Filemón 1:8 - Chayahuita (Shahui)

⁸ Iporasoꞌ piꞌpian shaꞌhuichinquën maꞌsona noya nicamasoꞌ. Quisocristo acorinco nanamën aꞌchinaꞌhuaso marëꞌ. Chiníquën nanan quëtërinco niꞌton, nohuantërahuë naporini, camaiꞌtënquënhuëꞌ. Nipirinhuëꞌ co nohuantërahuëꞌ.

Filemón 1:8 ပူးပေါင်းရင်းမြစ်များ

2 Corintios 10:8

Yosë chachin chiníquën nanan quëtërincoi nanamën aꞌchintaꞌhuainquëmaso marëꞌ, itohuatënquëmara, co ina marëꞌ tapanahuëꞌ. Noya noya imacamaso marëꞌ aꞌchintërainquëmaꞌ. Co nisha cancantamaso marëꞌ aꞌchintërainquëmahuëꞌ.

2 Corintios 11:21

Quiyaso nipirinhuëꞌ co ina pochin ninaihuëꞌ. Co chiníquën nontërainquëmahuëꞌ. Ina marëꞌ tapanai. Nipirinhuëꞌ, inapitasoꞌ nocaninacoi niꞌquëhuarëꞌ, cantaꞌ huaꞌyantërinso pochin nonato, piꞌpian nonantapatarahuë.

2 Corintios 3:12

“Inaso co taꞌhuantarinhuëꞌ,” taꞌtoi, inasáchin aꞌchinarai. Co tëꞌhuatoihuëꞌ, yaꞌipi parti aꞌchinarai.

Efesios 5:4

Ama taparoꞌ ninontocosohuëꞌ. Ama narinacasoachin yonquicosohuëꞌ. Co topinan quëran ninontacasoꞌ yaꞌhuërinhuëꞌ. Yosë catahuarinpoasoꞌ naꞌcon naꞌcon nishaꞌhuitatëhuaꞌ: “Yosparinquën Sinioro,” itahuaꞌ.

1 Tesalonicenses 2:2

Piriposëquë aꞌchinapiraihuëꞌ, noꞌhuitonacoi, chiníquën aparisitërinacoi. Inapotopirinacoihuëꞌ, canpitataquë canconpatëira, co tëꞌhuaraihuëꞌ. “Yosë catahuarincoi,” taꞌtoi, Quisocristo nanamën aꞌchintërainquëmaꞌ. Aꞌnapita noꞌhuipirinacoihuëꞌ, chiníquën cancantatoi, pënënainquëmaꞌ.

1 Tesalonicenses 2:6

Co piyapiꞌsaꞌ noya nicainacoisoꞌ yonquiatoi aꞌchinaihuëꞌ.