Ezequiel 37:11 - Chayahuita (Shahui)

¹¹ Naporoꞌ Sinioro nontaantatonco: “Israiroꞌsasoꞌ, nansëroꞌsa niꞌnanso pochin nipi. Ninontohuachinara: ‘Nansëquënpoasoꞌ, noyá yanirinso pochin niconin. Co huachi maꞌmarë tëranta paꞌtërëhuahuëꞌ. Co huachi nimiriohuanhuë pochin niconëhuaꞌ,’ niitopi.

Ezequiel 37:11 ပူးပေါင်းရင်းမြစ်များ

Isaías 40:27

Israiroꞌsanquëmaꞌ, canpitaso Cacopo shinpitanquëmaꞌ. Canpitaso naporamaꞌ: “¡Sinioroso co huachi tahuërëtërinpoahuëꞌ! Parisitápirëhuahuëꞌ co nonininpoahuëꞌ,” tënamaꞌ. ¡Co ina pochin yonquicamaso yaꞌhuërinhuëꞌ!

Isaías 49:14

Quirosarin yonquiaton Yosë naporin: “Canpitaso Quirosarinquë yaꞌhuëramasopita naporamaꞌ: ‘Sinioro aꞌporincoi. Yosënëhuëi nipirinhuëꞌ, naniantërincoi huachi,’ tënamaꞌ. Napopiramahuëꞌ, sanapiso co onporonta huaꞌhuin nanaiantërinhuëꞌ. ¡Co onporonta nosororinso tananpitërinhuëꞌ! Inaso huaꞌhuin naniantopirinhuë tërantaꞌ, carimaso co onporonta naniantaranquëmahuëꞌ.

Jeremías 2:25

Canpitasoꞌ, mamanshiroꞌsa paꞌyatonëmaquë patë patë́rantaramaꞌ. Inapoatoma sapatë toꞌquiramaꞌ, yaniconopiraramaꞌ, naporamaꞌ. Ama inapocamaso marëhuëꞌ pënënpiranquëmahuëꞌ: ‘Co naporinhuëꞌ, nisharoꞌsa nosoroato, inapita imasarahuë,’ toconamaꞌ.

Jeremías 31:1

Ina quëran taantarin: “Ina tahuëri nanihuachin, casáchin yaꞌipi Israiro huëntonoꞌsa chinotarinaco. Inapitanta piyapinëhuëpita nisapi,” tënin.

Ezequiel 33:10

Naquëranchin Sinioro nontatonco: “Quëmasoꞌ piyapinquën nipiranhuëꞌ, nanan quëtaranquën israiroꞌsa pënënacaso marëꞌ. Napotëquëꞌ: ‘Canpitaso nonpatamara naporamaꞌ: “Quiyasoꞌ oshahuanatoi panca tëhuërai. Inapoatoi panca pëꞌpëtëraiso pochin nisarai. Napoaton nanpichinapoi chachin chanatërëso pochin nisarai. ¿Onporahuatoicha noya nicatoi yaꞌhuëꞌi nicaya?” tënamaꞌ.

Ezequiel 37:16

“Aꞌnara nara masahuaton: ‘Iso Cota huëntonquën,’ taꞌcaso ninshitëquëꞌ. Aꞌna naraquënta ninshitaton: ‘Isosoꞌ, Israiro huëntonquën,’ itëquëꞌ.

Ezequiel 37:19

Napotohuachinën: ‘Iso pochin Sinioro anitotërinquëmaꞌ: “Israiro huëntonso Cota huëntonëꞌ, cato huënton yaꞌhuëpirinahuëꞌ, ca nohuanton aꞌna huëntoínchin yaꞌhuëapona huachi” itërinquëmaꞌ,’ itëquëꞌ.

Oseas 1:11

Naporo tahuëriꞌsa Cota huënton israiroꞌsasoꞌ, aꞌnapita israiroꞌsarë aꞌnaíchin huaꞌanëna yaꞌhuëtaponaꞌ. Naquëranchin yaꞌhuëpiquë chachin yaꞌhuëantaponaꞌ. Naporahuaton notohuaroꞌ naꞌamiataponaꞌ. Piyapinëhuëpita yaꞌhuëpiquë chachin acoantapo. Piyapi iminënquë sharoꞌsa shaꞌninso pochin nitapo. Quisiriro motopiana cari anoyataantahuato, ¡ina tahuëri paꞌpi noya nisarin!

Romanos 11:26

Aꞌna tahuëriso nipirinhuëꞌ yaꞌipi israiroꞌsantaꞌ chaꞌësapi huachi. Yosë quiricanënquë ninorinso pochachin imaantapi. Iráca ninshitaton, naporin: “Aꞌna tahuëri aꞌnaraꞌ Israiro quëmapi Quirosarin quëran oꞌmararin piyapi nichaꞌëcaso marëꞌ. Cacopo shinpita co noyahuëꞌ yonquipisoꞌ ananiantarin.

2 Corintios 5:14

“Quisocristo naꞌcon nosororinpoaꞌ,” taꞌtoi, nanamën aꞌchinárai. Canpoa marëꞌ inasoꞌ chiminin. Ina imapatëhuaꞌ, canpoantaꞌ chiminëhuaso pochin niꞌninpoaꞌ.

Efesios 2:1

Iráca canpitasoꞌ co noyahuëꞌ nicatomaꞌ, oshahuanamaꞌ. Co Yosë nohuitatomahuëꞌ, chimipi pochin cancantëramaꞌ.