Ezequiel 34:12 - Chayahuita (Shahui)

¹² Noya huaꞌanënsoꞌ, ohuicanënpita yanquëëhuachina, co napion cancantërin. Inapochachin cantaꞌ, piyapinëhuëpita nichaꞌëantaꞌhuaso marëꞌ co napion cancantarahuëꞌ. Inapitasoꞌ paꞌpi tashirotaton huiraitërinso tahuëri itohua itohua yanquëëpi.

Ezequiel 34:12 ပူးပေါင်းရင်းမြစ်များ

Isaías 40:11

Huaꞌanëni ohuicanënpita aꞌpairin. Carniroaꞌhuaroꞌsaꞌ, iporahuaton quëparin. Nasha huaipisopita oshaquëran quëpaton aꞌcarin. Ina naporinso pochin canpoantaꞌ, Sinioro noya aꞌpaiarinpoaꞌ,” itocoꞌ.

Isaías 50:10

(-)

Jeremías 23:3

Huaꞌqui quëran napoaponahuëꞌ, piyapinëhuëpita ayontoantarahuë. Nisha nisha parti aꞌparahuë quëran huënantaponaꞌ. Ohuicaroꞌsa pastonënquë chachin quënantahuatëra, naꞌantarinso pochin inapitanta nitarahuë.

Jeremías 31:10

Naquëranchin Sinioro taantarin: “Nisha nisha nacionquë yaꞌhuëramasopitantaꞌ, natanco Sinioro nontarinquëmaꞌ: Ina quëran marë soꞌtonoꞌsaquë áquë yaꞌhuëpirinahuëꞌ, shaꞌhuitoncoꞌ: ‘Sinioro nohuanton israiroꞌsa yanquëëpi. Inapotopirinhuëꞌ, ayontoantarahuaton noya aꞌpaiantapon. Aꞌpairinsoari ohuicaroꞌsa noya aꞌpairinso pochin noya aꞌpaiantapon,’ itoncoꞌ.

Jeremías 31:8

Naquëranchin Sinioro taantapon: “Ca nohuanton piyapinëhuëpita norti parti quëran huëantaponaꞌ. Isoroꞌpaꞌ nanirinquë huarëꞌ aꞌnaquën quëpapirinahuëꞌ, yaꞌhuëpiquë chachin ayontoantarahuë. Somarayaroꞌsaꞌ, sonpacharoꞌsaꞌ, cayoronoꞌsaꞌ, huaishironoꞌsaꞌ, inapita huëꞌsapi. Huaꞌhuayátërahuë piyapiꞌsa huëꞌsapi.

Zacarías 9:16

Maton maꞌsharoꞌsari ohuica huëntonën yamapachina, huaꞌanëni paꞌpoyarinso pochin ina tahuëri nanihuachin, Sinioronta piyapinënpita nichaꞌësarin. Ina quëran yaꞌhuëpiquë chachin yaꞌhuëantahuachinaꞌ, noya noya yaꞌhuëantaponaꞌ. Yancotë paꞌton naꞌpiraꞌhuaroꞌsa acotohuachinara, huënáporinso pochin noya noya yaꞌnoponaꞌ.

Lucas 15:8

Ina quëran iso pënënto nanan shaꞌhuitantarin: “Aꞌna sanapi shonca coriqui prata quëran nininsoꞌ yaꞌhuëtopirinhuëꞌ, aꞌnaraꞌ ayatërin. Nanparin iꞌchinpitahuaton, noyá huitëtërin. Quënanaquë huarëꞌ yonisárin.

Lucas 19:10

Naꞌa piyapiꞌsaꞌ co Yosë natëtonahuëꞌ, chihuëpi pochin nipi. Inapita yonicaꞌhuaso marëꞌ oꞌmarahuë. Cancanënaꞌ anoyacancantaꞌhuaso marëꞌ oꞌmarahuë, tënin Quisoso.

Juan 10:16

Aꞌnapita piyapiꞌsantaꞌ oshaquëran imasarinaco. Nisha piyapiroꞌsaꞌ niponaraihuëꞌ, yaimarinaco. Inapitantaꞌ nohuantërahuë imainacoso marëꞌ. Aꞌchintacasoꞌ yaꞌhuërin. Nanamëhuë natanpachinaꞌ, natëarinaco. Yaꞌipi imarinacosopita aꞌna huëntoínchin nisapi. Carisachin huaꞌanëntarahuë.