Filipenses 1:28 - Chayahuita (Shahui)

²⁸ Aꞌnaquën co Quisocristo imatonahuëꞌ, noꞌhuiarinënquëmaꞌ, aparisitarinënquëmaꞌ. Noꞌhuipirinënquëmaontaꞌ, ama tëꞌhuatocosohuëꞌ. Chiníquën cancantohuatamaꞌ, yonquiapi. “Ma inacha Yosë imapisopitaso paya. Yosëri catahuarin niꞌton, chaꞌësapi. Co imarëhuasopitasohuëꞌ nipirinhuëꞌ, co nichaꞌësarinpoahuëꞌ,” tosapi. Yosëíchin catahuarinpoaꞌ chiníquën cancantacasoꞌ.

Filipenses 1:28 ပူးပေါင်းရင်းမြစ်များ

Génesis 49:18

Ina quëran Cacoposoꞌ Yosë nontaton tapon: “¡Sinioro, quëmasoꞌ nichaꞌësaranco tënahuë!” itërin.

Mateo 10:28

Ama piyapiꞌsaꞌ tëꞌhuatocosohuëꞌ. Tëpapirinënquëmaontaꞌ, co huaꞌyanëmaꞌ matarinënquëmahuëꞌ. Yosë tëhuënchinsoꞌ tëꞌhuatacasoꞌ yaꞌhuërin, tënahuë. Ina nohuanton, chiminëꞌ. Co noyahuëꞌ nipachinaꞌ, pënquë chachin aꞌpaarin huachi. Inatohuaꞌ huaꞌyanënarë chachin parisitomiatapi huachi. Napoaton Yosë naꞌcon naꞌcon tëꞌhuatacasoꞌ yaꞌhuërin. Co piyapiꞌsaꞌ tëꞌhuatacasoꞌ yaꞌhuërinhuëꞌ.

Marcos 3:3

Naporoꞌ apia itapon: —Huëꞌsahuaton, huancánachin huaniquëꞌ, itërin.

Lucas 3:6

Yaꞌipi piyapinpoaꞌ nichaꞌëinpoaso marëꞌ oꞌmararin,’ tapon ina quëmapi pënëntohuachin,” tënin Isaiasë iráca ninoton. Naporinso chachin Coansha pënëntarin.

Juan 16:8

Ispirito Santo isoroꞌpaquë oꞌmahuachin, oshahuanoꞌsaꞌ paꞌpi co noyahuë nipisoꞌ, Yosë noya coisë pochin nininsoꞌ, noꞌtëquën anaꞌintacaso yaꞌhuërinsoꞌ, inapita ayonquiarin: ‘Co Quisoso natëramahuëꞌ niꞌton, paꞌpi oshahuanamaꞌ. Inasoꞌ noꞌtëquënáchin Yosë natëton co tëhuërinhuë niꞌton, chiminpachina Tata Yosë yaꞌhuërinquë pantarin. Napoaton co huachi quënanaramahuëꞌ. Sopai huaꞌani huaꞌquiꞌ piyapiꞌsaꞌ huaꞌanëntopirinhuëꞌ, Yosëri minsërahuaton, anaꞌintarin,’ itarin piyapiꞌsaꞌ, ayonquiaton.

Hechos 28:28

Napoaton shaꞌhuichinquëmaꞌ nitotocoꞌ. Yosëri nisha piyapiꞌsaꞌ nani shaꞌhuitërin cancanënaꞌ anoyatacaso marëꞌ. Inapitasoꞌ natërapi, tënin Paono. [

Romanos 8:17

Huiꞌninpoaꞌ niꞌton, naꞌcon naꞌcon catahuarinpoaꞌ. Aꞌna tahuëri yaꞌhuërinꞌpaꞌ noya acoarinpoaꞌ. Quisocristo noya acorinso pochin acoarinpoaꞌ canpoantaꞌ. Ina imarëhuaso marëꞌ aparisitopirinënpoahuëꞌ, inapochachin inarëꞌquënpoaꞌ noya noya yaꞌhuëcontarihuaꞌ.

1 Tesalonicenses 2:2

Piriposëquë aꞌchinapiraihuëꞌ, noꞌhuitonacoi, chiníquën aparisitërinacoi. Inapotopirinacoihuëꞌ, canpitataquë canconpatëira, co tëꞌhuaraihuëꞌ. “Yosë catahuarincoi,” taꞌtoi, Quisocristo nanamën aꞌchintërainquëmaꞌ. Aꞌnapita noꞌhuipirinacoihuëꞌ, chiníquën cancantatoi, pënënainquëmaꞌ.

Hebreos 13:6

Napoaton chiníquën cancantatëhuaꞌ naporëhuaꞌ: “Yosë catahuarinpoaꞌ niꞌton, co tëꞌhuarëhuahuëꞌ. ¡Piyapiꞌsaꞌ maꞌsha onpotopirinpoahuëntaꞌ, co tëꞌhuatarihuahuëꞌ!” tënëhuaꞌ.

Apocalipsis 2:10

Ipora tahuëriꞌsaꞌ naꞌcon parisitapiramahuëꞌ, ama tëꞌhuacosohuëꞌ. Sopai nohuanton, tashinan pëiquë poꞌmoarinënquëmaꞌ. Yosë aꞌpocamaso marëꞌ napotarinënquëmaꞌ. Shonca tahuëri pochin parisitaramaꞌ. Tëpapirinënquëmaontaꞌ, ama aꞌpocosohuëꞌ. Imamiatohuatamaco, inápaquë acanaranquëmaꞌ. Inatohuaꞌ nanpimiataramaꞌ.