Ezequiel 33:4 - Chayahuita (Shahui)

⁴ Inso tëranta aꞌpaitonaꞌpi pomon pihuirinsoꞌ natanaponahuëꞌ, co natëtohuachinhuëꞌ, inimicoroꞌsari huëꞌsahuaton tëpapon. Napohuachin, inaora tëhuënënquë chiminapon.

Ezequiel 33:4 ပူးပေါင်းရင်းမြစ်များ

2 Samuel 1:16

Ina chiminasoꞌ, Tapiri itapon: —Quëmaora tëhuënënquë chiminaran: “Siniorori copirno huayoninsoꞌ tëparahuë,” tënanso marëꞌ ninaꞌintëran, itërin.

Jeremías 6:17

Napoaton Siniorosoꞌ, aꞌpaitonaꞌpiroꞌsa pochin nininsoꞌ acorin. Aꞌpaitonaꞌpiroꞌsasoꞌ, huëhuëpiro huëꞌsarinso niꞌpachinara, pomontopi. Ina pochin nicatona pënëntonaꞌpiroꞌsasoꞌ shaꞌhuitopirinëmahuëꞌ, canpitaso co nohuantëramahuëꞌ natëtamasoꞌ.

Ezequiel 18:13

Coriqui aꞌnanpachinarantaꞌ, naꞌcon naꞌcon ananpërin. Ina pochin nipachinaꞌ, co nanpicaso yaꞌhuërinhuëꞌ. Yaꞌipi inapita co costapirahuëꞌ, naporinso marëꞌ onpopionta chiminapon. Inaora tëhuënënquë napoapon.

Ezequiel 33:5

Pomon pihuipisoꞌ natanaponahuëꞌ, co natëtërinhuëꞌ. Napoaton inaora tëhuënënquë chiminapon. Co insonta ina marëꞌ nonsarinhuëꞌ. Natëtërin naporini, chaꞌëitonhuëꞌ.

Hechos 18:6

Inapitaso nipirinhuëꞌ noꞌhuitonaꞌ, Paono pinopi. Napoaton tananpitërin. —Tëhuënchachin Yosë anaꞌintarinquëmaꞌ. Nani yaꞌipi aꞌchintopiranquëmahuëꞌ, co yanatëramahuëꞌ niꞌton, canpitaora tëhuënëmaquë ninaꞌintaramaꞌ. Iporaso nisha piyapiꞌsaꞌ aꞌchintarahuë huachi, tënin Paono.

Hechos 20:26

Yaꞌipi Yosë yonquirinpoasoꞌ nani shaꞌhuitëranquëmaꞌ. Napoaton noꞌtëquën itëranquëmaꞌ. Insosona co natëhuachinahuëꞌ, ina marëꞌ co Yosë anaꞌintarincohuëꞌ. Inahuara tëhuënënaquë ninaꞌintapi.

Santiago 1:22

Noꞌtëquën yonquicoꞌ. Yosë nanamën aꞌchintohuachinënquëmaꞌ, ama topinan quëran natancosohuëꞌ. Yaꞌipi cancanëma quëran huarëꞌ natëcoꞌ.