Ezequiel 3:27 - Chayahuita (Shahui)

²⁷ Napoaponahuëꞌ, maꞌsona yashaꞌhuitohuatënquën noya noantaran. Naporoꞌ quëmarintaꞌ: ‘Sinioro pënënatonpoa naporin,’ itaran. Insosona yanatanpachinquën noya natanapon. Insosona co yanatanpachinquënhuëꞌ, co natanaponhuëꞌ. Co natantochináchinhuëꞌ cancantopi niꞌton, napoaponaꞌ,” itërinco.

Ezequiel 3:27 ပူးပေါင်းရင်းမြစ်များ

Ezequiel 2:4

Huiꞌninapitanta co natantochináchinhuëꞌ cancantopirinahuëꞌ, inapita pënënacaso marëꞌ aꞌpaaranquën. Paꞌpatan, ‘Sinioro pënënatënquëma naporin,’ tosaran. Napotopiranhuë tëranta co aꞌna natëponënhuëꞌ nimara. Ama ina naꞌcon naꞌcon yonquiquësohuëꞌ. Co natëtopirinahuëꞌ, co inapita naniantatorahuë pënëntonaꞌpiroꞌsa quëran pënënahuëso tëhuënchinsoꞌ yonquiꞌinaꞌ.

Ezequiel 3:11

Israiroꞌsa yaꞌhuëpi quëran quëpisoꞌ, niꞌcontaquëꞌ. Pënënpatan co aꞌna natëponënhuëꞌ nimara. Napoaponahuëꞌ: ‘Sinioro pënënatënquëma naporin,’ itonquëꞌ,” itërinco.

Ezequiel 3:26

Naporahuaton ca nohuanton nënëranën piracotënquë chinpiapon niꞌton, co nonsaranhuëꞌ. Inapitasoꞌ co natantochináchinhuëꞌ cancantopirinahuëꞌ, co nanitaranhuëꞌ pënënamasoꞌ.

Ezequiel 3:9

Tiamanti naꞌpisoꞌ paꞌpi taríton. Ina tarítërinso pochin quëmanta acoaranquën. Naꞌpi tarítërinso pochin acoaranquën niꞌton, ama inapita tëꞌhuatëquësohuëꞌ. Co natantochináchinhuëꞌ cancantopi niꞌton, pënënpatan nishinahuën niꞌtaponaꞌ. Napopirinahuë tërantaꞌ, ama tëꞌhuatëquësohuëꞌ,” itërinco.

Ezequiel 33:32

Inapitasoꞌ, arpa piꞌniaton huaino míso cantarinso pochin cancantërinën. Natanpirinënhuëꞌ, co natërinënhuëꞌ.

Mateo 11:15

Huëratëhuanpatamaꞌ, noya natanatomaco, yonquicoꞌ.

Mateo 13:9

Huëratëhuanpatamaꞌ, noya natanatomaco, yonquicoꞌ,” itërin Quisosori.

Lucas 21:15

Catahuaranquëmaꞌ noya nonacamasoꞌ. Ca nohuanto, noya yonquiaramaꞌ. Inimiconënpita co nanitapihuëꞌ aꞌpaniinquëmasoꞌ.

Efesios 6:19

Ca marëntaꞌ Yosë nontocoꞌ catahuainco nanamën noya aꞌchinchi. Chiníquën cancantato, aꞌchinchi. Yosësoꞌ yanichaꞌëpirinpoahuëꞌ, naꞌa piyapiꞌsasoꞌ co nitochátërapihuëꞌ.