Filemón 1:16 - Chayahuita (Shahui)

¹⁶ Quëma marëꞌ sacatopirinhuëꞌ, ama huachi piyapinën pochin niꞌquësohuëꞌ. Piyapinën niponahuëꞌ, iporasoꞌ noya noya niꞌquëꞌ. Quisocristo imarin niꞌton, iyanpo pochachin nosoroquëꞌ. Carisoꞌ naꞌcon nosororahuë. Quëmasoꞌ aquëtë huarëꞌ naꞌcon naꞌcon nosoroquëꞌ, tënahuë.

Filemón 1:16 ပူးပေါင်းရင်းမြစ်များ

Mateo 23:8

Canpitaso nipirinhuëꞌ, ama maistro itiinëmaso nohuantocosohuëꞌ. Yaꞌipinquëmaꞌ iyama pochin nisaramaꞌ. Casáchin noꞌtëquën aꞌchintëranquëmaꞌ.

Hechos 9:17

Ina natanahuaton, Ananiasë paꞌnin. Cotasë pëinënquë yaꞌconconahuaton, Saono sëꞌhuaconin: —Iya Saono. Sinioro Quisoso iraquë yaꞌnotërinquënso shaꞌhuitërinco niꞌton, huëꞌnahuë. Ina nohuanton, apira noya niꞌtaantaran. Naporahuaton, Ispirito Santo noyá yaꞌcoancantarinquën, itërin.

1 Corintios 7:22

Patron marëꞌ sacatapomarahuëꞌ, Yosë huayonpachinquëmaꞌ, oshanëmaꞌ inquitatënquëmaꞌ, nichaꞌërinquëmaꞌ. Ina yonquiatomaꞌ, co huachi sëtacasoꞌ yaꞌhuërinhuëꞌ. Inapochachin aꞌnaquëmaꞌ co patron asacatopirinquëmahuëꞌ. Yosë nichaꞌërinquëmaꞌ niꞌton, ina naꞌcon naꞌcon natëcamasoꞌ yaꞌhuërin. Yosë piyapinënpita ninamaꞌ.

Colosenses 3:22

Patron marëꞌ sacatohuatamaꞌ, noya natëcoꞌ. Ama nonpintocosohuëꞌ. Co niꞌpirinquëmaontaꞌ, noya sacatocoꞌ. Co patronachin yonquicasoꞌ yaꞌhuërinhuëꞌ. Siniorontaꞌ niꞌsarinquëmaꞌ. Ina yonquiatomaꞌ, yaꞌipi cancanëma quëran natëcoꞌ.

1 Timoteo 6:2

“Patronënantaꞌ Quisocristo imapachin, ama ina marëꞌ chiroinasohuëꞌ. Iyaparin pochin nicatonaꞌ, noya noya sacachinaꞌ. Imarinsoꞌ catahuarapi niꞌton, nóya sacachinaꞌ. Inantaꞌ Yosëri nosororin niꞌton, noya catahuainaꞌ,” itëquëꞌ. Yaꞌipi carinquën pënënanquënsoꞌ, aꞌchinquëꞌ. Onpopiontaꞌ pënënquëꞌ natëinaꞌ.

Hebreos 3:1

Imaramaꞌ niꞌton, Yosë anoyacancantërinquëmaꞌ. Huëntonënquë ayaꞌconinquëmaꞌ. Napoaton iyaroꞌsaꞌ Quisocristo naꞌcon yonquicoꞌ. Yosëri aꞌpaimarin nanamën aꞌchintinpoaso marëꞌ. Corto huaꞌan chini chiníquën nanantërinso pochin acorin. Ina nohuanton, imarëhuaꞌ.

1 Juan 5:1

Yaꞌipi Quisocristo imarëhuasopita aꞌna huënton pochin ninëhuaꞌ. “Quisocristo Yosë huiꞌnin chachin,” tënëhuaꞌ niꞌton, huëntonënquë yaꞌconëhuaꞌ. Huiꞌninpita pochin niꞌninpoaꞌ. Niꞌcoꞌ. “Quëmapi tëhuënchachin nosorohuatëra, huiꞌninpitantaꞌ nosororëꞌ,” topi.