Ezequiel 3:8 - Chayahuita (Shahui)

⁸ Co natëpirinënhuëꞌ, ca nohuanton quëmarinta inapita pochachin cancantaton pënënaran.

Ezequiel 3:8 ပူးပေါင်းရင်းမြစ်များ

1 Reyes 21:20

Napotohuachina, paꞌsahuaton Siniorori napotërinsoꞌ Acapo shaꞌhuitonin. Napotohuachina Acapori itapon: —¡Quëmasoꞌ inimiconëhuënquën nipiranhuëꞌ, niquënanëchi paya! itërin. Napotohuachina Inari itapon: —Co Sinioro costarinsohuëráchin ninanso marëꞌ niquënanëꞌ.

Isaías 50:7

Sinioro catahuarinco niꞌton, noꞌhuipirinacohuëꞌ, co manta tënahuëꞌ. ‘Co atapanarinacohuëꞌ,’ taꞌto chiníquën cancantërahuë.

Jeremías 1:18

Ipora tahuëri carinquën acoranquën pairahuan ninano noyá niacorapipiso pochin nicacaso marëꞌ. Huaꞌnamia quëran onë nipiso pochin, shaꞌpi huaꞌna quëran paira nipiso pochin acoranquën. Inapoaton yaꞌipi Cota huëntonquë yaꞌhuëpisopita chinitaran. Copirnonënapita, huaꞌanënapita, corto huaꞌanoꞌsanënapita, inapitanta chinitaran.

Jeremías 15:20

Ca nohuanton chiníquën huaniaran. Shaꞌpi huaꞌna quëran paira nipiso pochin nisaran. Ahuëapirinënquëontaꞌ, co nanitapihuë minsëinënquënsoꞌ. Carinquën inapita quëran paꞌpoyatënquën nichaꞌësaranquën. Ca Sinioroco napotaranquën.

Ezequiel 3:7

Israiroꞌsaso nipirinhuëꞌ, co nohuantapihuëꞌ natëinënsoꞌ. Ca chachionta co nohuantopihuëꞌ natëinacoso niꞌton, napotarinën. Yaꞌipi inapitasoꞌ, co natantochináchinhuëꞌ cancantopi.

Ezequiel 3:9

Tiamanti naꞌpisoꞌ paꞌpi taríton. Ina tarítërinso pochin quëmanta acoaranquën. Naꞌpi tarítërinso pochin acoaranquën niꞌton, ama inapita tëꞌhuatëquësohuëꞌ. Co natantochináchinhuëꞌ cancantopi niꞌton, pënënpatan nishinahuën niꞌtaponaꞌ. Napopirinahuë tërantaꞌ, ama tëꞌhuatëquësohuëꞌ,” itërinco.

Miqueas 3:8

Caso nipirinhuëꞌ, noꞌtëquën Sinioro marëꞌ pënëntarahuë niꞌto, achinirinco. Catahuarinco noya nicaꞌhuasoꞌ. Chiníquën cancantato, israiroꞌsa pënënarahuë: “Canpitaso co Yosë natëtomarahuëꞌ, naꞌcon oshahuanamaꞌ,” itárahuë.

Hebreos 11:27

Yosë natëton, Moisësë Iquipito quëran pipirin. Copirnori noꞌhuipirinhuëꞌ, co tëꞌhuatërinhuëꞌ. “Yosë co quënanaporahuëꞌ, niꞌsárinco,” taꞌton, chiníquën cancantërin. Chiníquën cancantaton, Yosë piyapinënpita catahuarin.