Ezequiel 3:15 - Chayahuita (Shahui)

¹⁵ Israiroꞌsa yaꞌhuëpi quëran quëpisopitasoꞌ, Quiparoiꞌ yonsanquë, Tira-pito ninano itopiquë yaꞌhuëpi. Inaquë acohuachincora, canchisë tahuëri inapitarëꞌco yaꞌhuërahuë. Napoaporahuëꞌ, co nitotërahuë maꞌsona nicaꞌhuasoꞌ. Maꞌsha taꞌcahuasontaꞌ, co nitotërahuëꞌ.

Ezequiel 3:15 ပူးပေါင်းရင်းမြစ်များ

Génesis 50:10

Paꞌsápatonaꞌ, Corin-a-atatiquë canconpi. Inaquë niyontonatona panca sëtopi. Inaquë Cosi paꞌpin marëꞌ canchisë tahuëri sëtërinsoꞌ, naniantarin. (Corin-a-atatisoꞌ, trico toꞌnorapiquë) Ina noꞌpa quëransoꞌ, Cortaniiꞌ piꞌi yaꞌconinso parti acorin.

Copo naporinso' 2:13

Naporahuatonaꞌ, Coporë chachin noꞌpaquë huënsëpi. Canchisë tahuëri tashirë chachin co manta taponaraihuëꞌ napopi. Chiníquën parisitërinsoꞌ nicatonaꞌ, co manta itopihuëꞌ.

Salmos 137:1

Papironia iroꞌsa yonsanquë huënsëatoi naꞌnërai. Quirosarin naꞌhuanatoi naporai.

Jeremías 23:9

Nonpi nanan pënëntopisopita pënënaꞌhuaso marëꞌ Sinioro anitotërinco. Ina yonquiato co napion ancantarahuë. Yaꞌipi nonëhuë quëran huarëꞌ ropatërahuë. Noꞌpito yanotatárahuëso pochin ninatanahuë. Sinioro noyasáchin noninsopita yonquiato naporahuë.

Ezequiel 1:1

Caso Isiquiro corto huaꞌanco. Tatahuësoꞌ, Posi itopi. Papironiaꞌpaꞌ cantaꞌ, quëparinaco. Aꞌna tahuëri aꞌnapita quëpapisopitarëꞌco chachin Quiparoiꞌ itopisoꞌ yonsanꞌpaꞌ nisarai. Inaquë nicasoco aꞌnanaya huaꞌnarëso pochin piꞌiroꞌtë niiꞌsohuatohuachina, Yosë yaꞌnorin niꞌnahuë. Coaquin copirno quëpi quëran huarëꞌ nani aꞌnatërápo piꞌipi, catapini yoqui nisarin. Naporahuaton nani cara shonca piꞌipitarin Napocotono copirno yaꞌconinsoꞌ. Naporoꞌ Siniorosoꞌ chiníquën nanantaton, aꞌnotërincosopita nicaꞌhuaso marëꞌ catahuarinco.

Habacuc 3:16

Inapita natanato paꞌyanëhuëquë shaꞌpianantërahuë. Paꞌhuëhuëntaꞌ, yamo yamóshin ninatanahuë. Yaꞌipi nonëhuëntaꞌ, co chinirinhuëꞌ ninatanahuë. Inapopirahuë mini: “Ipora ahuërarinacosopita sontaroꞌsasoꞌ, Siniorori iꞌhuërëtaton aꞌpayanarin. Tahuërinën nanihuachin, napotarin,” taꞌto sano cancantërahuë.