Filemón 1:20 - Chayahuita (Shahui)

²⁰ Napoaton iyasha ninshitaranquën. Quisocristo imaran niꞌton, Onisimo nosoroquëꞌ. Noya nontohuatan, cantaꞌ nóya cancantarahuë. Inapoaton, achinicancanco topirahuëꞌ.

Filemón 1:20 ပူးပေါင်းရင်းမြစ်များ

1 Corintios 16:18

Noya nontatonaco, achinicancaninaco. Canpitantaꞌ achinicancaninënquëmaꞌ, tënahuë. Cancoantahuachinaꞌ, noya nicatomaꞌ, natancoꞌ.

2 Corintios 2:2

Chiníquën pënënpatënquëmaꞌ, sëtaramaꞌ. Co nohuantërahuëꞌ asëtaꞌhuanquëmasoꞌ. Canpita sëtohuatamaꞌ, co huachi nanitaramahuëꞌ acapacancanamacosoꞌ, tënahuë yonquiato.

2 Corintios 7:13

Naporamaꞌ niꞌton, co huachi sëtëraihuëꞌ. Tito cantonpachinquëmara, co piꞌpian tërantaꞌ noꞌhuiramahuëꞌ. Noya nontëramaꞌ niꞌton, noya cancantërin. Quiyantaꞌ ina natanatoi, nóya cancantërai.

Filipenses 1:8

Quisocristo nosororinpoaso pochachin carinquëmantaꞌ nosororanquëmaꞌ. Paꞌpi yaniꞌnanquëmaꞌ. Yosë niꞌsárinco noꞌtëquën nontaranquëmaꞌ.

Filipenses 4:1

Napoaton iyaroꞌsaꞌ Quisocristo imamiatocoꞌ. Naꞌcon nosororanquëmaꞌ. Yaꞌnipishahuëꞌ yaniꞌnanquëmaꞌ. Canpita yonquiatënquëmaꞌ, nóya cancantërahuë. Noya imaramaꞌ niꞌton, co topinan quëran aꞌchintëranquëmahuëꞌ, tënahuë.

Filemón 1:12

Noya catahuapirincohuëꞌ, apira aꞌpataranquën. Naꞌcon nosoropirahuëꞌ, quëma piyapinën niꞌton, nani shaꞌhuitërahuë yaꞌhuëranquë panantacaso marëꞌ. Ca pochachin cancantaton, noya niꞌquëꞌ.

Filemón 1:7

Yaꞌipi imapisopita nosoroaton, quëmari achinicancanan. Noya noya cancantapi. Ina natantahuato iyasha, cantaꞌ nóya cancantërahuë. Achinicancananco cantaꞌ.

Hebreos 13:17

Ansianoꞌsaꞌ pënënpachinënquëmaꞌ, noya natëcoꞌ. Noya noya imacamaso marëꞌ Yosëri acorin. Aꞌna tahuëri inapitantaꞌ yaꞌipi napopisopita Yosë shaꞌhuitapi. Nani tahuëri pënënarinënquëmaꞌ. Noya natëhuatamaꞌ, noya cancantatonaꞌ, aꞌchintarinënquëmaꞌ. Co yanatëhuatamahuëꞌ, sëtapi. Naporahuaton, canpitantaꞌ co noya noya cancantapomahuëꞌ.

1 Juan 3:17

Quisocristo imarëhuasopita capini noya ninosorocasoꞌ yaꞌhuërin. Aꞌnapita maꞌsha pahuantohuachinaꞌ, catahuahuaꞌ. Capa capacaisoꞌ nipachin, capa aꞌmocaisoꞌ nipachin quëtahuaꞌ. Co inapita catahuahuatëhuahuëꞌ, co tëhuënchachin nosororëhuahuëꞌ. Co canpoa capini ninosorohuatëhuahuëꞌ, co Yosëntaꞌ nosororëhuahuëꞌ.

3 Juan 1:4

Nani Quisocristo nanamën aꞌchintëranquëmaꞌ. Ina natëtomaꞌ, imaramaꞌ niꞌton, huiꞌnahuëpita pochin niꞌnanquëmaꞌ. Naꞌcon nosororanquëmaꞌ. Noꞌtën nanan imapatamaꞌ, nóya cancantarahuë. Ina naꞌcon naꞌcon nohuantërahuë.