Ezequiel 3:3 - Chayahuita (Shahui)

³ Ina quëran itaantaponco: “Iso ninshitopisoꞌ natëaquë huarëꞌ caꞌquëꞌ,” itërinco. Napotohuachincora, ninoiꞌ pochin cashi cashin caꞌnahuë.

Ezequiel 3:3 ပူးပေါင်းရင်းမြစ်များ

Salmos 119:103

Ninoiꞌ cashi cashin irorëꞌ. Quëma nanamënso nipirinhuëꞌ, ina quëran cashi cashin pochin natanahuë.

Salmos 119:97

¡Quëma aꞌchinanso Sinioro, paꞌpi nosororahuë! ¡Yaꞌipi tahuëri ina yonquirárahuë!

Salmos 19:10

Oro paꞌton niꞌton, naꞌcon nohuantopi. Ina quëran paꞌton paꞌton Yosë shaꞌhuirinsoso niꞌton, naꞌcon naꞌcon nohuantahuaꞌ. Ninointa cashi cashin niꞌton, paꞌyatopi. Yosë shaꞌhuirinsosoꞌ, ina quëran cashi cashin niꞌton, naꞌcon naꞌcon paꞌyatahuaꞌ.

Salmos 19:11

Yosë shaꞌhuirinsopita yonquiatëhuaꞌ, niyátainpichin yaꞌhuëarihuaꞌ. Noya natëhuatëhuaꞌ, naꞌcon catahuarinpoaꞌ.

Jeremías 15:16

Quëma nontohuatancora, paꞌyátërahuë natanaꞌhuasoꞌ. Huaꞌanëntëranco niꞌton, quëma nanamën acapacancamiatërinco. Quëmaso Sinioro Yosënquën, yaꞌipi nanitaparan.

Jeremías 20:9

Amiato: “Ama huachi Sinioro yonquiꞌisohuëꞌ. Nanan quëtopirincohuë tërantaꞌ, ama huachi noinsohuëꞌ,” tënahuë. Taporahuëꞌ, quëma nanamën yaꞌcoancantërinco niꞌton, pën maꞌsha ahuiquitërinso pochin nitárinco. Nansëanaquë huarëꞌ piꞌcarincoso pochin natanahuë. “Chinitato nipachin ama noinsohuëꞌ,” taporahuëꞌ, ¡coꞌchi nanitërahuëꞌ cacotaꞌhuaso paya!

Ezequiel 2:10

Oporiantohuachincora niꞌpirahuëꞌ, sëtatona oshaapisoꞌ, co napion ancantatonaꞌ, ¡maꞌhuántacha ninai paya! topisoꞌ, parisitatona tarëtopisoꞌ, inapita catoran chachin ninshitopinan yaꞌhuërin.

Ezequiel 2:8

Shaꞌhuitaranquënsoꞌ noya natanquëꞌ. Ama quëmasoꞌ inapita pochin cancantëquësohuëꞌ. Iporasoꞌ nahuërahuaton iso quëtaranquënsoꞌ caꞌquëꞌ,” itërinco.

Ezequiel 3:4

Naporo chachin itaantarinco: “Paaton israiroꞌsa yonquirahuëso shaꞌhuitonquëꞌ.

Juan 7:38

Natëhuatamaco, cancanëmaquë nanpirin iiꞌ yaꞌhuëtarinquëmaꞌ. Pancaiꞌ noꞌpa quëran pipirinso pochin cancanëmaquë yaꞌhuërápon. Yosë quiricanënquë naporin, itërin.

Colosenses 3:16

Yaꞌipi Quisocristo nanamën yonquirácoꞌ. Naꞌcon ina yonquicoꞌ. Noya nitotatomaꞌ, niaꞌchintocoꞌ, nipënëncoꞌ. Yosë cantanën nisha nisha nininsopita cantacoꞌ. Sarmo quirica nontatomaꞌ, inantaꞌ cantacoꞌ. Canpitaora yonquinëma quëraontaꞌ ocoirahuatomaꞌ, cantacoꞌ: “Ma noyanquëncha Tata niꞌton, catahuarancoi paya,” itatomaꞌ, cancanëma quëran huarëꞌ cantacoꞌ.