Filipenses 4:18 - Chayahuita (Shahui)

¹⁸ Iporasoꞌ nóya iꞌhuërëtëramaco huachi. Napoaton noya yaꞌhuarahuë. Co mantaꞌ pahuantërincohuëꞌ. Iꞌhua Ipapërotito huëꞌpachina, coriqui aꞌpatëramaco niꞌton, maꞌsha yaꞌhuëtërinco. Ina marëꞌ “Yosparinquëmaꞌ,” itëranquëmaꞌ. Yosë nosoroatomaꞌ, aꞌpatiramaco. Yosë chinotacaiso marëꞌ pimóchin nininsoꞌ aꞌpëhuachinara, Yosëri noya niꞌnin. Inapochachin canpitantaꞌ coriqui aꞌpatëramaco niꞌton, Yosë noya niꞌninquëmaꞌ.

Filipenses 4:18 ပူးပေါင်းရင်းမြစ်များ

Hechos 10:4

Anquëni niꞌsahuaton, paꞌpi tëꞌhuatërin. —¿Maꞌtaꞌ sinioro nohuantëran? itërin. —Quëmasoꞌ naꞌcon Yosë nontëran, nataninquën. Saꞌahuaroꞌsaꞌ nosoroaton, maꞌsha topinan quëtëran. Ina marëꞌ noya yonquirinquën.

Romanos 12:1

Yosë naꞌcon nosororinpoaꞌ niꞌton, yaꞌipi cancanëma quëran, iyaroꞌsaꞌ, ina imacoꞌ. Iráca Yosë chinotohuachinara, maꞌsha tëpapi. Canpitaso nipirinhuëꞌ Yosë marëꞌ nanpitomaꞌ, nohuantërinsoráchin nicoꞌ. Ina yonquiatomaꞌ, nani tahuëri noyasáchin nicoꞌ. Ina Yosë nohuantërin. Inapohuatamaꞌ, Yosë noya chinotaramaꞌ.

2 Corintios 11:8

Aꞌchintëranquëmaso marëꞌ co mantaꞌ maꞌparanquëmahuëꞌ. Aꞌnapita imapisopita coriqui aꞌpatërinaco catahuaꞌhuanquëmaso marëꞌ. Naporoꞌ co inapita aꞌchintopirahuëꞌ, aꞌpatërinaco.

2 Corintios 9:12

Imapisopita catahuahuatamaꞌ, co huachi pahuantapihuëꞌ. Naporahuaton, naꞌcon naꞌcon Yosë yonquiapi. “Yosparinquën, Sinioro,” itapi.

Efesios 5:2

Quisocristo nosoroatonpoaꞌ, canpoa marëꞌ chiminin. Oshanënpoa marëꞌ chiminpachina, Yosëri noya niꞌnin. Napoaton canpoantaꞌ nani tahuëriya inapochachin ninosoroaꞌahuaꞌ Yosë noya niꞌinpoaꞌ.

Filipenses 4:12

Maꞌsha yaꞌhuëtohuachinco, noya yaꞌhuërahuë. Capantaꞌ nipachina, co ina marëꞌ sëtërahuëꞌ. Sacaiꞌ ahuantacaso nipirinhuëꞌ, Quisocristo catahuarinco niꞌton, noya ahuantërahuë. Aꞌna tahuëri cosharoꞌ yaꞌhuërin, noya caꞌnahuë. Aꞌna tahuëriso nipirinhuëꞌ capa niꞌton, tana natanahuë. Maꞌsha yaꞌhuëhuachina, noya cancantërahuë. Capantaꞌ nipachina, ahuantato, noya cancantërahuë.

2 Tesalonicenses 1:3

Iporasoꞌ iyaroꞌsaꞌ noya noya imasaramaꞌ. Cancanëma quëran huarëꞌ ina natëramaꞌ. Naꞌcon naꞌcon ninosororamaꞌ niꞌton, nani tahuëri “Yosparinquën,” itërai Yosë. Ina naꞌcon catahuarinquëmaꞌ niꞌton, ina pochin nontacasoꞌ yaꞌhuërin. Ina Yosë nohuantërin.

Hebreos 13:16

Noyasáchin niahuaꞌ. Nicatahuacasoꞌ ama naniantahuasohuëꞌ. Aꞌnapita maꞌsha pahuantohuachinaꞌ, ama apiratocosohuëꞌ. Inapohuatëhuaꞌ, Yosë noya chinotarëhuaꞌ niꞌton, noya niꞌsarinpoaꞌ.

1 Pedro 2:5

Imaramaꞌ niꞌton, canpitantaꞌ noya naꞌpiroꞌsa pochin nisaramaꞌ. Nanpimiataramaꞌ. Yaꞌipi imarëhuasopita Yosë acorinpoaꞌ pëinën pochin nicacaso marëꞌ. Cancanënpoa quëran huarëꞌ ina naꞌcon chinotërëhuaꞌ niꞌton, corto huaꞌanoꞌsa pochin nisarëhuaꞌ. Nani tahuëri ina chinotatëhuaꞌ, “Yosparinquën Sinioro,” itahuaꞌ. Nicatahuacasontaꞌ ama naniantahuasohuëꞌ. Quisocristo catahuarinpoaꞌ ina pochin nicacasoꞌ. Ina marëꞌ Yosë noya niꞌsarinpoaꞌ.