Filemón 1:4 - Chayahuita (Shahui)

^4-5 Nani tahuëri iyasha quëma marëꞌ: Yosë nontërahuë. Quisocristo noya natëran. Naporahuaton, yaꞌipi imapisopita nosororan, natantërahuë. Ina marëꞌ “Yosparinquën Sinioro,” itërahuë.

Filemón 1:4 ပူးပေါင်းရင်းမြစ်များ

Romanos 1:8

Canpitasoꞌ noya Yosë natëramaꞌ, natantërahuë. Yaꞌipi piyapi napopi. Ina natantato, “Yosparinquën Sinioro,” itërahuë Yosë. Inaꞌton napotërahuë. Quisocristo catahuarinco ina pochin Yosë nontaꞌhuaso marëꞌ.

Efesios 1:16

Naꞌcon canpita marëꞌ Yosë nontërahuë. “Noya imarinënquën niꞌton, ‘Yosparinquën, Sinioro,’ ” itërahuë, Yosë nontato.

Filipenses 1:3

Co naniantëranquëmahuëꞌ. Canpita yonquiatënquëmaꞌ, Yosë nontárahuë. “Piriposëquë yaꞌhuëpisopita noya imarinënquën niꞌton, ‘Yosparinquën, Sinioro,’ ” itërahuë, Yosë nontato.

Colosenses 1:3

Canpita yonquihuatëinquëmara, naꞌcon Yosë nontarai. Inasoꞌ Sinioro Quisocristo paꞌpin. Cancanëma quëran huarëꞌ ina natëramaꞌ. Yaꞌipi Yosë piyapinënpitantaꞌ nosororamaꞌ, natantërai. Ina natantatoi, noya cancantërai. “Noya imarinënquën niꞌton, ‘Yosparinquën Sinioro,’ ” itërai.

1 Tesalonicenses 1:2

Nani tahuëri canpita marëꞌ Yosë nontërai. Tata Yosë natëtomaꞌ, noya ninamaꞌ. Ninosoroatomaꞌ, naꞌcon nicatahuaramaꞌ. “Sinioro Quisocristo co onporontaꞌ naniantarinpoahuëꞌ. Inasáchin ninarëhuaꞌ,” taꞌtomaꞌ, chiníquën cancantëramaꞌ. Napoaton yonquiatëinquëmaꞌ, Tata Yosë nontërai: “Ma noya Tata catahuaran niꞌton, cancanëna quëran huarëꞌ imasarinënquën. Ina marëꞌ ‘Yosparinquën,’ itërainquën,” itërai Yosë nontatoi.

2 Tesalonicenses 1:3

Iporasoꞌ iyaroꞌsaꞌ noya noya imasaramaꞌ. Cancanëma quëran huarëꞌ ina natëramaꞌ. Naꞌcon naꞌcon ninosororamaꞌ niꞌton, nani tahuëri “Yosparinquën,” itërai Yosë. Ina naꞌcon catahuarinquëmaꞌ niꞌton, ina pochin nontacasoꞌ yaꞌhuërin. Ina Yosë nohuantërin.

2 Timoteo 1:3

Iráca shimashonëhuëpita Yosë chinotopi. Inapochachin cantaꞌ chinotërahuë. Yosë nanamën noꞌtëquën natëto, chinotërahuë. Ina marëꞌ noyápiachin cancantërahuë. Nani tahuëri tashirë chachin Yosë nontato, quëma yonquiranquën. Noya imaranso marëꞌ: “Yosparinquën Sinioro,” itërahuë.