Filipenses 4:12 - Chayahuita (Shahui)

¹² Maꞌsha yaꞌhuëtohuachinco, noya yaꞌhuërahuë. Capantaꞌ nipachina, co ina marëꞌ sëtërahuëꞌ. Sacaiꞌ ahuantacaso nipirinhuëꞌ, Quisocristo catahuarinco niꞌton, noya ahuantërahuë. Aꞌna tahuëri cosharoꞌ yaꞌhuërin, noya caꞌnahuë. Aꞌna tahuëriso nipirinhuëꞌ capa niꞌton, tana natanahuë. Maꞌsha yaꞌhuëhuachina, noya cancantërahuë. Capantaꞌ nipachina, ahuantato, noya cancantërahuë.

Filipenses 4:12 ပူးပေါင်းရင်းမြစ်များ

Nehemías 9:20

Quëma Ispiritonëni nosoroaton aꞌchintërarin. Mananta co osërëtëranhuëꞌ. Yamorohuachinaranta iꞌsha quëtëran.

Isaías 8:11

Sinioro chiníquën nanantaton achinirinco. Inapotahuatonco ama aꞌnapita pochin cancantaꞌhuaso marëhuëꞌ, pënëninco:

Jeremías 31:19

Quëma aꞌporainquënso marëꞌ parisitatoi, nirótërai. “Tëhuënchachin oshahuancoi,” taꞌtoi, motoꞌ sëꞌmorai. “Maꞌhuantacha ninai paya,” taꞌtoi tapanai. Huiꞌnapitohuatëra yatëhuërëso pochin nicatoi, tëhuërai niꞌton, parisitërai,’ itarinaco.

Mateo 11:29

Co carinquëmaꞌ nocananquëmahuëꞌ. Sanoanan quëran pënënanquëmaꞌ. Casáchin natanco aꞌchinchinquëmaꞌ. Nani tahuëri catahuaranquëmaꞌ noya cancantacamaso marëꞌ. Ina pochin imapatamaco, sano cancantarama huachi.

Mateo 13:52

—Yosë quiricanën nani nitotaramaꞌ. Yosë huaꞌanëntërinsoꞌ aꞌchintëranquëmaꞌ niꞌton, pëiꞌ huaꞌanën pochin nisaramaꞌ. Pëiꞌ huaꞌanën noya nipachina, yaꞌipi pëinënquë yaꞌhuëpisopita noya nocomarin. Nani naꞌcon aꞌchintëranquëmaꞌ Yosë nanamën aꞌchinacamaso marëꞌ. Iráca ninshitopisoꞌ nitotëramaꞌ. Naporahuaton, aꞌnantaꞌ nashamiachin aꞌchintaranquëmaꞌ. Yaꞌipiya nitotatomaꞌ, aꞌchintëraꞌpiaramaꞌ, itërin Quisosori.

2 Corintios 10:1

Ca Paonoco sanoanan quëran pënënanquëmaꞌ. Aꞌnaquën napopi: “Paono aquë quëran ninshitohuachinpoara, chiníquën nanan aꞌpatirinpoaꞌ. Isëquë chachin yaꞌhuapon, tëꞌhuatatonpoaꞌ, co chiníquën pënëninpoahuëꞌ,” topi natantërahuë. Quisocristosoꞌ chiníquën nanantaponahuëꞌ, co noꞌhuirinpoahuëꞌ. Sanoanan quëran pënëninpoaꞌ. Ina pochin cancantato, cantaꞌ sanoanan quëran pënënanquëmaꞌ.

2 Corintios 10:10

Aꞌnaquën itërinënquëmaꞌ: “Paono naꞌcon ninshitatonpoaꞌ, chiníquën pënënpirinpoahuëꞌ. Huëꞌpachinasoꞌ, co chiníquën nanantonaꞌpi pochin nontërinpoahuëꞌ. Sanoanayan quëran aꞌchintërinpoaꞌ niꞌton, co chiníquën nanantërinhuëꞌ,” toconpi.

2 Corintios 11:27

Chiníquën sacatápato, parisitërahuë. Tashintaꞌ co huëꞌëtorahuëꞌ, niꞌtárahuë. Naꞌa tahuëri capa cosharoꞌ niꞌton, tanarahuë, yamororahuë. Co coshataporahuëꞌ, aꞌchinárahuë. Aꞌmocaꞌhuasoꞌ pahuantërinco niꞌton, sëhuën natanahuë.

2 Corintios 11:7

Yosë nanamën aꞌchintohuatënquëmara, co piꞌpisha tërantaꞌ coriqui maꞌparanquëmahuëꞌ. Sacatato, maꞌsha pahuantërincosoꞌ paꞌanahuë. Topinan aꞌchintëranquëmaꞌ canpita noya noya imacamaso marëꞌ. ¿Ina marëꞌ co noyahuëꞌ niꞌnamaco ti?

2 Corintios 11:9

Canpitataquë yaꞌhuasoco, maꞌsha pahuantopirincohuëꞌ, co piꞌpisha tërantaꞌ maꞌparanquëmahuëꞌ. Masitonia parti quëran huëcatonaꞌ, quëtirinaco. Quisocristo imapi niꞌton, topinan maꞌsha quëtirinaco nanpicaꞌhuaso marëꞌ. Canpita maꞌshanëmaꞌ co maꞌparanquëmahuëꞌ. Co onporontaꞌ nohuantaparanquëmahuëꞌ.

Deuteronomio 32:10

Inotëro parti huëcasëhuaꞌ, nitotërin. Inaquëso noꞌpaꞌ, yanirosáchin. Apira apira ihuan paꞌnin. Napoaton iporëso pochin paꞌpoyarinpoaꞌ. Noya aꞌchintërinpoaꞌ. Yaꞌpira paꞌpoyarëso pochin nitërinpoaꞌ.