Ezequiel 3:19 - Chayahuita (Shahui)

¹⁹ Shaꞌhuitopiranhuëꞌ inachachin nisápachinsoꞌ, inasoꞌ oshanën marëꞌ chiminapon. Quëmaso napoaponahuëꞌ, ina chimininsoꞌ, co naꞌintarinquënhuëꞌ.

Ezequiel 3:19 ပူးပေါင်းရင်းမြစ်များ

Ezequiel 3:18

Aꞌnaquën co noyahuëꞌ nininso marëꞌ: ‘Isosoꞌ, chiminacaso yaꞌhuërin,’ tosarahuë. Napotohuato, quëma nanan quëtaranquën co noyahuëꞌ nininsoꞌ aꞌpocaso marëꞌ shaꞌhuitaran. Natëhuachinquën co chiminaponhuëꞌ. Co shaꞌhuitohuatansohuëꞌ, tëhuënchachin chiminapon. Napoaponahuëꞌ, chimininso marëꞌ quëma naꞌintarinquën.

Ezequiel 3:21

Quëmaso co napoatonhuëꞌ, ina piyapi shaꞌhuitëran. Napotëran niꞌton, co huachi oshahuanpachinhuëꞌ, co chiminaponhuëꞌ. Shaꞌhuitëransoꞌ natërin niꞌton, noya chaꞌësarin. Ina marëꞌ quëmanta noya chaꞌësaran,” itërinco.

Ezequiel 33:3

Inasoꞌ inimicoroꞌsa huëꞌsarin quënanpachin, piyapiꞌsa niyátainpichin yaꞌhuëcaiso marëꞌ pomonquë shaꞌhuitarin.

Ezequiel 33:5

Pomon pihuipisoꞌ natanaponahuëꞌ, co natëtërinhuëꞌ. Napoaton inaora tëhuënënquë chiminapon. Co insonta ina marëꞌ nonsarinhuëꞌ. Natëtërin naporini, chaꞌëitonhuëꞌ.

Hechos 20:26

Yaꞌipi Yosë yonquirinpoasoꞌ nani shaꞌhuitëranquëmaꞌ. Napoaton noꞌtëquën itëranquëmaꞌ. Insosona co natëhuachinahuëꞌ, ina marëꞌ co Yosë anaꞌintarincohuëꞌ. Inahuara tëhuënënaquë ninaꞌintapi.

1 Tesalonicenses 4:6

Aꞌna quëmapi saꞌin ama sëꞌhuacosohuëꞌ. Ama ina pochin niꞌtomaꞌ, soꞌin nonpintocosohuëꞌ. Sëꞌhuahuatamaꞌ, Yosë noꞌtëquën anaꞌintarinquëmaꞌ. Iráca inachachin chiníquën pënënainquëmaꞌ.

1 Timoteo 4:16

Nani tahuëri yonquiquëꞌ nóya imacamaso marëꞌ. Naporahuaton, noꞌtëquën aꞌchinquëꞌ. Inapohuatan, Yosë catahuarinquën imamiataton chaꞌëcaso marëꞌ. Aꞌnapitantaꞌ natanpachinquën, chaꞌësapi.

Hebreos 12:25

Napoaton Quisocristo nanamën noya natancoꞌ. Ama piꞌpian tërantaꞌ aꞌpocosohuëꞌ. Pënëntërinso nanan shaꞌhuitohuachinara, aꞌnaquën co yanatëtopihuëꞌ niꞌton, aꞌnaroáchin anaꞌintërin. Quisocristo nanamënsoꞌ noya noya niꞌton, ina naniantohuatëhuaꞌ, aquë aquëtëꞌ anaꞌintinpoasoꞌ yaꞌhuërin. Inasoꞌ inápa quëran pënëninpoaꞌ.