Ezequiel 34:8 - Chayahuita (Shahui)

⁸ Ca Sinioroco niꞌton, noꞌtëquën shaꞌhuitaranquëmaꞌ. Ohuicanëhuëpita co huaꞌanëhuanhuëꞌ nipiso marëꞌ nisha nisha niꞌniroꞌsari pëꞌyapi. Huaꞌanënpita yaꞌhuëtaponaraihuëꞌ, co inahuari aꞌpaipihuëꞌ. Inahuasoꞌ, inahuarasaꞌ niaꞌpayatë pochin niconpi.

Ezequiel 34:8 ပူးပေါင်းရင်းမြစ်များ

Ezequiel 34:7

Napoaton canpita huaꞌanoꞌsanquëma nontaranquëmasoꞌ, natancoꞌ.

Ezequiel 34:9

Huaꞌanoꞌsanquëmaꞌ. Carima canpitasoꞌ, piyapinëhuëpita aꞌpaiamaso marëꞌ acoranquëmaꞌ. Ina marëꞌ acopiranquëmahuëꞌ, co piyapinëhuëpita aꞌpairamahuë niꞌton, natanco shaꞌhuichinquëmaꞌ: Caso Sinioronëmaco nipirahuëꞌ, inimiconëhuëpita pochin niꞌnanquëmaꞌ. Naꞌa ohuicanëhuëpita aꞌpaicamaso marëꞌ acoranquëmaꞌ. Acopiranquëmahuëꞌ, ayatëramaco niꞌton, canpita pahuërëamacoso yaꞌhuërin. Inapita aꞌpaicaso marëꞌ acopiranquëmahuëꞌ, ama canpitaorasaꞌ niaꞌpairápamaso marëhuëꞌ, ocoiranquëmaꞌ. Ocoiatënquëma ohuicanëhuëpita, osërëtaranquëmaꞌ. Ama capatoma pëꞌyarápamaso marëhuëꞌ napotaranquëmaꞌ,’ itëquëꞌ,” itërinco.

Hechos 20:29

Nani paꞌpato, co noyahuëꞌ quëmapiꞌsaꞌ huëꞌsapi. Canoniri maꞌsha maninso pochachin yaocoiarinënquëmaꞌ. Paꞌsápatonaꞌ, anishacancantapi. Co nosoroarinënquëmahuëꞌ. Ina nani nitotërahuë.

Hechos 20:33

Aꞌchintohuatënquëmara, co aquëtëꞌ coriqui yonquirahuëꞌ. Aꞌna piyapi coriquinën co nohuantaparahuëꞌ. Co aꞌmopiso tërantaꞌ noyapatërahuëꞌ.

1 Corintios 9:15

Ina nipirinhuëꞌ, co mantaꞌ maꞌparanquëmahuëꞌ. Co ina marëꞌ ninshitëranquëmahuëꞌ. Co mantaꞌ nohuantërahuëꞌ. Caora sacatato, aꞌchinarahuë. Ina marëꞌ noya cancantërahuë. Aꞌchintëranquëmaso marëꞌ pahuërëamacosoꞌ yaꞌhuërin naporini, chiminaꞌhuasoꞌ noya noya niitonhuëꞌ. Topinan nohuantato, aꞌchintaranquëmaꞌ, tënahuë.

2 Pedro 2:13

Piyapiꞌsaꞌ anishacancantopi niꞌton, aꞌna tahuëri inahuantaꞌ parisitapi. Isoroꞌparáchin yonquiatonaꞌ, capa cancantacaisoáchin yonquipi. Aꞌmorëso mancharinso pochin nicatonaꞌ, nitapicancanpi. Imaramasopita niyontonpatamara, “Quiyantaꞌ imarai,” taꞌtonaꞌ, yaꞌconpi. Nonpintatënënquëmaꞌ, ichicoshatapirinënquëmahuëꞌ, inahuasoꞌ co noyahuëꞌ nicatona taparoꞌ nipi.

Judas 1:12

Quisoso imaramasopita coshatacaso marëꞌ niyontonpatamara, nisha aꞌchinaꞌpiroꞌsantaꞌ huëꞌpi. Naporoꞌ Yosë yonquicaso nipirinhuëꞌ, naꞌcon oꞌotonaꞌ, capa cancantopi. Co Yosë tëꞌhuatatonaraihuëꞌ, napopi. Aꞌnapita catahuacasoꞌ yaꞌhuëpirinhuëꞌ, co nosoropihuëꞌ. Inahuara noya yaꞌhuëcasoráchin yonquipi. Niꞌcoꞌ iyaroꞌsaꞌ. Huaꞌquiꞌ co oꞌnanpachinahuëꞌ, noꞌpaꞌ yaniromarin. Ina pochin nipachina, yararoꞌtëꞌ quënanpatamara, paꞌyatëramaꞌ. “Oꞌnan huëꞌsarin,” topiramahuëꞌ, co oꞌnaninhuëꞌ. Ihuanaꞌ paꞌnin. Inapochachin inapitasoꞌ pënënpirinënquëmahuëꞌ, nonpin nanan aꞌchintatënënquëmaꞌ co catahuarinënquëmahuëꞌ. Nara nitërinsontaꞌ yonquicoꞌ. Piꞌipi tahuëri nanihuachina, nitacasoꞌ yaꞌhuërin. Co nitohuachinahuëꞌ, “Nani chiminin huachi,” taꞌton, huaꞌanëni nishitëtërin. Itënë chachin ocoirin niꞌton, noyá chiminin huachi. Inapochachin nonpin nanan aꞌchinaꞌpiroꞌsaꞌ ina nara pochin niconpi. Quisocristo nanamën nitotaponaraihuëꞌ, chimipi pochin nicatonaꞌ, aꞌpopi. Ina marëꞌ chiníquën anaꞌintacasoꞌ yaꞌhuërin huachi.