Ezequiel 3:4 - Chayahuita (Shahui)

⁴ Naporo chachin itaantarinco: “Paaton israiroꞌsa yonquirahuëso shaꞌhuitonquëꞌ.

Ezequiel 3:4 ပူးပေါင်းရင်းမြစ်များ

Ezequiel 2:4

Huiꞌninapitanta co natantochináchinhuëꞌ cancantopirinahuëꞌ, inapita pënënacaso marëꞌ aꞌpaaranquën. Paꞌpatan, ‘Sinioro pënënatënquëma naporin,’ tosaran. Napotopiranhuë tëranta co aꞌna natëponënhuëꞌ nimara. Ama ina naꞌcon naꞌcon yonquiquësohuëꞌ. Co natëtopirinahuëꞌ, co inapita naniantatorahuë pënëntonaꞌpiroꞌsa quëran pënënahuëso tëhuënchinsoꞌ yonquiꞌinaꞌ.

Ezequiel 2:7

Carinquën shaꞌhuitohuatënquën shaꞌhuitëquëꞌ. Co natantochináchinhuëꞌ cancantopi niꞌton, co aꞌna natëponënhuëꞌ nimara.

Ezequiel 3:11

Israiroꞌsa yaꞌhuëpi quëran quëpisoꞌ, niꞌcontaquëꞌ. Pënënpatan co aꞌna natëponënhuëꞌ nimara. Napoaponahuëꞌ: ‘Sinioro pënënatënquëma naporin,’ itonquëꞌ,” itërinco.

Ezequiel 3:3

Ina quëran itaantaponco: “Iso ninshitopisoꞌ natëaquë huarëꞌ caꞌquëꞌ,” itërinco. Napotohuachincora, ninoiꞌ pochin cashi cashin caꞌnahuë.

Ezequiel 3:5

Co sacai nanan nonpisopita yaꞌhuëpiquë aꞌparanquënhuëꞌ. Israiroꞌsa yaꞌhuëpiquë aꞌpaaranquën.

Mateo 15:24

Napotohuachinara, sanapi itërin: —Quëmasoꞌ imoya nisha piyapinquën. Israiroꞌsaꞌ catahuaꞌhuaso marëꞌ Yosë aꞌparinco. Inahuaso Yosë piyapinënpita nipirinahuëꞌ, ohuica chihuërinso pochin nipi niꞌton, catahuarahuë, itërin.

Hechos 1:8

Iporaso nipirinhuëꞌ Ispirito Santo naꞌcon catahuarinquëmaꞌ. Yaꞌcoancantohuachinquëmaꞌ, nóya pënëntaramaꞌ. Ina nohuanton, nani maꞌsha nanitaparamaꞌ. Yaꞌipi naporahuësoꞌ niꞌnamaꞌ, nani nitotëramaꞌ. Aꞌnapitantaꞌ shaꞌhuitocoꞌ. Quirosarinquë chachin shaꞌhuitocoꞌ. Ina quëran yaꞌipi Cotia parti paatomaꞌ, shaꞌhuitoncoꞌ. Samaria partintaꞌ shaꞌhuitoncoꞌ. Yaꞌipi parti paatomaꞌ, shaꞌhuitëraꞌpiacoꞌ, itërin Quisosori.