Filipenses 3:11 - Chayahuita (Shahui)

¹¹ Ina pochin cancantato, imamiachi aꞌna tahuërintaꞌ ananpitaantaincoso marëꞌ.

Filipenses 3:11 ပူးပေါင်းရင်းမြစ်များ

Lucas 14:14

Ina quëran noya cancantaran. Inapitasoꞌ co nanitopihuëꞌ amatantaꞌinënquënsoꞌ. Co iꞌhuërëtopirinënquënhuëꞌ, Yosësoꞌ iꞌhuërëtarinquën. Noya ninan niꞌton, ayaroꞌ tahuëri ananpitaantahuachinquën, acanaarinquën huachi, itërin.

Juan 11:24

—Nanpiantacaso tahuëri nanihuachin, nanpiantararin, nitotërahuë, tënin Marta.

Hechos 23:6

Cotio huaꞌanoꞌsaꞌ huëꞌpisopita co napopianachin yonquipihuëꞌ. Patoma satosioroꞌsaꞌ, patomasoꞌ, parisioroꞌsaꞌ. Ina yonquiaton, Paonori itantarin: —Casoꞌ iyaroꞌsaꞌ, Parisioco. Shimashonëhuëpitantaꞌ parisioroꞌsa chachin. “Yosë ananpitaantarinpoaꞌ,” tënahuëso marëꞌ isopita shaꞌhuirapirinaco, itërin.

Hechos 27:12

“Iso nonshinanquë co noyahuëꞌ oꞌnapi naꞌhuëanatacasoꞌ. Pinisiquë tërantaꞌ canconamarëhuaꞌ. Inaquë oꞌnapi naꞌhuëanatahuaꞌ,” topi. Napoaton manorapi. Pinisisoꞌ Crita parti yaꞌhuërin. Nonshinanën quëran piꞌi pipirinso parti notëërin.

Romanos 11:14

Naꞌaquëmaꞌ imapatamaꞌ, aꞌnaquën israiroꞌsantaꞌ nohuantapi imacaisoꞌ nimara. Inapitantaꞌ Yosëri anoyacancantarin.

1 Corintios 15:23

Co napopináchin nanpiantarihuahuëꞌ. Quisocristoꞌton nanpiantarin. Aꞌna tahuëri oꞌmantahuachin, imarëhuasopitantaꞌ ananpitaantarinpoaꞌ.

1 Corintios 9:22

Aꞌnaquëontaꞌ imaponahuëꞌ, co yaꞌipi cancanëna quëran natëyátërapihuëꞌ. Inapitantaꞌ co nocanahuëꞌ. “Casoꞌ noya noya imarahuë,” co itërahuëꞌ. Inapita pochin ninahuë natanatonaco, noya noya Quisocristo imacaiso marëꞌ. Yaꞌipi piyapiꞌsaꞌ nosoroato, sanoanan quëran aꞌchintarahuë caraya tërantaꞌ chaꞌëcaiso marëꞌ.

1 Corintios 9:27

Co noyahuëꞌ yonquihuatëra, aꞌnaroáchin naniantërahuë. Co nohuantërahuëꞌ piꞌpian tërantaꞌ oshahuanacaꞌhuasoꞌ. Nohuantasoꞌ Yosë marëꞌ sacatarahuë. Aꞌnapita naꞌcon pënënpirahuëꞌ, co casoꞌ noya nipatohuëꞌ, co Yosë noya niꞌsarincohuëꞌ, co acanaarincohuëꞌ, tënahuë.

2 Corintios 11:3

Aꞌnaquënso nipirinhuëꞌ yaanishacancantërinënquëmaꞌ. Iráca yaꞌhuani Ipa nonpintërinso pochin yanonpintërinënquëmaꞌ ama Quisocristoíchin yonquicamaso marëhuëꞌ.

1 Tesalonicenses 3:5

Napoaton casoꞌ co huachi ahuantatohuëꞌ, Timotio aꞌpatëranquëmaꞌ onpopinsona imaramasoꞌ nitotaꞌhuaso marëꞌ. Sopai yanonpintërinpoaꞌ Yosë aꞌpocaso marëꞌ. Minsërinquëmaꞌ naporini, topinan quëran aꞌchinchitënquëmahuëꞌ. “Co huachi noya imamaraihuëꞌ,” taꞌtoi, Timotio aꞌpatërainquëmaꞌ.

2 Tesalonicenses 2:3

Niꞌcona nonpintochinënquëmaꞌ. Coꞌhuara Quisocristo oꞌmayátërasohuëꞌ, notohuaroꞌ piyapiꞌsaꞌ Yosë aꞌpoapi. Co piꞌpian tërantaꞌ yanatërapihuëꞌ. Naporoꞌ aꞌna quëmapi yaꞌhuapon. Yaꞌipi piyapiꞌsaꞌ nonpintarin ama Yosë imacaiso marëhuëꞌ. Paꞌpi co noyahuëꞌ nisarin. Sopairi noyá yaꞌcoancantërin niꞌton, chiníquën anaꞌintacasoꞌ yaꞌhuërin. Ayaroꞌ tahuëri Yosëri anaꞌintaton, parisitopiquë aꞌpararin.

2 Timoteo 4:8

Napoaton Yosëꞌpaꞌ acanaarinco. Quisocristo oꞌmantahuachin, coisë pochin nicaton, noꞌtëquën shaꞌhuitarinpoaꞌ. Naporoꞌ noya ninahuëso marëꞌ acanaarinco. Co casáchin acanaarincohuëꞌ. Aꞌnapitantaꞌ Quisocristo nosoroatonaꞌ, “Manóton oꞌmantaꞌin,” topisopitantaꞌ Yosëꞌpaꞌ canaapi.

Hebreos 11:35

Sanapiꞌsantaꞌ huaꞌhuinpita chiminpachina, Yosë natëpi niꞌton, ina nohuanton nanpiantapi huachi. Aꞌnaquënso nipirinhuëꞌ Yosë natëtonaꞌ, chiníquën parisitopi. “Yosë aꞌpocoꞌ tëpachinënquëmaꞌ,” itopirinahuëꞌ, co yaaꞌpopihuëꞌ. “Co onporontaꞌ aꞌpoaraihuëꞌ. Yosë noya noya ananpitaantarincoi,” taꞌtonaꞌ, imapiso marëꞌ chiminpi.

Apocalipsis 20:5

Inapitaꞌton ananpitaantarin. Ina quëran nani huaranca piꞌipi nanihuachin, aꞌnapita chiminpisopita ananpitaantarin anaꞌintacaso marëꞌ.