Ezequiel 37:4 - Chayahuita (Shahui)

^4-5 Napotohuatora, Sinioro itaantarinco: “Carinquën nanan quëtaranquën iso nansëroꞌsa nontaton: ‘Yaniransëroꞌsanquëmaꞌ. Sinioro naporinso natancoꞌ: “Ca nohuanton nanpiantamaso yaꞌhuëtarinquëma niꞌton, nanpiantaramaꞌ.

Ezequiel 37:4 ပူးပေါင်းရင်းမြစ်များ

Isaías 42:18

Israiroꞌsa pënënaton Siniorori napotërin: “Canpitaso nëꞌhuëya pochinquëma nipomarahuëꞌ, natancoꞌ. Canpitaso somaraya pochinquëma nipomarahuëꞌ, noya niꞌcoꞌ.

Ezequiel 36:1

(-) (Aꞌna tahuëri Sinioro nontatonco: “Israiroꞌsa yaꞌhuëpiquë chachin yaꞌhuëaponaꞌ, co noyahuëꞌ nipi. Inapoatona noꞌpaꞌ quëtërahuëso tapipi. Napopiso marëꞌ noꞌhuirahuë. Anaꞌintato nisha nisha noꞌparoꞌsaquë aꞌparahuë. Napoaponahuëꞌ, insëquësona paꞌpiquë piyapiꞌsa naponin yonquirapirinaco: ‘Isopitaso Sinioro piyapinënpita nipirinahuëꞌ, yaꞌhuëpiso noꞌpa quëran ocoipi,’ topi. Napoatona piyapiꞌsa co noyahuëꞌ yonquirapirinaco niꞌton, sëtërahuë,” itërinco.)

Ezequiel 37:11

Naporoꞌ Sinioro nontaantatonco: “Israiroꞌsasoꞌ, nansëroꞌsa niꞌnanso pochin nipi. Ninontohuachinara: ‘Nansëquënpoasoꞌ, noyá yanirinso pochin niconin. Co huachi maꞌmarë tëranta paꞌtërëhuahuëꞌ. Co huachi nimiriohuanhuë pochin niconëhuaꞌ,’ niitopi.

Ezequiel 37:12

Inapitaso napopirinahuëꞌ, quëmari pënënaton: ‘Sinioro napotërinquëmaꞌ: “Canpitaso piyapinëhuëpitanquëma nipiramahuëꞌ, chimipiroꞌsa paꞌpitopiquë acoatë pochin nitëranquëmaꞌ. Cari chachin paꞌpitërinënquëma quëran ocoiatë pochin nitaranquëmaꞌ. Áquë quëpirinënquëmahuëꞌ, Israiro noꞌpaquë chachin quëpanantaponquëmaꞌ.

Ezequiel 37:9

Naporoꞌ Siniorosoꞌ nontaantatonco: “Carinquën nanan quëtaranquën niꞌton, niinëhuë përáquëꞌ: ‘Catapini parti quëran chachin huëꞌsahuaton isopita chimipiroꞌsa ananpiquëꞌ,’ itëquëꞌ,” itaantarinco.

Miqueas 6:2

Motopiroꞌsaꞌ yaꞌhuërë nontaton, itapon: “Motopiroꞌsaꞌ, canpitaso simintori pëi achinirinso pochin isoroꞌpaꞌ achiniramaꞌ. Piyapi pochin nicatomaꞌ, piyapinëhuëpita shaꞌhuirapiarahuësoꞌ, natancoꞌ. Israiroꞌsaso piyapinëhuëpita nipirinahuëꞌ, shaꞌhuirapiarahuë,” itërin. Ina quëran itaantarinpoaꞌ: “Israiroꞌsanquëmaꞌ. ¿Maꞌta carima onpotatënquëma apiranquëmaꞌ? Shaꞌhuitoco nitochi.

Mateo 21:21

—Tëhuënchachin Yosë yaꞌipi nanitaparin. Ina nontohuatamaꞌ, yaꞌipi cancanëma quëran natëcoꞌ. “Co Yosë catahuarincohuëꞌ,” ama tocosohuëꞌ. Yaꞌipi cancanëma quëran ina natëhuatamaꞌ, sacaiꞌ nininsoꞌ nanitaparamaꞌ canpitantaꞌ. “Yosë nohuanton, iso motopi nichiꞌhuincarahuaton marëquë niichin” tënamaꞌ naporini, ina nohuanton, inapoꞌitonhuëꞌ.

Juan 2:5

Napotopirinhuëꞌ, inpriatoroꞌsaꞌ quënanconahuaton, aꞌshini itapon: —Maꞌsona Quisoso shaꞌhuitohuachinquëmaꞌ, natëcoꞌ, itërin.

Juan 5:25

Casoꞌ Yosë huiꞌninco. Iporaso huachi aꞌnaquën chimipi pochin nipisopita natanarinaco. Inapita noya natanpachinaco, Yosë anohuitarahuë. Ina nohuitohuachinaꞌ, nanpimiatapi.

Apocalipsis 10:11

Ina quëran shaꞌhuitërinaco: —Naꞌa piyapiꞌsaꞌ pënëantaquëꞌ. Aꞌna tahuëri maꞌsona onpocaisoꞌ Yosë anitotarinquën. Nisha nisha piyapiꞌsaꞌ, nisha nisha nananquë nonpisopita, copirnoroꞌsaꞌ, inapita maꞌsona onpocaisoꞌ Yosë ninoton, anitotarinquën ninshitamaso marëꞌ, itërinaco.