Filemón 1:12 - Chayahuita (Shahui)

¹² Noya catahuapirincohuëꞌ, apira aꞌpataranquën. Naꞌcon nosoropirahuëꞌ, quëma piyapinën niꞌton, nani shaꞌhuitërahuë yaꞌhuëranquë panantacaso marëꞌ. Ca pochachin cancantaton, noya niꞌquëꞌ.

Filemón 1:12 ပူးပေါင်းရင်းမြစ်များ

2 Samuel 16:11

Napotahuaton Apisai, sontaro huaꞌanoꞌsaꞌ, inapita itapon: —Niꞌcoꞌ. Huiꞌnahuë chachin nipirinhuëꞌ, yatëparinco. Aquëtë huarëꞌ Mincamin huënton piyapisoꞌ tëpaincosonta yaꞌhuërin. ¡Tananpitoco noꞌhuiinco! Siniorori ina pochin camaimara.

Jeremías 31:20

Napohuachinaꞌ cari itarahuë: ‘Canpitaso piyapinëhuëpitanquëma niꞌton, paꞌya paꞌyatëranquëmaꞌ. Co aꞌnapitaso canpita pochin nosororahuëꞌ. Aꞌna tahuëriso mini, chiníquën pënënanquëmaꞌ. Inapotopiranquëmahuëꞌ, co naniantëranquëmahuëꞌ. Yaꞌipi cancanëhuë quëran nosoromiatëranquëmaꞌ. Ca Sinioroco shaꞌhuitaranquëmaꞌ.

Marcos 11:25

Noya cancantatomaꞌ, Yosë nontocoꞌ. Aꞌna piyapi maꞌsona tërantaꞌ onpotohuachinquëmaꞌ, canpitarintaꞌ piꞌpian tërantaꞌ noꞌhuihuatamaꞌ, ina naniantocoꞌ. Yaꞌipi cancanëma quëran huarëꞌ nanan anoyatocoꞌ Tata Yosë oshanëmaꞌ inquichinquëmaꞌ. [

Lucas 15:20

Ina quëran paꞌpin yaꞌhuërinꞌpaꞌ paantarin. Yaꞌcaritëriahuasoꞌ, aquë quëran paꞌpini quënanin. Quënanahuaton, naꞌcon nosoroaton, taꞌaparin. Iporahuaton, apinorin.

Efesios 4:32

Yaꞌipi piyapi noya nontocoꞌ. Nosoroatomaꞌ, catahuacoꞌ. Maꞌsha onpotohuachinënquëmaꞌ, ama ina yonquicosohuëꞌ. Quisocristo imaramaꞌ niꞌton, Yosë oshanëmaꞌ inquitërinquëmaꞌ. Canpita marëꞌ chiminin niꞌton, nanan anoyatërinquëmaꞌ. Inapochachin canpitantaꞌ aꞌnapita maꞌsha onpotohuachinënquëmaꞌ, nanan anoyatatomaꞌ, noya nontocoꞌ.

Deuteronomio 13:6

Iporasoꞌ aꞌnaya aꞌnayanquëma shaꞌhuitaranquëmaꞌ. Tapona aꞌna tahuëri yanishacancantarinënquën. Iyaparinhuë nipon, huiꞌnanhuë nipon, saꞌan nosororansohuë nipon, nipayaransohuë nipon, yainapotarinquën. Ina marëꞌ poꞌoana quëran: ‘Huëquë paꞌa iso mamanshi chinotaꞌa. Inasoꞌ co nohuitërëhuëꞌ. Co tatanpoa tëranta nohuitërinhuëꞌ,’ itarinënquën.

Filemón 1:11

Iráca Onisimo paꞌanan asacatacaso marëꞌ. Huaꞌanëntopiranhuëꞌ, co noya catahuarinquënhuëꞌ. Taꞌananpirinquën. Iporaso nipirinhuëꞌ Quisocristo imaton, noya catahuarinco. Quëmantaꞌ noya catahuaarinquën huachi, tënahuë.

Filemón 1:13

Isëquë quëparitacasoꞌ nohuantopirahuëꞌ, aꞌpataranquën. Quisocristo nanamën aꞌchinahuëso marëꞌ tashinan pëiquë yaꞌhuarahuë. Quëmantaꞌ isëquë yaꞌhuaran naporini, catahuaitoncohuëꞌ, tënahuë. Onisimo quëma yaꞌhuërënamën pochin catahuarinco niꞌton, co yaaꞌpaporahuëꞌ, aꞌpataranquën.