Filipenses 2:18 - Chayahuita (Shahui)

¹⁸ Tëpahuachinaco, ama sëtocosohuëꞌ. Ca pochachin noya cancantocoꞌ.

Filipenses 2:18 ပူးပေါင်းရင်းမြစ်များ

Efesios 3:13

Aꞌchintëranquëmaꞌ niꞌton, tashinan pëiquë poꞌmorinaco. Parisitapirahuëꞌ, chiníquën cancantocoꞌ. Canpitantaꞌ Quisocristo imacamaso marëꞌ parisitërahuë. Ina marëꞌ noya cancantacasoꞌ yaꞌhuërin.

Filipenses 2:17

Iráca maꞌsha Yosë marëꞌ tëpahuachinaꞌ, huinontaꞌ opotopi. Inapochachin cantaꞌ canpita noya noya imacamaso marëꞌ tëpahuachinacontaꞌ, noya nisarin, co sëtarahuëꞌ. Aꞌchintëranquëmaꞌ niꞌton, noya imaramaꞌ. Napoaton noya cancantërahuë.

Filipenses 2:19

Huaꞌquiꞌ iyaroꞌsaꞌ canpitata quëran co nanan natantërahuëꞌ niꞌton, yonquiáranquëmaꞌ. Napoaton Timotio yaaꞌparahuë natantacaso marëꞌ. Quisocristo nohuantohuachin, co huaꞌqui quëranhuëꞌ aꞌpaarahuë. Ina quëran shaꞌhuitintahuachinco, noya cancantarahuë.

Filipenses 3:1

Iporasoꞌ iyaroꞌsaꞌ Quisocristo yonquiatomaꞌ, nóya cancantocoꞌ. Iráca quëran huarëꞌ inachachin inachachin pënënápiranquëmahuëꞌ, co amirahuëꞌ. Naquëranchachin natantahuatamaꞌ, yonquiantaramaꞌ. Ina quëran noya noya imasaramaꞌ, tënahuë.

Filipenses 4:4

Nani tahuëri Quisocristo yonquiatomaꞌ, noya cancantocoꞌ. Naquëranchin inachachin shaꞌhuichinquëmaꞌ. Maꞌsha onpoapomarahuëꞌ, noya cancantocoꞌ, tënahuë.