Ezequiel 37:24 - Chayahuita (Shahui)

²⁴ Piyapinëhuë Tapi itërahuësoari copirnonëna nisarin. Naporahuaton inaíchin ohuicaroꞌsa huaꞌanën pochin nicaton, piyapinëhuëpita aꞌpairarin. Naporo huarëꞌ pënëntërahuësopita, shaꞌhuitërahuësopita, inapita natëponaꞌ.

Ezequiel 37:24 ပူးပေါင်းရင်းမြစ်များ

Salmos 80:1

Quëmasoꞌ Sinioro, ohuica huaꞌanën pochin ninan. Israiroꞌsacoisoꞌ, ohuicanënpita pochin ninai. Cosi shinpita noya aꞌpaiquëꞌ. Quiropinoꞌsa anquipisoanaquë quëmasoꞌ yaꞌhuëran. Noya nicaton Iprain, Mincamin, Manasisi, inapita huëntonoꞌsa catahuaquëꞌ. Chiníquën nanantaton nichaꞌëcoi.

Isaías 32:1

Natanco aꞌna shaꞌhuitaantaꞌinquëmaꞌ: Aꞌnaraꞌ copirno yaꞌconaton, noyasáchin huaꞌanëntapon. Naporoꞌ huaꞌanoꞌsantaꞌ, noyasáchin nicatona huaꞌanëntaponaꞌ.

Isaías 40:11

Huaꞌanëni ohuicanënpita aꞌpairin. Carniroaꞌhuaroꞌsaꞌ, iporahuaton quëparin. Nasha huaipisopita oshaquëran quëpaton aꞌcarin. Ina naporinso pochin canpoantaꞌ, Sinioro noya aꞌpaiarinpoaꞌ,” itocoꞌ.

Jeremías 23:5

Ina quëran Sinioro taantarin: “Ca nohuanton aꞌna tahuëri Tapi shiin yaꞌhuëapon. Ina huaꞌanëntohuachin, yonquínahuan copirno nisarin. Noyasáchin nicaton, noya coisë pochin nicapon.

Jeremías 31:33

Naporo tahuëriꞌsa israiroꞌsarëꞌco anoyatohuato, iso pochin nisarahuë: Aꞌchintërahuësopita yonquinëna quëran anitotarahuë. Ina nitotohuachinaꞌ, noꞌtëquën natëtacaisoꞌ catahuararahuë. Casáchin chinotarinaco. Inapitanta piyapinëhuëpita nisapi.

Ezequiel 36:27

Ispiritonëhuë chachin ayaꞌcoancantaranquëma niꞌton, pënëntërahuësopita natëaramaꞌ. Nanamëhuënta natëaramaꞌ.

Ezequiel 37:22

Inaquë nipachinaꞌ, aꞌna nacioínchin nicapona huachi. Israiro motopiroꞌsaquë yaꞌhuëaponaꞌ. Aꞌnaíchin copirno yaꞌhuëtaponaꞌ. Co huachi cato nacion nisapihuëꞌ. Co huachi cato copirno yaꞌhuëtaponahuëꞌ.

Ezequiel 37:25

Piyapinëhuë iráca Cacopo itërahuësoꞌ, noꞌpaꞌ quëtërahuëquë yaꞌhuëaponaꞌ. Inaquë chachin shimashonënpitanta yaꞌhuëpi. Inaquë chachin canpitantaꞌ, yaꞌhuëapomaꞌ. Huiꞌnamaꞌ, shiparimaꞌ, inapitanta inaquë chachin yaꞌhuaponaꞌ. Co onporonta pipiaramahuëꞌ. Piyapinëhuë Tapi itërahuësoari huaꞌanëma nisarin. Co aꞌnari yaꞌhuërëtaponhuëꞌ.

Oseas 3:5

Ina piquëran israiroꞌsasoꞌ, Yosë chachin tahuërëtaantaponaꞌ. Naporahuaton aꞌnara Tapi copirno shiin, copirnonëna nisarin. Tahuëri yanitiquirahuachin, Sinioro noya nicatonaꞌ, chinotapi. Inapotohuachina inarintaꞌ, noya nicaton catahuaantapon.

Miqueas 5:2

Naquëranchin Sinioro taantarin: “Pirin ninanosoꞌ, Iporata itopi antaꞌ. Inasoꞌ ninanoꞌ, aꞌnapita ninanoroꞌsa Cota huëntonquë yaꞌhuërin quëran nani naniaꞌhuaya. Ina niponahuëꞌ, yaꞌipi israiroꞌsa huaꞌanëntacaso marëꞌ inaquë aꞌnara copirno nasitapon. Ina shimashonënpitasoꞌ, iráca quëran huarëꞌ yaꞌhuëpi,” tënin.

Miqueas 5:4

Ina copirno huaꞌanëntohuachinpoasoꞌ, ohuicaroꞌsa huaꞌanëni aꞌpaiaton noya quëparinso pochin nitarinpoaꞌ. Sinioroso Yosënën niꞌton, inari chiníquën nanan quëtapon. Naporahuaton noya noya huaꞌanëntacaso catahuapon. Naporoꞌ israiroꞌsanpoasoꞌ, sano cancantarihua huachi. Sinioronta yaꞌipi isoroꞌpaquë yaꞌhuëpisopitari tëꞌhuatatona natëpona niꞌton, napoarihuaꞌ.

Lucas 1:32

Mashotohuachin, chiníquën nanantarin. Inasoꞌ Yosë huiꞌnin. Yosë nohuanton, copirno yaꞌconarin. Iráca Tata masho Tapi israiroꞌsaꞌ noya huaꞌanëntopirinhuëꞌ. Ina quëran chiminin. Iporaso nipirinhuëꞌ huaꞌhuani huaꞌanëntomiatarin. Co onporontaꞌ pipirarinhuëꞌ, itërin anquëniri.

Juan 10:11

Casoꞌ ohuica huaꞌanën pochin ninahuë. Imarinacosopita noya aꞌpairahuë. Huaꞌanën noya nipachina, ohuicanënpita aꞌpaiton, co chiminacasoꞌ tëꞌhuatërinhuëꞌ. Inapochachin cantaꞌ imarinacosopita marëꞌ chiminarahuë.

1 Corintios 11:2

Ma noyanquëmaꞌ iyaroꞌsaꞌ niꞌton, naꞌcon yonquiramaco. Yosë nanamën aꞌchintohuatënquëmara, noya natëramaco.

Efesios 2:10

Yosë anoyacancantërinpoaꞌ. Anoyacancantahuatonpoaꞌ, acorinpoaꞌ nóya nicacaso marëꞌ. Quisocristo catahuahuachinpoaꞌ, noya nisarëhuaꞌ. Iráca quëran huarëꞌ yonquirinpoaꞌ ina pochin nicacasoꞌ. Ina marëꞌ nichaꞌërinpoaꞌ.

Deuteronomio 30:6

Naporoso canpoarëꞌ anoyatërinso cancanëmaquë chachin ninshitërëso pochin, acoarin. Inapotatënquëma natëtochináchin cancantamaso marëꞌ catahuarinquëmaꞌ. Yaꞌipi cancanëma quëran nisahuaton, yaꞌipi huaꞌyanëma quëran nosoroamaso marëꞌ inapotarinquëmaꞌ. Inapohuatamaꞌ, noꞌpaꞌ quëtërinquëmaquë, huaꞌqui tahuëri niꞌsaramaꞌ.

Deuteronomio 6:1

Naquëranchin Moisësëri israiroꞌsa nontaton itapon: “Yosë camairinco niꞌton, pënëntërinsopita, camaitërinsopita, inapita natëcamaso marëꞌ apira shaꞌhuitaantaranquëmaꞌ. Yosë noꞌpaꞌ quëtarinquëmaquë yaꞌhuëhuatamaꞌ, inapita noꞌtëquën natëcoꞌ.

Hebreos 13:20

Yosë catahuainquëmaꞌ noya ninicatomaꞌ yaꞌhuëcamasoꞌ. Inasáchin asanocancaninpoaꞌ. Inari chachin iráca Quisocristo ananpitaantarin. Iporasoꞌ ohuicanënpita pochin nicatonpoaꞌ, Sinioro Quisoso aꞌpairinpoaꞌ. Huënainën paꞌnin niꞌton, nasha quëran anoyatërinso shaꞌhuitërinpoaꞌ imacaso marëꞌ. Ina anoyatërinsosoꞌ yaꞌhuëmiatarin. Co onporontaꞌ nishataponhuëꞌ.

1 Pedro 5:4

Quisocristo imarëhuaꞌ niꞌton, yaꞌipinpoaꞌ huaꞌanëntërinpoaꞌ. Aꞌna tahuëri oꞌmantararin. Noya ansianoꞌsaꞌ nipatamaꞌ, naporoꞌ noya canaaramaꞌ. Isoroꞌpaquë canatohuachinara, yancotëꞌ huëron quëran nipisoꞌ quëtopirinahuëꞌ, inasoꞌ aꞌnaroáchin ahuirin. Inapaquëso nipirinhuëꞌ canahuatamaꞌ, yaꞌhuëtomiatarinquëmaꞌ. Noya noya yaꞌhuëcontaramaꞌ.

1 Juan 2:6

“Yosë imarahuë,” topatëhuaꞌ, Quisocristo pochachin cancantacasoꞌ yaꞌhuërin.