Ezequiel 37:3 - Chayahuita (Shahui)

³ Naporoꞌ Sinioro itaponco: “¿Isopita nansëroꞌsa noya ipora nanpiantaꞌitonahuëꞌ ti?” itërinco. “Quëmasáchin Sinioro inasoꞌ nitotëran,” itërahuë carintaꞌ.

Ezequiel 37:3 ပူးပေါင်းရင်းမြစ်များ

Ezequiel 37:2

Sinioro nohuanton yaꞌipi ina motopiana itohuaran itohuaran paꞌtërahuë. Yaꞌipi ina nani chachin huaꞌhuayátërahuë nansëꞌ, noyá yanítoninso nírarahuë.

Juan 5:21

Tatahuë chimipi ananpitaantarin. Inapochachin cantaꞌ insosona nohuantërahuësoꞌ ananpitaantarahuë.

Hechos 26:8

Aꞌna tahuëri Yosë ananpitaantarinpoaꞌ, tënai. ¿Onpoatomataꞌ canpitasoꞌ co ina yanatëramahuë? tënahuë.

Romanos 4:17

Iráca Yosëri Apraan itërin: “Ca nohuanto, notohuaroꞌ shiparinpita yaꞌhuëtarinquën. Naꞌa nisha nisha piyapiꞌsantaꞌ quëma pochachin cancantapi,” tënin Yosë. Quiricanënquë naporin. “Yosë noꞌtëquën nontërinco. Yaꞌipiya nanitaparin. Chiminpisopitantaꞌ nanitërin ananpitacasoꞌ. Co maꞌsha yaꞌhuëpirinhuëꞌ, nani yaꞌhuërinso pochin shaꞌhuichanin,” taꞌton, Apraan natëtërin.

1 Corintios 15:35

Aꞌnaquëmaꞌ yanitotëramaꞌ. “Chiminpatëhuaꞌ, ¿onporahuatëhuataꞌ nanpiantarihuaꞌ? ¿Onpopintaꞌ nonënpoaꞌ yaꞌhuëtaponpoasoꞌ?” tënamaꞌ.

Deuteronomio 32:29

Yonquinahuanoꞌsa nipi naporini, shaꞌhuitërahuësoꞌ yonquiꞌitonahuëꞌ. Natëtopi naporini, co maꞌsha onpoꞌitonahuëꞌ, tënahuë.

Deuteronomio 32:39

Casáchin Yosëco. Mamanshiroꞌsasoꞌ, co ca pochin nipihuëꞌ. Ca nohuanto piyapiꞌsa nanpirapi, ca nohuanto chiminapi. Ca nohuanto piyapiꞌsa maꞌsha onpopi. Ca nohuanto chachin noyataantapi. Anaꞌintaꞌhuaso chinotohuato, co insonta chaꞌëtarincohuëꞌ. Chini chiníquënco niꞌto, anaꞌintarahuë.

Hebreos 11:19

“Yosë co nonpintërincohuëꞌ. Ananpitaantacasontaꞌ nanitërin,” taꞌton, Apraan natëtërin. Paaton, Isaco yatëparahuachina, Yosëri itaantarin: “Tananpitëquëꞌ. Ama tëpaquësohuëꞌ,” itërin. Napoaton huiꞌnin chiminin quëran, nanpiantarinso pochin niꞌnin.

1 Samuel 2:6

Sinioro nohuanton chiminarëhuaꞌ. Ina nohuanton chachin huaꞌhuatërëhuaꞌ. Ina topachina chimipiroꞌsa yaꞌhuërinquë paꞌmarihuaꞌ. Ina taantahuachinasoꞌ, inatohua quëran huënantarihuaꞌ.