Ezequiel 33:16 - Chayahuita (Shahui)

¹⁶ Iporasoꞌ noyasáchin nicaton noꞌtëquën yonquirin niꞌquëhuarëꞌ, nanpipon. Iꞌhua co noyahuëꞌ nicaton oshahuaninsoꞌ, co huachi piꞌpian tëranta yonquiapohuëꞌ.

Ezequiel 33:16 ပူးပေါင်းရင်းမြစ်များ

Ezequiel 18:22

Iꞌhua paꞌpi co noyahuëꞌ nipirinhuëꞌ, yaꞌipi naporinso naniantarahuë. Noya nisarin niꞌton, ina marëꞌ nanpipon.

Isaías 43:25

Inapopiramahuëꞌ, Yosënëmaco niꞌto, paꞌpi co noyahuëꞌ ninamasopita, inquitaranquëmaꞌ. Co yanatëtatomahuëꞌ anoꞌhuitopiramacohuëꞌ, co huachi inapita yonquiarahuëꞌ.

Isaías 44:22

Tëhuëtatomaco oshahuanamasopita inquitëranquëmaꞌ. Chitoro inquirinso pochin inapita ayatërahuë. Carima nichaꞌëranquëma niꞌton, ca chachin tahuërëtaantaco,” tënin.

Isaías 1:18

Huëco paꞌahua nonatëhua anoyatahuaꞌ. Quëhuanën quëran aꞌshitërëso pochin naꞌcon oshahuanpiramahuëꞌ, inquitaranquëmaꞌ. Ina inquitatënquëmaꞌ, ocai, piꞌshiro, inapita huiritërinso pochin, anoyacancantaranquëmaꞌ.

Romanos 5:16

Atan co natërinhuëꞌ niꞌton, osha yaꞌhuërin. Aꞌnaíchin pënëninsoꞌ co natërinhuëꞌ niꞌton, anaꞌintacasoꞌ yaꞌhuërin. Nipirinhuëꞌ, Yosë nosororinpoasoꞌ co ina pochin nininhuëꞌ. Naꞌcon oshahuanpirëhuahuëꞌ, Quisocristo chiminin niꞌton, oshanënpoaꞌ inquitatonpoaꞌ, noya niꞌninpoaꞌ.

Romanos 5:21

Oshahuanëhuaꞌ niꞌton, chiminpatëhuaꞌ, parisitomiatacasoꞌ yaꞌhuëpirinhuëꞌ. Yosësoꞌ inaora nohuanton, nosoroatonpoaꞌ, catahuarinpoaꞌ. Sinioro Quisocristo anoyacancantohuachinpoaꞌ, nanpimiatarihuaꞌ.

Ezequiel 33:17

Ina yonquiatoma canpitaso israiroꞌsaꞌ: ‘Siniorosoꞌ co noyahuëꞌ nisarin,’ tapomaꞌ. Napopiramahuëꞌ, canpita mini tëhuënchinsoꞌ, co noyahuëꞌ nisaramaꞌ.

Salmos 103:9

Co apira apira pënëninpoahuëꞌ. Noꞌhuihuachinpoantaꞌ, co noꞌhuimiatërinpoahuëꞌ.