuitatëhuaꞌ, ina ninarëhuaꞌ. Ma noyacha Tata Yosësoꞌ yonquirinpoa paya, tënëhuaꞌ.

Colosenses 3:16

Yaꞌipi Quisocristo nanamën yonquirácoꞌ. Naꞌcon ina yonquicoꞌ. Noya nitotatomaꞌ, niaꞌchintocoꞌ, nipënëncoꞌ. Yosë cantanën nisha nisha nininsopita cantacoꞌ. Sarmo quirica nontatomaꞌ, inantaꞌ cantacoꞌ. Canpitaora yonquinëma quëraontaꞌ ocoirahuatomaꞌ, cantacoꞌ: “Ma noyanquëncha Tata niꞌton, catahuarancoi paya,” itatomaꞌ, cancanëma quëran huarëꞌ cantacoꞌ.

1 Tesalonicenses 2:12

Achinicancanainquëmaꞌ. “Yosë imaramaꞌ niꞌton, noyasáchin nicoꞌ Yosë noya niꞌinquëmaꞌ,” itërainquëmaꞌ. Ina acorinquëmaꞌ huaꞌanëntërinquë yaꞌconacamasoꞌ. Aꞌna tahuëri yaꞌhuërinꞌpaꞌ quëpantahuachinquëmaꞌ, noya noya yaꞌhuëcontaramaꞌ.

1 Timoteo 6:17

Aꞌnaquën naꞌcon coriqui yaꞌhuëtërin. Inapitantaꞌ api pënënquëꞌ: “Ama aꞌnapita nocancosohuëꞌ. Ama coriquinëmáchin paꞌyatocosohuëꞌ. Inasoꞌ co yaꞌhuëmiataponhuëꞌ. Yosë naꞌcon naꞌcon paꞌyatocoꞌ. Inasoꞌ co apiratërinpoahuëꞌ. Nani maꞌsha quëtërinpoaꞌ nóya cancantatëhua, yaꞌhuëcaso marëꞌ.

Filemón 1:4

Nani tahuëri iyasha quëma marëꞌ: Yosë nontërahuë. Quisocristo noya natëran. Naporahuaton, yaꞌipi imapisopita nosororan, natantërahuë. Ina marëꞌ “Yosparinquën Sinioro,” itërahuë.

1 Pedro 5:1

Yaꞌipi ansianoꞌsanquëmantaꞌ pënënanquëmaꞌ. Cantaꞌ ansianoco niꞌto, achinicancainquëmaꞌ, tënahuë. Quisocristo isoroꞌpaquë nipon, nohuitërahuë. Corosëquë parisitohuachina, cari niꞌnahuë niꞌton, shaꞌhuirárahuë. Oꞌmantahuachin, canpoantaꞌ inarëꞌquënpoaꞌ huaꞌanëntarihuaꞌ. Napoaton iporasoꞌ pënënaranquëmaꞌ noya nicacamaso marëꞌ.

1 Pedro 5:10

Yosë paꞌpi nosororinpoaꞌ. Quisocristo imarëhuaꞌ niꞌton, aꞌna tahuëri inápaquë quëpantarinpoaꞌ. Iporasoꞌ maꞌsha onpopirëhuahuëꞌ, catahuarinpoaꞌ. Co huaꞌquiꞌ parisitarihuahuëꞌ. Ina quëran nosoroatonpoaꞌ, anoyatarinpoaꞌ. Achinicancanarinpoaꞌ. Noya noya acoarinpoaꞌ.