Ezequiel 33:6 - Chayahuita (Shahui)

⁶ Aꞌpaitonaꞌpisoꞌ, inimicoroꞌsa huëꞌsarinso nicaponahuëꞌ, co pomon pihuirinhuëꞌ. Inapitaso canquirahuatona inso tëranta tëpahuachinaꞌ, inasoꞌ, inaora oshanën marëꞌ chiminapon. Napoaponahuëꞌ ina chimininso marëꞌ, aꞌpaitonaꞌpintaꞌ anaꞌintaꞌhuaso yaꞌhuërin.

Ezequiel 33:6 ပူးပေါင်းရင်းမြစ်များ

Génesis 42:22

Napohuachinara, Nopinori itapon: —Coꞌta carimaꞌ: ¡Ama napotocosohuëꞌ! itopiranquëmahuëꞌ, co natëramacohuëꞌ. Napoaton iporasoꞌ canpoantaꞌ, tëpatonaꞌpi iꞌhuërëtopiso pochin nitarinënpoaꞌ, itërin.

Génesis 9:5

Canpita capinisoꞌ, co nitëpamaso yaꞌhuërinhuëꞌ. Tëpatohuatamaꞌ, anaꞌintaꞌhuanquëmaso yaꞌhuërin. Maꞌsharoꞌsarinta piyapi tëpahuachin, anaꞌintarahuë. Tëpatohuatamaꞌ, aꞌnaya aꞌnayanquëma tëhuënchachin anaꞌintaranquëmaꞌ.

Jeremías 14:15

Nonpinatona pënëninënquëmasopitasoꞌ, ‘co quira yaꞌhuëaponhuëꞌ. Co tanaro yaꞌhuëaponhuëꞌ,’ toconpi. Napopirinahuëꞌ, inahuanta quira quëran, tanaro quëran, inaquëranpita chiminaponaꞌ.

Ezequiel 18:20

Insosona oshahuaninsoꞌ, inaora chachin chiminacaso yaꞌhuërin. Co paꞌpin oshanën marëꞌ huiꞌnin anaꞌintacaso yaꞌhuërinhuëꞌ. Inapochachin huiꞌnin oshanën marëntaꞌ, co paꞌpin anaꞌintacaso yaꞌhuërinhuëꞌ. Noya nipisopitasoꞌ, noya nipiso marëꞌ noꞌtëquën acanapo. Co noyahuëꞌ ninaꞌpintaꞌ, co noyahuëꞌ nininso marëꞌ noꞌtëquën anaꞌintaꞌhuaso yaꞌhuërin,” itërinco.

Ezequiel 18:24

Noya ninaꞌpinta noya nisarinso aꞌporahuaton, co noyahuëꞌ nininsoꞌ, noꞌhuípiro nininsoꞌ, inapita niantahuachin: ‘Onpopionta inasoꞌ, Siniorori nanpicasoꞌ quëtapon nimara,’ ¡ama tocosohuëꞌ! Noya nininsopita co huachi yonquiarahuëꞌ. Co casáchin cancantatoncohuëꞌ, oshahuaninso marëꞌ chiminapon.

Hechos 18:6

Inapitaso nipirinhuëꞌ noꞌhuitonaꞌ, Paono pinopi. Napoaton tananpitërin. —Tëhuënchachin Yosë anaꞌintarinquëmaꞌ. Nani yaꞌipi aꞌchintopiranquëmahuëꞌ, co yanatëramahuëꞌ niꞌton, canpitaora tëhuënëmaquë ninaꞌintaramaꞌ. Iporaso nisha piyapiꞌsaꞌ aꞌchintarahuë huachi, tënin Paono.