Ezequiel 37:6 - Chayahuita (Shahui)

⁶ Pancarin ipatëroꞌsaꞌ, nosha, inapita acotaranquëmaꞌ. Shaꞌhuëtënta yaꞌhuëtarinquëmaꞌ. Inapotahuatënquëmaꞌ, niinëhuë quëtaranquëma nanpiantaramaꞌ. Inapotohuatënquëmaꞌ, ca Sinioroco ninahuëso anitotaranquëmaꞌ,” tënin,’ itëquëꞌ,” itërinco.

Ezequiel 37:6 ပူးပေါင်းရင်းမြစ်များ

Génesis 2:7

Naporoꞌ Sinioroso Yosë niꞌton, yaniroꞌpaꞌ amocan quëran quëmapi ninin. Nani nisahuaton, nanpicaso marëꞌ pihuinitërin. Inapotohuachina, niirahuaton nanpirin huachi.

Salmos 104:30

Ispiritonën aꞌpaimahuatana, nani maꞌsha acoantaran. Isoroꞌpaꞌ anashatatë pochin nitaantaran.

Éxodo 6:3

Shimashonënpita iráca co nininëhuë chachin nohuitopihuëꞌ: “Sinioro,” co itërinacohuëꞌ: “Yosë yaꞌipi nanitaparinsoꞌ,” itërinaco topinan.

Isaías 49:23

Copirnoroꞌsanta huiꞌninpita pochin nitarinquëmaꞌ. Inahua huiꞌninpita sanapi nipisopitantaꞌ, nocomatënquëma asoꞌsoarinquëmaꞌ. Inapitasoꞌ noya nicatënëmaꞌ, moshaponëmaꞌ. Isonpi quëran noꞌpaquë huarëꞌ monshorahuatonaꞌ, canpitasáchin natëinëmasoꞌ anitotarinënquëmaꞌ. Inapoatonaꞌ: ‘Tëhuënchachin Siniorosoꞌ chini chiníquën nanantërin. Naporahuaton inasáchin ninapisopitasoꞌ, co onporonta taparo nisapihuëꞌ,’ tëcaponaꞌ,” tënin.

Ezequiel 34:27

Nararoꞌsantaꞌ, notohuaroꞌ nitapon. Shaꞌpisopitanta huaꞌhuayátërahuë macaponaꞌ. Napoatona ohuicanëhuëpitasoꞌ, yaꞌhuëpiquë chachin co tëꞌhuarëꞌna yaꞌhuëaponahuëꞌ. Nisha nisha parti piyapinëhuëpita asacatacaiso marëꞌ quëpapirinahuëꞌ, cari nichaꞌësarahuë. Inapotohuato, ca Sinioroco ninahuësoꞌ nitotapona huachi.

Joel 3:17

Naporoꞌ canpitaso israiroꞌsanquëmaꞌ: ‘Tëhuënchachin Siniorosoꞌ, Yosënënpoaꞌ,’ tosaramaꞌ. Quirosarinso huayonahuë niꞌton, inaquë yaꞌhuëapo huachi. Naporoꞌ inaquësoꞌ, noyasáchin nicaponaꞌ. Co huachi nisharoꞌsari minsëaponhuëꞌ.