Filipenses 2:19 - Chayahuita (Shahui)

¹⁹ Huaꞌquiꞌ iyaroꞌsaꞌ canpitata quëran co nanan natantërahuëꞌ niꞌton, yonquiáranquëmaꞌ. Napoaton Timotio yaaꞌparahuë natantacaso marëꞌ. Quisocristo nohuantohuachin, co huaꞌqui quëranhuëꞌ aꞌpaarahuë. Ina quëran shaꞌhuitintahuachinco, noya cancantarahuë.

Filipenses 2:19 ပူးပေါင်းရင်းမြစ်များ

Mateo 12:21

Nisha nisha piyapiꞌsari natanahuatonaꞌ: ‘Inasáchin nichaꞌësarinpoaꞌ,’ tosapi huachi,” tënin Yosë quiricanënquë. Iráca Isaiasë ninorinso chachin nanirin niꞌton, Quisosori sanoanan quëran piyapiꞌsaꞌ pënënarin.

Hechos 16:1

Ina quëran Tirpiquë paꞌpi. Inaquë aꞌchinahuatonaꞌ, paantapi. Paantarahuatonaꞌ, Nistraquë canconpi. Inaquë aꞌna huiꞌnapi quënanconpi, Timotio itopisoꞌ. Inantaꞌ Quisoso imarin. Aꞌshinsoꞌ cotio sanapi. Quisoso imarin antaꞌ. Paꞌpinso nipirinhuëꞌ Crico piyapi.

Romanos 15:12

Isaiasëntaꞌ Quisocristo ninoton, ninshitërin. “Aꞌna tahuëri Quisi shiin nasitimapon. Cotio piyapi niponahuëꞌ, mashotohuachin, yaꞌipi piyapiꞌsaꞌ huaꞌanëntarin. Nisha nisha piyapiꞌsarintaꞌ ina natëtonaꞌ, ninarapi,” tënin.

Romanos 16:21

Timotiontaꞌ saludos aꞌpatarinquëmaꞌ. Inasoꞌ catahuarinco aꞌchinaꞌhuasoꞌ. Nosio, Cason, Sosipatro, inapitantaꞌ saludos aꞌpatarinënquëmaꞌ. Inapitasoꞌ cotio piyapiꞌsaꞌ.

1 Corintios 4:17

Ina marëꞌ Timotio aꞌpatëranquëmaꞌ. Inasoꞌ noya niꞌnahuë. Aꞌchintohuatëra, Quisocristo imarin niꞌton, huiꞌnahuë pochin niꞌnahuë. Nóya Sinioro imarin. Yaꞌipi naporahuësoꞌ ayonquiarinquëmaꞌ noya noya imacamaso marëꞌ. Insëquësona paꞌpatëra, Quisocristo nanamënsáchin aꞌchinahuë. Imapisopita niyontonpachinara, aꞌchintërahuë.

Efesios 1:13

Canpitantaꞌ Yosë nanamën natanamaꞌ. “Quisocristo anoyacancantohuachinquëmaꞌ, nichaꞌësarinquëmaꞌ,” itërainquëmaꞌ. Natanpatamara: “Noꞌtën nanan inasoꞌ,” taꞌtomaꞌ, natëramaꞌ. Quisocristo imapatamaꞌ, huiꞌnin pochin Yosë niꞌninquëmaꞌ. Napoaton Ispirito Santo ayaꞌcoancantërinquëmaꞌ. Sichoquë marca acopiso pochin ayaꞌcoancantërinquëmaꞌ huëntonënquë ayaꞌconinquëmasoꞌ nitotacaso marëꞌ. Iráca shaꞌhuirinso chachin napotërinquëmaꞌ.

Filipenses 1:1

Ca Paonoco ninshitaranquëmaꞌ, niꞌcoꞌ. ¿Noyanquëmaꞌ canpitantaꞌ? Noya cantaꞌ yaꞌhuarahuë. Iya Timotioroꞌco nanan aꞌpatarainquëmaꞌ. Quisocristo huaꞌanëntërincoi. Inasáchin natërai. Yaꞌipi Quisocristo imaramasopita Piriposëquë yaꞌhuëramasoꞌ, ninshitaranquëmaꞌ. Ansianoꞌsanquëmaꞌ naꞌcon yonquiranquëmaꞌ. Tiaconoꞌsanquëmantaꞌ yonquiranquëmaꞌ.

Filipenses 2:18

Tëpahuachinaco, ama sëtocosohuëꞌ. Ca pochachin noya cancantocoꞌ.

Filipenses 2:28

Napoaton manoton aꞌparahuë. Ina quënanpatamaꞌ, nóya cancantarama huachi. Noya cancantohuatamaꞌ, cantaꞌ noya cancantarahuë. Co huachi aquëtëꞌ sëtarahuëꞌ.

1 Tesalonicenses 3:2

Timotio aꞌpatërainquëmaꞌ nitotacaso marëꞌ. Inantaꞌ noya imarin. Yosëri acorin Quisocristo nanamën aꞌchinacaso marëꞌ. Achinicancainquëmaso marëꞌ aꞌpatërainquëmaꞌ.

1 Tesalonicenses 3:5

Napoaton casoꞌ co huachi ahuantatohuëꞌ, Timotio aꞌpatëranquëmaꞌ onpopinsona imaramasoꞌ nitotaꞌhuaso marëꞌ. Sopai yanonpintërinpoaꞌ Yosë aꞌpocaso marëꞌ. Minsërinquëmaꞌ naporini, topinan quëran aꞌchinchitënquëmahuëꞌ. “Co huachi noya imamaraihuëꞌ,” taꞌtoi, Timotio aꞌpatërainquëmaꞌ.

2 Tesalonicenses 1:3

Iporasoꞌ iyaroꞌsaꞌ noya noya imasaramaꞌ. Cancanëma quëran huarëꞌ ina natëramaꞌ. Naꞌcon naꞌcon ninosororamaꞌ niꞌton, nani tahuëri “Yosparinquën,” itërai Yosë. Ina naꞌcon catahuarinquëmaꞌ niꞌton, ina pochin nontacasoꞌ yaꞌhuërin. Ina Yosë nohuantërin.

2 Timoteo 1:12

Ina marëꞌ aparisitopirinacohuëꞌ, co tapanato yaaꞌporahuëꞌ. Quisocristo imamiatarahuë. Ina nohuitato, inasáchin natërahuë. Yaꞌipi nanitaparin. Nani shaꞌhuitërinco nanamën aꞌchinaꞌhuasoꞌ niꞌton, noya aꞌpaiarinco. Oꞌmantaquë huarëꞌ nanamën yaꞌhuëmiatarin, tënahuë.

Santiago 4:15

“Yosë nohuantohuachin nanpihuatoi, maꞌsha nisarai,” taꞌcaso nipirinhuëꞌ.

1 Pedro 1:21

Quisocristo anoyacancantërinquëmaꞌ niꞌton, Yosë nohuitatomaꞌ, natëramaꞌ: “Tëhuënchachin catahuarinpoaꞌ,” tënamaꞌ. Quisocristo chiminaponahuëꞌ, Yosëri ananpitaantarin. Inápaquë quëpantarahuaton, chiníquën nanan quëtërin. Napoaton Yosëíchin imaramaꞌ. “Canpoantaꞌ ananpitaantarinpoaꞌ,” taꞌtomaꞌ, ninaramaꞌ.