Ezequiel 34:4 - Chayahuita (Shahui)

⁴ Sanpatopisopita co catahuaramahuëꞌ. Caniaꞌpi nipisopita co nonënamahuëꞌ. Paꞌhuëna yaꞌpanpisopitantaꞌ, co nonëntatoma tonpotëramahuëꞌ. Chihuëpisopita co yonitoma quënantaramahuëꞌ. Ayapisopitantaꞌ, co yoniramahuëꞌ. Co nosoroatomarahuëꞌ, ahuëanaquëranchin aꞌpairamaꞌ.

Ezequiel 34:4 ပူးပေါင်းရင်းမြစ်များ

Isaías 1:5

Canpitaso co natantochináchinhuëꞌ cancantëramasoꞌ, co yaaꞌporamahuëꞌ. Ina marëꞌ noꞌhuitënquëma anaꞌintëranquëmaꞌ. Co máquëma tëranta noyatërinso yaꞌhuërinhuëꞌ. Motëma quëran nantëranëmaquë huarëꞌ, piꞌniosáchin pochin, pomato pomato toconinso pochin, taꞌtaráchin niconinso pochin, niconamaꞌ. Naporamasoꞌ, co inso tëranta nonëninquëmahuëꞌ. Co tomaquë tëranta pashitatënënquëma asanorinënquëmahuëꞌ. Inapoatoma co huachi manta chiniramahuëꞌ.

Mateo 10:6

Israiroꞌsaꞌ aꞌchintoncoꞌ. Inapitasoꞌ, ohuicaroꞌsaꞌ chihuëpiso pochin niꞌtonaꞌ, co Yosë yonquipihuëꞌ. Napoaton pënënacasoꞌ yaꞌhuërin.

Mateo 21:35

Aꞌpapirinhuëꞌ, inpriatonënpitari masahuatonaꞌ, ahuëpi. Aꞌnasoꞌ tëpapi. Aꞌnantaꞌ naꞌpiquë tëꞌyaratonaꞌ, tëpapi.

Mateo 24:49

piyapinënpita ahuëapon. Pita nicacasoáchin cancantapon. Noꞌpirápon.

Mateo 9:36

Paaton, notohuaroꞌ piyapiꞌsaꞌ quënanin. Co Yosë yonquiatonahuëꞌ, co napion cancantopi. Ohuicaroꞌsa pochin inahuasoꞌ, co incari tërantaꞌ aꞌpairinhuëꞌ. “¿Incha catahuaincoi paya?” taꞌtonaꞌ, nisha nisha yonquipi. Napoaton Quisosori nosororin.

2 Corintios 1:24

Co quiyasoꞌ huaꞌan pochin chiníquën pënëntëraihuëꞌ. Sanoanan quëran pënënainquëmaꞌ. Yosë nanamën noya natëramaꞌ. Yacatahuarainquëmaꞌ noya cancantacamaso marëꞌ.

Hebreos 12:12

Napoaton iyaroꞌsaꞌ, chiníquën cancantahuaꞌ. Ama amiatëhuarahuëꞌ, chiníquën Yosë imahuaꞌ. Niꞌcoꞌ. Aquë paꞌpatëra, canotërëꞌ, sacaiꞌ iratërëꞌ. Aꞌnaquëmaꞌ ina pochin cancantatomaꞌ, co huachi yaꞌipi cancanëma quëran Yosë imaramahuëꞌ. Ama huachi canotërëso pochin cancantocosohuëꞌ.